Hebreyo 9:2 - Marahay na Bareta Biblia

² Pinatindog an tolda na may duwang kabtang, an enot na kabtang kaiyan inapod Banal na Lugar na iyo an namumugtakan kan kandelero, asin kan lamesa kaiba an mga tinapay na idinolot sa Dios.

Hebreyo 9:2 ပူးပေါင်းရင်းမြစ်များ

Exodo 25:23

“Gumibo kamo nin sarong lamesa na akasya, otsenta y otso sentimetros an laba, kwarenta y kwatro sentimetros an lakbang asin sesenta y seis sentimetros an langkaw.

Exodo 25:30

Ibugtak nindo an lamesa sa atubangan kan Kaban nin Tipan, asin sa ibabaw kan lamesa, danay nindong bugtakan nin dolot na tinapay.

Exodo 25:31

“Gumibo kamo nin sarong kandelerong purong bulawan; an bitis asin an kahawakan kaiyan gibohon nindo sa pinulpog na bulawan. Gibohon nindong saro sanang pedaso an kandelero sagkod an mga dekorasyon na burak, kaiba an mga bukol saka an mga petalo.

Exodo 26:1

“Gibohon nindo an Tabernakulo. An gagamiton nindo sampolong kurtina nin mga hinabol na pinong lino asin telang lana na kolor asul, purpura saka pula. Burdahan nindo iyan nin mga kerubin.

Exodo 26:33

Isabit nindo an kurtina sa nakarayang mga kawit na yaon sa atop kan Tabernakulo, dangan ibugtak nindo sa likod kan kurtina an Kaban nin Tipan na nasasarayan kan duwang tablang gapo. An kurtina iyo an malaen kan Banal na Lugar sa Kabanal-banaleng Lugar.

Exodo 26:35

Ibugtak nindo an lamesa sa luwas kan Kabanal-banaleng Lugar, sa parteng amihan kan Tabernakulo, asin an kandelero sa parteng habagat.

Exodo 29:1

“Ini an gigibohon mo sa pagkonsagra ki Aaron asin sa mga aki niyang lalaki tanganing maglingkod sako bilang mga padi. Kumua ka nin sarong torilyong baka saka duwang lalaking karnero na mayo nin kaninan.

Exodo 29:35

“Gibohon mo an seremonya nin pag-orden ki Aaron sagkod kan saiyang mga aki sa laog nin pitong aldaw siring sa ipinagboot ko saimo.

Exodo 40:2

“Sa enot na aldaw kan primerong bulan patindogon mo an Tabernakulo.

Exodo 40:4

Ilaog mo an lamesa dangan ibugtak mo an mga kagamitan sa ibabaw. Ilaog mo man an kandelero asin ibugtak mo an mga ilawan sa ibabaw.

Mateo 12:4

Naglaog siya sa Templo dangan nagkakan siya asin an saiyang mga kairiba kan tinapay na idinolot sa Dios, na ipinapangalad na kakanon kan bakong padi.

Mateo 5:15

Mayong minasulo nin ilaw dangan tinatahoban iyan; kundi ibinubugtak sa talagang bugtakan nganing maliwanagan an gabos na nasa harong.

Hebreyo 9:25

An Halangkaw na Padi minalaog sa Kabanal-banaleng Lugar taon-taon na may darang dugo nin hayop. Alagad dai naglaog si Cristo tanganing iatang an sadiri niya nin dakul na beses.