Hukom 11:12 - Marahay na Bareta Biblia

¹² Dangan nagpadara si Jefta nin mga sugo sa hade kan mga Ammonita tanganing magsabi, “Tano ta kinakalaban nindo kami? Tano ta luminaog kamo sa sakong daga?”

Hukom 11:12 ပူးပေါင်းရင်းမြစ်များ

Mga Bilang 20:14

Hale sa Kades, nagpadara si Moises nin mga sugo sa hade kan Edom. Olay ninda, “An mensaheng ini hale sa saimong mga kadugo, an mga tribu nin Israel. Nakakaisi ka kan mga kasakitan na uminabot samo,

Mga Bilang 21:21

Dangan nagpadara an mga Israelita ki Hadeng Sihon na Amoreo kan mensaheng ini:

Mateo 8:29

Bigla sindang nagkurahaw, “Aki nin Dios, ano an pakilabot mo samo? Nagdigdi ka tanganing padusahan kami maski bako pang panahon?”

Deuteronomio 2:26

“Kaya hale sa desyerto nin Kedemot, nagpadara ako ki Hadeng Sihon kan mensaheng ini nin katoninongan:

Hukom 11:11

Kaya nag-iba si Jefta sa mga lider nin Gilead asin ginibo siyang pamayo saka lider kan banwaan; sinambit niya giraray duman sa Mizpa, sa atubang nin Kagurangnan, an saiyang mga kahagadan.

Hukom 11:13

Nagsimbag an hade kan Ammon sa mga sinugo ni Jefta, “Kan umabot an mga Israelita hale sa Egipto, kinua ninda an sakong daga magpoon sa Salog nin Arnon sagkod sa Salog nin Jabbok asin Jordan. Kaya kaipuhan ibalik nindo iyan sako nin matoninong.”

Hukom 12:2

Alagad nagsimbag si Jefta, “Ako asin an sakong banwaan igwa nin makuring iriwal saka an mga Ammonita. Ipinaapod ko kamo alagad habo kamong magtabang sako.