Hukom 10:4 - Marahay na Bareta Biblia

⁴ Igwa siya nin treyntang aking lalaki na nagsarakay sa treyntang asno. Igwa sinda nin treyntang syudad duman sa Gilead na sagkod ngunyan inaapod na mga baryo ni Jair.

Hukom 10:4 ပူးပေါင်းရင်းမြစ်များ

2 Samuel 16:2

Hinapot siya ni Hadeng David, “Ano an gigibohon mo sa mga dara mong iyan?” Nagsimbag si Ziba, “An mga asno sasakayan kan pamilya kan hade, an mga tinapay asin mga prutas kakakanon kan kalalakihan, asin an arak para sa mga pinanluluya sa kalangtadan.”

Zacarias 9:9

Pag-ogma, pag-ogma, banwaan nin Sion! Pagkurahaw sa kaogmahan, kamong mga taga Jerusalem! Hilinga, an saindong hade maabot na sa saindo! Maabot siyang mapandaog saka mapanggana, alagad mapakumbaba asin naglulunad sa sarong asno— sa sarong torilyo, na ogbon nin sarong asno.

Mga Bilang 32:41

Sinalakay asin sinakop ni Jair, na aking lalaki ni Manases, an nagkapirang mga baryo asin nginaranan idtong “Mga Baryo ni Jair.”

Deuteronomio 3:14

Si Jair, kan tribu ni Manases, iyo an nagkua kan bilog na rehiyon nin Argob, na iyo an Basan, sagkod sa pagdolonan kan Gesur asin Maaca. Nginaranan niya an mga lugar na ini sunod sa saiyang ngaran, kaya sagkod ngunyan an mga baryo na ini inaapod Havvot-jair.)

Hukom 10:3

Sunod ki Tola, uminabot si Jair na taga Gilead. Siya an nagin hukom sa Israel sa laog nin beynte y dos na taon.

Hukom 10:5

Nagadan si Jair asin ilinubong sa Kamon.

Hukom 12:14

Igwa siyang kwarentang aking lalaki asin treyntang makoapong lalaki na gabos nagsarakay sa setentang asno. Nagin hukom si Abdon sa Israel sa laog nin walong taon.

Hukom 5:10

Ibareta nindo, kamong nakalunad sa mga puting asno, kamong nagtutukaw sa mga kamadero, asin kamo na naglalakaw sa mga tinampo.