Hukom 10:13 - Marahay na Bareta Biblia

¹³ Alagad binayaan nindo ako asin sinamba nindo an ibang dios, kaya dai ko na kamo ililigtas.

Hukom 10:13 ပူးပေါင်းရင်းမြစ်များ

1 Mga Cronica 28:9

Dangan sinabihan ni David si Solomon, “Aki ko, midbidon mo an Dios nin saimong ama, asin paglingkodan mo siya sa bilog mong puso asin makinuyog-kuyog na pag-isip, huli ta sinisiyasat nin Kagurangnan an gabos na puso asin naaaraman niya an lambang pag-isip saka pagmawot. Kun hanapon mo siya, makukua mo siya; kun talikodan mo siya papabayaan ka niya sagkod lamang.

2 Mga Cronica 12:5

An propetang si Semaias nagduman ki Hadeng Rehoboam asin sa mga lider nin Juda na nagtiripon sa Jerusalem sa pagdulag ki Sisak. Sinabihan niya sinda, “Nagtaram an Kagurangnan, ‘Tinalikodan nindo ako, kaya papabayaan ko kamo sa kapangyarihan ni Sisak.’”

2 Mga Cronica 15:2

asin naglakaw siya tanganing sabaton si Hadeng Asa. Dangan sinabihan niya ini, “Dangoga ako Hadeng Asa, asin kamong mga taga Juda saka mga taga Benjamin: An Kagurangnan yaon saindo mantang kamo nasa saiya. Kun hanapon nindo siya, makukua nindo siya; alagad kun talikodan nindo siya, tatalikodan man niya kamo.

2 Mga Cronica 21:10

Poon kaidto sagkod ngunyan, nagin sarong siblag na nasyon sa Juda an Edom. Kan panahon man na ini, nagrebelde man sa Juda an Libna, huli ta tinalikodan ni Jehoram an Kagurangnan na Dios kan saiyang mga ginikanan.

Jeremias 2:13

huli ta an sakong banwaan naggibo nin duwang kasalan: tinalikodan ninda ako, an burabod nin buhay na tubig, asin naggibo sinda nin mga tangke, may labot na mga tangke na dai nabubugtakan nin tubig.

Jeremias 2:19

An saimong karatan iyo an mapadusa saimo dangan an pagtalikod mo sako iyo an makondenar saimo. Maaraman mo kun gurano kapait asin karaot an pagtalikod sako, an Kagurangnan na saimong Dios, pati an dai mo pagdanay na maimbod sako. Ako, an Kagurangnan, an Dios nin mga hukbo, an nagtaram.”

Jonas 2:8

An mga nagsasamba sa mayong halagang mga ladawan dai nagin tunay na maimbod saimo.

Deuteronomio 32:15

“Nagyaman an banwaan nin Kagurangnan, alagad nagsombikal; sinda na nagtaba asin nabasog. Tinalikodan ninda an Dios na saindang Kaglalang, nginisihan an Gapo nin saindang kaligtasan.

Hukom 10:14

Lakaw kamo, asin duman pag-agrangay sa mga pinili nindong mga dios-dios. Sinda an magligtas saindo sa panahon kan saindong kasakitan.”

Hukom 2:12

Nag-ontok sinda sa pagsamba sa Kagurangnan, an Dios kan saindang mga ginikanan, an Dios na nagligtas sainda sa Egipto, asin nagpoon sindang magsamba sa ibang dios na pinagsasamba kan mga tawong nasa palibot ninda, kaya naanggot sainda an Kagurangnan.

Hukom 2:19

Alagad sa oras na magadan an hukom, minabalik an mga tawo sa dati nindang gibo, asin an bagong henerasyon nagigin orog na maraot ki sa saindang mga magurang. Minalingkod sinda asin minasamba sa ibang mga dios; habo nindang bayaan an mga maraot nindang gibo.