Hukom 10:16 - Marahay na Bareta Biblia

¹⁶ Kaya hinarale ninda an saindang dayuhan na mga dios asin nagsamba sa Kagurangnan. Huli kaini, naherak giraray an Kagurangnan sa kamugtakan nin Israel.

Hukom 10:16 ပူးပေါင်းရင်းမြစ်များ

Genesis 6:6

nagmondo siya saka nagbasol kun tadaw ta ginibo pa niya an mga tawo dangan ibinugtak sa daga.

2 Mga Hade 13:23

alagad nagin maboot asin maheherakon sainda an Kagurangnan. Dai nagtugot an Kagurangnan na magadan sinda, kundi tinabangan niya sinda huli kan saiyang tipan ki Abraham, ki Isaac, asin ki Jacob. Dai niya nalingawan an saiyang banwaan.

2 Mga Cronica 15:8

Kuminosog an boot ni Asa kan madangog niya an propesiya na sinambit ni Azarias na aking lalaki ni Oded. An makauuyam na mga dios-dios hinale niya sa bilog na daga nin Juda saka Benjamin asin sa mga syudad na sinakop niya sa mabulod na daga nin Efraim. Hinirahay man niya an altar nin Kagurangnan na nasa patyo kan Templo.

2 Mga Cronica 33:15

Hinale niya sa Templo an dayuhan na mga dios-dios asin an ladawan na ibinugtak niya duman. Hinale man niya an mga altar na ginibo niya sa bukid na namumugtakan kan Templo asin sa iba pang mga lugar sa Jerusalem. Dinara niya idto gabos sa luwas kan syudad dangan itinapok.

2 Mga Cronica 7:14

dangan magpakumbaba an sakong banwaan, mag-atubang sako, mamibi asin talikodan an saindang mga maraot na gibo, hale sa langit, dadangogon ko sinda, papatawadon an saindang kasalan asin papauswagon an saindang daga.

Salmo 73:21

Kan nasa kapaitan an sakuyang kalag, kan nakulogan an sakuyang puso,

Isaias 63:9

sa saindang kasakitan. Bakong sarong anghel, kundi an Kagurangnan mismo an nagligtas sainda. Sa saiyang pagkamoot saka pagkaherak, tinubos niya sinda. Inataman na niya sinda kaidto pang panahon,

Jeremias 31:20

“Israel, ika an aki kong namomotan, an aki na sakong nawiwilihan. Kun nasasambit ko an saimong ngaran, ginigiromdom taka na may pagkamoot. Hinihidaw taka kaya maheherakan taka.

Oseas 11:8

“Mapapabayaan taka daw, O Israel? Matitios ko daw na bayaan ka? Pwede daw na raoton taka siring kan ginibo ko sa Adma, o gibohon saimo an ginibo ko sa Zeboiim? Dai minatugot an sakong puso na gibohon ko iyan! Dakula nin marahay an sakong pagkamoot saimo.

Oseas 14:8

An banwaan nin Israel dai na nanggad magsasamba sa mga dios-dios; sisimbagon ko an saindang mga pamibi asin aatamanon ko sinda. Arog sa sarong marambong na kahoy lilindongan ko sinda; ako an gigikanan kan gabos nindang biyaya.”

Mikas 7:18

Mayo nin ibang dios na arog saimo, Kagurangnan; pinapatawad mo an kasalan kan mga natada sa saimong banwaan. Dai ka naanggot sagkod pa man, kundi nawiwili ka sa pagpahiling sa samo kan saimong danay na pagkamoot.

Lukas 15:20

Kaya naglakaw siya papuli sa saiyang ama. “Harayo pa, natanawan na siya kan ama niya. Naherak nin marahay an saiyang ama, kaya nagdalagan ining nagsabat saiya, kinugos siya saka hinadokan.

Lukas 19:41

Kan harani na si Jesus sa syudad, asin natatanaw na niya ini, tinangisan niya an syudad.

Juan 11:34

“Saen nindo siya ilinubong?” an hapot ni Jesus. Nagsimbag sinda, “Madya, Kagurangnan, asin hilinga.”

Efeso 4:32

Kundi magmaboot kamo, magin maheherakon saka magpatinawad-tawad kamo, siring na pinatawad man kamo nin Dios diyan ki Cristo.

Deuteronomio 32:36

Ililigtas nin Kagurangnan an saiyang banwaan, kun mahiling niyang mayo na sindang kapangyarihan. Maheherakan niya idtong mga naglilingkod saiya, kun mahiling niyang kadikit na sana sinda.

Hebreyo 3:10

Kaya naanggot ako nin marahay sa mga tawong idto. Nagsabi ako, ‘Danay na lagalag sinda sako; habo sindang magkuyog sa mga kabotan ko.’

Hebreyo 4:15

An satong Halangkaw na Padi bako idtong dai nakakamate kan satong mga kaluyahan, huli ta siya mismo nagtios kan gabos na klase nin sogot arog sato, alagad dai siya nagkasala.

Josue 24:23

“Kun siring, halea nindo an dayuhan na mga dios na yaon saindo asin manumpa kamo na magigin maimbod kamo sa Kagurangnan, an Dios nin Israel,” an olay ni Josue sa mga tawo.

Hukom 2:18

Kun tinatawan nin Kagurangnan an Israel nin sarong hukom, iniibahan niya ini asin iliniligtas an mga tawo sa saindang mga kaiwal sagkod na buhay pa an hukom. Naheherak an Kagurangnan sainda huli ta minaagrangay sinda dahel sa kasakitan asin kaoripnan.

1 Samuel 12:10

Dangan nag-agrangay sinda sa Kagurangnan tanganing tabangan; olay ninda, ‘Nagkasala kami, Kagurangnan, huli ta nagtalikod kami saimo asin nagsamba sa mga ladawan ni Baal saka ni Astarte. Ligtasan kami sa samong mga kaiwal asin sasambahon mi ika.’

1 Samuel 7:3

Sinabihan ni Samuel an mga Israelita, “Kun magbalik kamo sa Kagurangnan sa bilog nindong puso, kaipuhan haraleon nindo an mga dayuhan na dios asin an mga ladawan kan diosang si Astarte. Bilog nindong idusay an saindong sadiri sa Kagurangnan; siya sana an saindong paglingkodan, asin ililigtas niya kamo sa kapangyarihan kan mga Filisteo.”

1 Samuel 7:4

Kaya hinale kan mga Israelita an mga ladawan ni Baal saka ni Astarte, asin an Kagurangnan sana an saindang pinaglingkodan.