Hukom 11:21 - Marahay na Bareta Biblia

²¹ Alagad itinao nin Kagurangnan, an Dios nin Israel, sa mga Israelita an kapangganahan laban ki Sihon. Huli kaini, sinakop ninda an gabos na teritoryo kan mga Amoreo na nag-erok sa dagang idto.

Hukom 11:21 ပူးပေါင်းရင်းမြစ်များ

2 Mga Cronica 13:16

Nagdurulag an mga Israelita, alagad itinao sinda nin Dios sa mga taga Juda.

2 Mga Cronica 13:5

Dai nindo aram na an Kagurangnan, an Dios nin Israel, naggibo nin sarong dai malalapas na tipan ki David, dangan itinao nin Dios saiya saka sa saiyang mga aki an paghahade sa Israel sagkod pa man?

Exodo 23:31

Ibubugtak ko an mga kasagkoran kan saindong daga magpoon sa Salog nin Eufrates sagkod sa Dagat na Pula, asin magpoon sa kalangtadan sagkod sa Dagat nin Mediteraneo. Ibubugtak ko sa saindong mga kamot an mga nag-eerok sa daga asin papahaleon nindo sinda mantang naglalaog kamo sa daga.

Amos 2:9

“Alagad, banwaan ko, huli saindo kun kaya pinuho ko an mga Amoreo, an mga lalaking arog kahalangkaw sa mga sedro asin arog kakosog sa mga hamurawon.

Mga Bilang 21:24

Alagad ginadan kan mga Israelita an kadaklan kan mga kaiwal asin nasakop ninda an daga ni Sihon, magpoon sa Salog nin Arnon sagkod sa amihan kan Jabbok, na pasiring man sa mga Ammonita, huli ta makosog nin marahay an depensa kan pagdolonan kan mga Ammonita.

Deuteronomio 2:32

Nagluwas si Sihon kaiba an gabos niyang tawohan tanganing makilaban sato duman sa Jahaz.

Josue 6:2

Tinaraman nin Kagurangnan si Josue, “Itinatao ko sa saimong mga kamot an Jerico kaiba an saiyang hade saka maiisog na mga soldados.

Hukom 11:20

Alagad dai sinda pinaagi ni Sihon. Tinipon ni Sihon an gabos niyang hukbo asin nagkampo sinda sa Jahaz, dangan sinalakay ninda an Israel.