Hukom 11:27 - Marahay na Bareta Biblia

²⁷ Dai ako nagkasala saimo; ika an minagibo nin maraot sako huli ta kinakalaban mo ako. An Kagurangnan an Hukom; siya an maghukom sa mga Israelita asin sa mga Ammonita.”

Hukom 11:27 ပူးပေါင်းရင်းမြစ်များ

Genesis 16:5

Huli kaini, sinabihan ni Sarai si Abram, “Sala mo kun tano ta pinag-oolog-olog ako ni Hagar. Itinao ko siya saimo, alagad poon kan maaraman niyang bados siya, pinag-olog-olog na niya ako. Hukoman logod nin Kagurangnan kun siisay sato an tama, ika o ako!”

Genesis 18:25

Aram kong dai mo gagadanon an matanos kaiba kan maraot. Dai mo gigibohon iyan! Kun gibohon mo iyan, madadamay an mga matanos sa pagpadusa kan mga maraot. Imposibleng gibohon mo iyan! Matanos an Hukom kan bilog na kinaban!”

Genesis 31:53

Husgaran logod kita kan Dios ni Abraham, ni Nahor, asin nin saindang mga magurang.” Kaya nanumpa si Jacob sa ngaran kan Dios na sinamba ni Isaac na saiyang ama.

2 Mga Cronica 20:12

Ika an samuyang Dios! Padusahan mo sinda, huli ta mayo kami nin kosog na atubangon an dakulang hukbo na ini na nagsasalakay samo. Dai mi aram kun ano an samong gigibohon, alagad minalaom kami na tatabangan mo kami.”

An Libro ni Job 23:7

Matanos ako; pwede akong makipag-olay saiya, asin pawawaraan niya nin sala sagkod pa man.

An Libro ni Job 9:15

Maski mayo akong sala, mayo akong magigibo kundi an maghagad nin pagkaherak sa Dios na sakong hukom.

Salmo 50:6

Ibinabalangibog nin kalangitan an pagkamatanos nin Dios, huli ta siya iyo an hukom.

Salmo 7:11

An Dios sarong hukom na matanos, danay na anggot sa mga maraot.

Salmo 75:7

kundi sa Dios na iyo an hukom, an nagpapadusa sa saro asin nagpapatalingkas sa iba.

Salmo 82:8

Bumangon ka, O Dios, asin hukoman mo an kinaban; huli ta sadiri mo an gabos na nasyon.

Salmo 94:2

Magtindog ka, O hukom nin kinaban; tawan sa mapaabaw-abaw an maninigo sainda!

Salmo 98:9

huli ta madatong siya tanganing maghukom sa daga. Maghuhukom sa mga banwaan nin kinaban sa katanosan asin sa katotoohan.

Parahulit 11:9

Mga hoben, ipag-ogma nindo an saindong pagkanihoben; mag-ogma kamo mantang kamo aki pa. Giboha an boot nindo asin sunoda an kamawotan kan saindong puso. Alagad giromdomon nindo na huhukoman kamo nin Dios sa gabos nindong gibo.

Parahulit 12:14

Huhukoman nin Dios an gabos nyatong gibo, marahay man o maraot, maski an mga bagay na ginibo sa hilom.

2 Corinto 11:11

Sinasabi ko daw ini huli ta dai ko kamo namomotan? Aram nin Dios na namomotan ko kamo!

2 Corinto 5:10

Huli ta kita gabos maatubang ki Cristo tanganing hukoman niya. An lambang saro maako kan maninigo saiya, sosog sa saiyang mga marahay o maraot na gibo, kan nabubuhay pa siya sa kinaban na ini.

2 Timoteo 4:8

Kaya ngunyan naghahalat na sako an korona nin katanosan na itatao sako sa Aldaw na idto nin Kagurangnan, an matanos na hukom, itatao bako sana sako, kundi sa gabos na dahel sa pagkamoot naghahalat kan saiyang pagdatong.

Hebreyo 12:23

Nagdolok kamo sa katiriponan kan mga panganay nin Dios na an mga ngaran nasusurat sa langit. Nagdolok kamo sa Dios, na iyo an hukom kan gabos na tawo; nagdolok man kamo sa mga espiritu kan mga matanos na tawong nagin banal.

Hukom 11:28

Alagad dai dinangog kan hade kan mga Ammonita an mensahe ni Jefta.

1 Samuel 2:10

Magkakaturunaw an mga kaiwal nin Kagurangnan; laban sainda, madaguldol siya sa kalangitan. An Kagurangnan an mahukom sa bilog na kinaban; tatawan niya nin kosog an saiyang hade, ilalangkaw niya an kapangyarihan kan saiyang pinili.”

1 Samuel 24:12

Hukoman logod kita nin Kagurangnan kun siisay sato an may sala! Padusahan ka logod nin Kagurangnan huli kan ginibo mo sako; alagad dai ako matumang saimo.

1 Samuel 24:13

Aram mo an suanoy na kasabihan, ‘An karatan minagikan sa maraot na tawo.’ Kaya dai ako matumang saimo.

1 Samuel 24:15

An Kagurangnan iyo an maghuhukom, asin siya an masentensiya kun siisay sato an sala. Siyasaton logod niya an bagay na ini, surogon ako, asin iligtas saimo.”

1 Samuel 24:16

Pakasabi ni David kaini, nagsabi si Saul, “David, aki ko, ika mananggad iyan?” Dangan naghibi an hade.