Hukom 11:26 - Marahay na Bareta Biblia

²⁶ Sa laog nin tolong gatos na taon nag-erok an mga Israelita sa Hesbon, sa Aroer, asin sa mga banwa na nasa palibot kaiyan, sagkod sa mga syudad na yaon sa pangpang kan Salog nin Arnon. Tano ta dai mo kinua an dagang idto sa laog kan panahon na iyan?

Hukom 11:26 ပူးပေါင်းရင်းမြစ်များ

Jeremias 48:19

Kamong nag-eerok sa Aroer, magtindog kamo sa gilid kan dalan saka maghalat; hapoton nindo an nagdudurulag, aramon nindo sainda kun ano an nangyari.

Mga Gibo 13:19

Pakatapos niyang rumpagon an pitong nasyon sa Canaan, an saindang daga itinao niya sa mga Israelita bilang pamana, sa laog nin haros kwatro syentos singkwentang taon.

Deuteronomio 2:24

“Pakaagi ta sa Moab, nagtaram sato an Kagurangnan, ‘Magduman kamo sa ibong kan Salog nin Arnon. Itatao ko saindo si Sihon, an Amoreong hade nin Hesbon, sagkod an saiyang daga. Salakayon nindo siya asin poonan na nindong sakopon an saiyang daga.

Deuteronomio 2:36

Tinugotan kita nin Kagurangnan na sakopon an gabos na banwa magpoon sa Aroer na nasa tampi kan Kapantayan nin Arnon, asin an syudad na nasa kapantayan na ini, sagkod sa Gilead. Dai nakaolang sato an mga makosog na kudal kan arin man na banwa.

Deuteronomio 3:2

Alagad nagtaram sako an Kagurangnan, ‘Dai ka matakot saiya; itatao ko siya sa saimong kamot, an saiyang mga tawohan sagkod an bilog niyang daga. Giboha saiya an ginibo mo ki Sihon na hade kan mga Amoreo na nag-erok sa Hesbon.’

Deuteronomio 3:6

Rinaot ta ini gabos saka ginadan an gabos na lalaki, babae sagkod aki, arog kan ginibo ta sa mga banwa na sadiri ni Hadeng Sihon kan Hesbon.

Josue 12:2

An saro iyo si Sihon, an hadeng Amoreo na nag-erok sa Hesbon. Sakop kan saiyang kahadean iyo an kabanga kan Gilead: magpoon sa Aroer (sa gilid kan Kapantayan nin Arnon) asin magpoon sa syudad na nasa tahaw kan nasabing kapantayan sagkod sa Salog nin Jabbok sa pagdolonan nin Ammon;

Josue 12:5

Sakop kan saiyang kahadean an Bukid nin Hermon, Saleca, an bilog na Basan sagkod sa pagdolonan kan Gesur saka Maaca, asin an kabanga kan Gilead, sagkod sa teritoryo ni Hadeng Sihon kan Hesbon.

Josue 13:10

sagkod an gabos na syudad ni Sihon, an hade kan mga Amoreo, na naghade sa Hesbon, sagkod sa pagdolonan nin Ammon;

Josue 13:16

An saindang teritoryo abot sa Aroer (na nasa gilid kan Kapantayan nin Arnon) asin an syudad na nasa tahaw kan kapantayan na idto saka an gabos na kapatagan sa bukid sa palibot kan Medeba.

Josue 13:17

Sakop kan teritoryo ninda an Hesbon saka an gabos na syudad sa kapatagan sa bukid: an Dibon, Bamot-baal, Bet-baal-meon,

Josue 23:1

Pakalihis nin halawig na panahon, tinawan nin Kagurangnan nin katiwasayan an Israel laban sa mga kaiwal sa palibot ninda. Kan panahon na iyan, gurang nang marahay si Josue,

Hukom 10:8

Sa laog nin dyes y otsong taon, pinasakitan ninda asin inapi an mga Israelita na nag-erok sa daga kan mga Amoreo na nasa sirangan kan Salog nin Jordan duman sa Gilead.

Hukom 3:11

Pakatapos kaini, nagkaigwa nin katoninongan an daga sa laog nin kwarentang taon, dangan nagadan si Otniel.

Hukom 3:30

Kan aldaw na idto, dinaog kan mga Israelita an Moab, asin nagkaigwa nin katoninongan sa daga sa laog nin otsentang taon.

Hukom 5:31

Magkagaradan logod, sa siring na paagi an gabos mong kaiwal, O Kagurangnan, alagad magliwanag logod an saimong mga katood siring sa minasirang na aldaw! Dangan nagkaigwa nin katoninongan sa daga sa laog nin kwarentang taon.

Hukom 8:28

Kaya nadaog kan mga Israelita an Midian asin dai na ini pinagtakotan. Nagkaigwa nin katoninongan sa daga sa laog nin kwarentang taon sagkod na magadan si Gideon.

Hukom 9:22

Pinamayohan ni Abimelec an Israel sa laog nin tolong taon.