Hebreyo 9:4 - Marahay na Bareta Biblia

⁴ Nasa laog kaini an bulawan na altar na pinagtututongan kan insenso, saka yaon man digdi an Kaban nin Tipan na napapatos nin bulawan. Sa laog kan kaban igwa nin dulay na bulawan na namumugtakan kan manna; yaon man an nagdahon na sugkod ni Aaron saka an duwang gapo na nasusuratan kan mga togon.

Hebreyo 9:4 ပူးပေါင်းရင်းမြစ်များ

1 Mga Hade 7:50

an mga kalis, an mga pamalsok kan ilaw, an mga mangko, an mga plato para sa insenso, asin an mga bugtakan nin baga; an mga bisagra kan mga pinto kan Kabanal-banaleng Lugar asin kan panluwas na mga pinto kan Templo. An gabos na kagamitan na ini gibo sa purong bulawan.

1 Mga Hade 8:21

Nag-andam man ako nin sarong lugar sa Templo para sa Kaban na namumugtakan kan duwang tablang gapo kan tipan na ginibo nin Kagurangnan sa satong mga ginikanan kan iluwas niya sinda sa Egipto.”

1 Mga Hade 8:9

Mayo nin ibang laog an Kaban kundi an duwang tablang gapo na ibinugtak duman ni Moises kan yaon siya sa Bukid nin Sinai, saen nakipagtipan an Kagurangnan sa banwaan nin Israel pakahale ninda sa Egipto.

2 Mga Cronica 5:10

Mayong ibang laog an Kaban kundi an duwang tablang gapo na ibinugtak duman ni Moises kan yaon siya sa Bukid nin Sinai, saen nakipagtipan an Kagurangnan sa banwaan nin Israel pakahale ninda sa Egipto.

Exodo 26:33

Isabit nindo an kurtina sa nakarayang mga kawit na yaon sa atop kan Tabernakulo, dangan ibugtak nindo sa likod kan kurtina an Kaban nin Tipan na nasasarayan kan duwang tablang gapo. An kurtina iyo an malaen kan Banal na Lugar sa Kabanal-banaleng Lugar.

Exodo 31:18

Pakataram nin Dios ki Moises duman sa Bukid nin Sinai, itinao niya ki Moises an duwang tablang gapo na sinuratan niya mismo kan mga togon.

Exodo 32:15

Dangan nagbalik si Moises, asin naghilig hale sa bukid dara an duwang tablang gapo na mag-ibong na nasusuratan kan mga togon.

Exodo 34:29

Kan maghilig si Moises hale sa Bukid nin Sinai na dara an Sampolong Togon, dai niya naaraman na nagliliwanag an saiyang lalawogon huli sa pakikipag-olay niya sa Kagurangnan.

Exodo 37:25

Ginibo niya an akasyang altar nin insenso. Ini kwadrado, may sukol na kwarenta y singko sentimetros an laba, kwarenta y singko sentimetros an lakbang asin nubenta sentimetros an langkaw. An mga sungay sa apat na kanto sagkod an mismong altar ginibo niya na magin saro sanang pedaso.

Exodo 39:35

an Kaban nin Tipan na sinarayan kan mga tablang gapo, an mga pasanan sagkod an takop kan Kaban nin Tipan;

Exodo 40:3

Ilaog mo sa Tabernakulo an Kaban nin Tipan na sinarayan kan Sampolong Togon dangan lipodan mo nin kurtina sa atubangan.

Levitico 16:12

Makua siya nin insensaryo na pano nin baga na hale sa altar saka duwang gugom nin pinong insenso. Dadarahon niya ini duman sa Kabanal-banaleng Lugar

Mga Bilang 17:10

Tinaraman nin Kagurangnan si Moises, “Ibugtak mo giraray an sugkod ni Aaron sa atubangan kan Kaban nin Tipan, tanganing sarayon bilang sarong patanid sa mga rebeldeng Israelita na magagadan sinda sagkod na dai sinda mag-ontok sa pagreklamo.”

Mga Bilang 17:5

Matubo an sugkod kan tawong pipilion ko. Sa paaging iyan, papaontokon ko an mga pagreklamo saimo kan mga Israelitang ini.”

Mga Bilang 17:8

Sunod na aldaw, kan maglaog sa tabernakulo si Moises, nahiling niya na nagtubo an sugkod ni Aaron, an sugkod na para sa tribu ni Levi. Nagdahon ini, namurak asin namunga nin hinog na mga almendras.

Deuteronomio 9:11

Pakatapos kan kwarentang aldaw asin banggi, itinao sako nin Kagurangnan an duwang tablang gapo na sinuratan niya kan tipan.

Deuteronomio 9:9

Nagtukad ako sa bukid tanganing akoon an mga tablang gapo na nasusuratan kan tipan nin Kagurangnan sa saindo. Kwarentang aldaw asin banggi ako duman, na dai nagkakan o nag-inom nin ano man.

Kapahayagan 11:19

Dangan nabuksan an templo nin Dios sa langit, kaya nahiling an Kaban nin Tipan nin Dios. Nagkaigwa nin mga kikilat, hagubohob, daguldol, linog saka makosog na uran nin yelo.

Kapahayagan 8:3

May nagluwas naman na anghel na may darang bulawan na insensaryo asin nagtindog siya sa atubangan kan altar; tinawan siya nin dakul na insenso na idodolot, kaiba kan mga pamibi kan gabos na banal, sa altar na bulawan na yaon sa atubangan kan trono.