Hukom 10:9 - Marahay na Bareta Biblia

⁹ Nagbalyo pa sa Jordan an mga Ammonita tanganing labanan an mga tribu ni Juda, Benjamin, sagkod Efraim. Huli kaini, nagtios nin makuri an bilog na Israel.

Hukom 10:9 ပူးပေါင်းရင်းမြစ်များ

2 Mga Cronica 14:9

Sarong taga Etiopia na an ngaran Zera, an nagsalakay sa Juda kaiba an saiyang hukbo nin sarong milyon na soldados saka tres syentos na karwahe; nakaabot sinda sagkod sa Maresa.

2 Mga Cronica 15:5

Kaidtong panahon mayong tawong tiwasay na minaabot o minahale sa daga, huli ta igwa nin kasakitan asin kahorasaan sa gabos na lugar.

Deuteronomio 28:65

Mayo kamong makukuang katoninongan sa mga nasyon na iyan; mayo nin lugar na pwede nindong apodon na sadiri nindo. Papadarahan niya kamo nin kahandalan, kapurisawan asin kawaran nin paglaom.

Hukom 10:10

Dangan nag-agrangay an mga Israelita sa Kagurangnan asin nagsabi, “Nagkasala kami saimo huli ta nagtalikod kami saimo na samong Dios dangan nagsamba sa mga Baal.”

Hukom 10:8

Sa laog nin dyes y otsong taon, pinasakitan ninda asin inapi an mga Israelita na nag-erok sa daga kan mga Amoreo na nasa sirangan kan Salog nin Jordan duman sa Gilead.

Hukom 11:4

Nag-agi an panahon dangan nakigera an mga Ammonita sa mga Israelita.

Hukom 2:15

Kun nakikilaban sinda, kinakalaban sinda nin Kagurangnan siring sa saiyang sinabi; kaya dakula an saindang kahaditan.

Hukom 6:2

Mas makosog an mga Midianita ki sa mga Israelita, kaya nagtarago sinda sa mga lungib asin sa ibang ligtas na lugar sa kabubuldan.

1 Samuel 13:6

Dangan sarong makosog na salakay an saindang ginibo laban sa mga Israelita. Naparaot an kamugtakan kan mga Israelita sa ralaban na idto, kaya an iba sainda nagtarago sa mga lungib asin mga kalot, sa kagapoan, sa mga lulubngan asin mga bubon;

1 Samuel 28:15

Sinabihan ni Samuel si Saul, “Tadaw ta pinurisaw mo ako? Tadaw ta pinabalik mo ako?” Nagsimbag si Saul, “Dakula an sakong kahaditan! Sinasalakay ako kan mga Filisteo, asin pinabayaan na ako nin Dios. Dai na niya ako sinisimbag, maski sa paagi kan mga propeta o sa mga pangatorogan. Kaya inapod taka tanganing sabihan mo ako kun ano an dapat kong gibohon.”