Hukom 1:7 - Marahay na Bareta Biblia

⁷ Nagsabi si Adonibezek, “Setentang mga hade na pinurutolan nin mga tanggurangan sa kamot sagkod bitis an nagpurot kan mga rakdag sa irarom kan sakong lamesa; ngunyan ginibo man sako nin Dios an ginibo ko sainda.” Dinara siya ninda sa Jerusalem asin duman siya nagadan.

Hukom 1:7 ပူးပေါင်းရင်းမြစ်များ

1 Mga Hade 21:19

Sabihan mo siya na ako, an Kagurangnan, nagtataram saiya, ‘Pakatapos mong gadanon an tawo, sasadirihon mo pa an saiyang rogaring?’ Dangan sabihan mo siya na ini an sakong itinataram: ‘Sa lugar saen dinila kan mga ayam an dugo ni Nabot, duman man didilaon kan mga ayam an saimong dugo!’”

Exodo 29:20

Bunoon mo an karnero, kumua ka nin dikit na dugo kaini asin lahidan mo an hikawan kan toong talinga ni Aaron sagkod kan saiyang mga aki, asin an tanggurangan kan saindang toong kamot saka kan saindang toong bitis. An ibang dugo iula mo sa apat na gilid kan altar.

Isaias 33:1

Herak man sa samong mga kaiwal! Nanghabon saka nagpasaluib sinda, maski mayo nin nanghabon asin nagpasaluib sainda. Alagad matatapos na an panahon kan saindang panghahabon asin pagpapasaluib; sinda mismo an magigin biktima nin panghabon asin pagpasaluib.

Sofonias 3:19

Maabot an panahon na papadusahan ko an nag-api saimo; ililigtas ko an mga lopog asin ibabalik ko sa saindang mga harong an mga itinapok. An saindang kasosopgan riribayan ko nin kaomawan asin kabantogan sa bilog na daga.

Roma 2:15

An mga gawe ninda nagpapahiling na nakasurat sa puso ninda an ipinagboboot kan Katogonan. Pinapatunayan man iyan kan konsyensya ninda, huli ta kun minsan binabasol sinda kan saindang pag-isip asin kun minsan sinusurog sinda.

Santiago 2:13

Huli ta an mga bakong maheherakon, mayong pagkaherak na huhukoman nin Dios; alagad an mga maheherakon, maheherakan man sa oras nin paghukom.

Kapahayagan 13:10

An para sa pagkabihag, mabibihag mananggad; an para sa espada, magagadan sa espada. Kaya an mga banal dapat na magkaigwa nin pakatagal saka pagtubod.”

Kapahayagan 16:6

Pinabulos ninda an dugo kan mga banal asin kan mga propeta, kaya tinawan mo man sinda nin dugo na inomon. Minaako sinda ngunyan kan maninigo sainda!”

Hukom 1:6

Duminulag si Adonibezek, alagad linamag siya ninda, asin kan madakop ninda, pinurutol ninda an tanggurangan sa saiyang kamot sagkod bitis.

Hukom 9:24

Nangyari ini tanganing si Abimelec asin an kalalakihan sa Shekem, na nagpakosog kan saiyang boot sa paggadan kan setentang aking lalaki ni Gideon, magbayad kan kasalan na saindang ginibo.

Hukom 9:57

Ginibo man nin Dios na magtios an mga taga Shekem huli kan saindang karatan, siring sa maldisyon ni Jotam, na aking lalaki ni Gideon.

1 Samuel 15:33

Nagsabi si Samuel, “Huli kan saimong espada, nawaraan nin aki an kadakul na ina; sa siring na paagi, mawawaraan man nin aki an saimong ina.” Dangan pineredaso ni Samuel si Agag sa atubangan nin Kagurangnan duman sa Gilgal.