Hukom 1:28 - Marahay na Bareta Biblia

²⁸ Kan dakul nang marahay an mga Israelita, inoripon ninda an mga tawong ini alagad dai man giraray ninda pinahale gabos.

Hukom 1:28 ပူးပေါင်းရင်းမြစ်များ

Genesis 9:25

nagsabi siya, “Sumpaon si Canaan! Siya an magigin oripon kan saiyang mga tugang.

Genesis 9:26

Pag-omawon an Kagurangnan, an Dios ni Sem! Si Canaan magigin oripon ni Sem.

Mga Talinhaga 12:24

An kahigosan iyo an matao saimo nin kapangyarihan; an pagigin hugakon iyo an madara saimo sa kaoripnan.

Deuteronomio 20:11

Kun bukasan ninda an mga trangkahan dangan magsuko, sinda gabos magigin mga oripon nindo asin obligado sindang magtrabaho para saindo.

Josue 17:13

Maski kan makosog na an mga Israelita, dai ninda pinahale an gabos na Cananeo, alagad inoripon ninda an mga ini.

Hukom 1:27

Dai pinahale kan tribu ni Manases an mga tawong nag-eerok sa mga syudad nin Bet-sean, Taanac, Dor, Ibleam, Megido asin sa mga kataraed na banwa; padagos na nag-erok an mga Cananeo sa mga lugar na ini.

Hukom 1:29

Dai man pinahale kan tribu ni Efraim an mga Cananeo na nag-eerok sa syudad nin Gezer, kaya padagos na nag-erok sinda duman, kaiba kan mga Israelita.

1 Samuel 14:24

Maluluya na an mga Israelita kan aldaw na idto, huli ta nagboot si Saul: “Maldisyonon an siisay man na magkakan nin ano man sa aldaw na ini bago ako makabalos sa sakong mga kaiwal.” Kaya mayo nin siisay man na nagkakan kan aldaw na idto.