Hebreyo 9:7 - Marahay na Bareta Biblia

⁷ Alagad duman sa ikaduwang kabtang, an Halangkaw na Padi sana an nakakalaog, sarong beses sa taon. Minadara siya sa laog nin dugo kan hayop na idinodolot niya sa Dios para sa sadiri niyang mga kasalan asin para sa kasalan kan mga tawo, kasalan na nagibo ninda alagad dai aram na kasalan palan.

Hebreyo 9:7 ပူးပေါင်းရင်းမြစ်များ

2 Samuel 6:7

Naanggot an Kagurangnan Dios ki Uzza kaya ginadan niya ini duman. Nagadan si Uzza sa kataed kan Kaban nin Tipan,

2 Mga Cronica 33:9

Dinagka ni Manases na magkasala an mga banwaan nin Juda saka nin Jerusalem, kaya nagin mas makuri an kasalan na ginibo ninda ki sa kasalan kan mga nasyon na pinahale nin Kagurangnan mantang nagdadangadang an banwaan nin Israel.

Salmo 19:12

Alagad siisay an nakakasabot kan sadiring mga kasalan? Linigi ako sa mga hilom na karatan!

Salmo 95:10

Nabaldi ako sa henerasyon na idto sa laog nin kwarentang taon. Nagtaram ako, ‘Sinda sarong banwaan na nagkakasala sa puso, asin dai ninda sinusunod an sakong mga dalan.’

Exodo 30:10

Sarong beses sa taon gigibohon ni Aaron an seremonya nin paglinig kan altar; an mga sungay kaini lalahidan niya kan dugo kan inatang sa pagbayad nin kasalan. Gibohon nindo ini sa gabos na panahon. An altar na ini kaipuhan na magin banal, konsagrado sa sako. Ako an Kagurangnan.”

Isaias 28:7

Burat an mga propeta saka mga padi, kaya nagsasayasay sinda. Nagkakadarasmag sinda sa karibongan huli ta dakul an nainom nindang arak. Sobra an kaburatan kan mga propeta tanganing masabotan ninda an ipinadarang mga bisyon nin Dios. Siring man an mga padi; dai na sinda nakakahatol kan mga kaso na dinadara sainda.

Isaias 29:14

Kaya uya, magibo giraray ako nin makangangalas na mga bagay sa banwaan na ini. An saindang mga madonong mahahayag na mga lolong, asin an bilog nindang katusohan mawawaraan nin halaga.”

Isaias 3:12

Inaapi nin mga usurero an sakong banwaan; dinadaya sinda kan parapautang. Banwaan ko, linalagalag ka kan saimong mga pamayo, kaya dai mo aram an saimong dalan.

Isaias 9:16

Linagalag an mga tawo kan mga lider asin nagkariribong sinda.

Oseas 4:12

Minahagad sinda nin kapahayagan sa sarong pedasong kahoy! An sarong sanga an nagsasabi sainda kan boot nindang maaraman! Tinalikodan na ninda ako. Siring sa sarong babae na nagin maraot, idinusay na ninda an saindang sadiri sa mga dios-dios.

Levitico 16:34

An mga pagsusundon na ini kaipuhan na kuyogon sa gabos na panahon. Gigibohon an seremonyang ini sarong beses sa taon tanganing malinigan an mga Israelita kan saindang mga kasalan. Ginibo ni Moises an ipinagboot nin Kagurangnan.

Levitico 5:18

Madara siya sa padi nin sarong lalaking karnero o kanding na mayo nin kaninan bilang dolot nin kabayadan. Aaramon nindo an kantidad kaiyan sosog sa kinaugalean na timbang kan santwaryo. An padi an madolot kan sakripisyo para sa kasalan kan tawong iyan, asin papatawadon siya.

Amos 2:14

Dai makakaligtas maski an pinakamarikas na paradalagan; mawawaraan nin kosog an makokosog na mga lalaki, asin dai ikakaligtas kan mga soldados maski an saindang buhay.

Mga Bilang 15:25

Gigibohon kan padi an seremonya nin paglinig para sa komunidad, dangan papatawadon sinda, huli ta an kasalan na naginibo ninda dai tinuyo, asin nagdara sinda nin dolot para sa kasalan bilang dolot na pagkakan sa Kagurangnan.

Efeso 4:18

mayo sinda nin pakasabot. Mayo sindang kabtang sa buhay na itinao nin Dios, huli kan saindang kamangmangan saka katagasan nin puso.

Hebreyo 10:3

An nangyari logod, an mga atang na iyan pa an nagpapagiromdom taon-taon sa mga tawo kan saindang mga kasalan.

Hebreyo 6:19

Sa paglaom na ini, igwa kita nin masarig asin makosog na angkla kan satong buhay; paglaom na minalagbas sa kurtina kan templo sagkod sa kabanal-banaleng lugar.

Hebreyo 7:27

Bako siyang arog kan ibang mga halangkaw na padi na kaipuhan pang magdolot nin atang aroaldaw: enot para sa sadiri nindang kasalan, dangan para sa kasalan nin mga tawo; mantang si Jesus sarong beses sanang nag-atang para sa gabos—iyan kan idolot niya an sadiri niyang buhay.

Hebreyo 9:3

Nasa likod kan ikaduwang kurtina an ikaduwang kabtang na inapod Kabanal-banaleng Lugar.