Hukom 1:4 - Marahay na Bareta Biblia

⁴ asin Juda. Pinapanggana sinda nin Kagurangnan laban sa mga Cananeo asin sa mga Perezeo; dinaog ninda an sampolong ribong kalalakihan duman sa Bezek.

Hukom 1:4 ပူးပေါင်းရင်းမြစ်များ

1 Mga Hade 22:15

Kan mag-atubang si Micaias ki Hadeng Ahab, hinapot siya kan hade, “Micaias, dapat daw na salakayon mi ni Hadeng Jehosafat an Ramot-gilead o dai?” Nagsimbag si Micaias, “Salakayon nindo asin manggagana kamo. Itatao saindo nin Kagurangnan an kapangganahan.”

1 Mga Hade 22:6

Kaya inapod ni Ahab an mga propeta, mga apat na gatos sinda gabos, saka hinapot, “Dapat daw na magduman ako asin salakayon an Ramot-gilead o dai?” Nagsimbag sinda, “Salakayon mo an Ramot-gilead. Itatao saimo nin Kagurangnan an kapangganahan.”

Salmo 44:2

kun paano mo pinahale an mga nasyon, asin pinatindog sa daga ninda an saimong banwaan; an ibang mga nasyon saimong pinadusahan, alagad an sadiri mo tinawan nin katalingkasan.

Salmo 78:55

Pinahale niya sa daga an mga nag-eerok duman, mantang nagdadangadang an saiyang banwaan; binanga niya an saindang daga sa mga tribu nin Israel asin itinao sa mga Israelita an saindang mga harong.

Deuteronomio 7:2

Kun itao na sinda nin Kagurangnan sa saindong kamot asin madaog na nindo sinda, kaipuhan gadanon nindo sinda gabos. Dai kamo makipagtipan sainda, asin dai kamo maherak sainda.

Deuteronomio 9:3

Alagad ngunyan na aldaw mahihiling nindo na mangengenot saindo an Kagurangnan na saindong Dios siring sa sarong nakakatutong na kalayo. Sa pagdangadang nindo, dadaogon niya sinda tanganing madali nindo sindang mapahale asin magadan siring sa ipinanuga niya.

Hukom 1:3

Nagsabi an mga kaayon kan tribu ni Juda sa mga kaayon kan tribu ni Simeon, “Ibahan nindo kami sa pakilaban sa mga Cananeo na yaon sa lugar na ipinanongod para samo, asin iibahan mi man kamo sa lugar na ipinanongod para saindo.” Kaya boronyog na nakilaban an mga tribu ni Simeon

Hukom 1:5

Nanumpongan ninda duman si Adonibezek asin linabanan ninda.

Hukom 11:32

Dangan nagbalyo si Jefta sa salog tanganing labanan an mga Ammonita. Itinao nin Kagurangnan saiya an kapangganahan.

Hukom 3:5

Kaya nag-erok sa daga an mga Israelita sa kaibahan kan mga Cananeo, Heteo, Amoreo, Perezeo, Heveo, asin Jebuseo.

1 Samuel 11:8

Tiniripon sinda ni Saul sa Bezek: tres syentos mil na lalaki hale sa Israel asin treynta mil na lalaki hale sa Juda.

1 Samuel 14:10

Alagad kun padolokon ninda kita, madolok kita, huli ta iyo iyan an magigin tanda na papaganahon kita nin Kagurangnan laban sainda.”

1 Samuel 14:6

Sinabihan ni Jonatan an hoben na nagdadara kan saiyang armas, “Magduman kita sa kampo kan bakong sirkomsisyonadong mga Filisteo. Tibaad tabangan kita nin Kagurangnan; kun tabangan niya kita, mayong makakapugol saiya sa pagtao sato nin kapangganahan, maski dikit sana kita.”