Hebreyo 8:1 - Marahay na Bareta Biblia

¹ An bilog na kahulogan kan samong pinagtataram iyo ini: igwa kita nin arog kaiyan na Halangkaw na Padi, na nagtutukaw sa too kan trono kan Hade sa langit.

Hebreyo 8:1 ပူးပေါင်းရင်းမြစ်များ

1 Mga Cronica 29:11

Saimo an kadakulaan, an kapangyarihan, an kamurawayan, an kapangganahan asin an kamahalan, huli ta saimo an gabos na nasa langit asin daga. Saimo an kahadean, O Kagurangnan, asin ika an nangongorog na kagsakop kan gabos.

An Libro ni Job 37:22

Nahihiling sa amihan an bulawan na kinang, asin natatakot kita huli sa kamurawayan nin Dios.

Salmo 104:1

Kalag ko, mag-omaw ka sa Kagurangnan! O Kagurangnan na sakong Dios, ika tunay na dakula! Nagugubingan ka nin kamurawayan asin kamahalan;

Salmo 110:1

An Kagurangnan nagtaram sa sakong kagurangnan, “Tumukaw ka sa too ko, sagkod na an mga kaiwal mo gibohon kong tungtongan kan mga bitis mo.”

Salmo 145:12

nganing an lambang saro makaaram kan saimong mga gibo, asin kan kamurawayan kan kahadean mo.

Salmo 21:5

Dakula an saiyang kamurawayan huli kan saimong tabang; tinawan mo siya nin kabantogan saka kapangyarihan.

Isaias 24:14

An mga matatada mag-aawit sa kaogmahan. Magbabareta an mga nasa solnopan kun gurano kadakula an Kagurangnan,

Mikas 5:4

Pagdatong niya, papamayohan niya an saiyang banwaan sa kosog na naghahale sa Kagurangnan asin sa kamurawayan kan ngaran nin Kagurangnan na saiyang Dios. Mamumuhay sa katoninongan an saiyang banwaan huli ta an mga tawo sa bilog na daga magmimidbid kan saiyang kadakulaan,

Markos 16:19

Pakatapos na kaolayon kan Kagurangnan na Jesus an mga disipulo, isinakat siya sa langit asin nagtukaw sa too nin Dios.

Efeso 6:20

Huli kan Marahay na Baretang ini sinugo ako, asin ngunyan nakakadenahan. Kaya mamibi kamo na ikahulit ko iyan na mayong takot siring sa maninigo kong gibohon.

Colosas 3:1

Binuhay kamo liwat kaiba ni Cristo, kaya hanapon nindo an mga bagay na nasa langit, saen nagtutukaw si Cristo sa saiyang trono sa too nin Dios.

Hebreyo 1:13

An Dios dai nagsabi sa saiyang mga anghel: “Tumukaw ka sa too ko, sagkod na an mga kaiwal mo gibohon kong tungtongan kan mga bitis mo.”

Hebreyo 1:3

Nasasalming saiya an kamurawayan nin Dios; siya an tunay na ladawan kan saiyang pagka-Dios. Iniingatan niya an gabos sa paagi kan mapangyari niyang tataramon. Pakalinigi niya kan mga tawo kan saindang mga kasalan, nagtukaw siya duman sa langit sa too nin Dios, an Pinakamapangyari sa gabos.

Hebreyo 10:12

Alagad si Cristo nagdolot para sa mga kasalan nin saro sanang sakripisyo na nagdadanay sagkod lamang. Pakatapos, nagtukaw siya sa too nin Dios.

Hebreyo 12:2

Danay na hilingon ta si Jesus, na iyo an sinasarigan kan satong pagtubod poon sa kapinonan sagkod sa kataposan. Tinios niya an krus asin dai pinahalagahan an kasosopgan kaiyan huli kan kaogmahan na naghahalat saiya; ngunyan nagtutukaw siya sa too kan trono nin Dios.

Hebreyo 2:17

Nangangahulogan na dapat siyang magin arog kan saiyang mga tugang sa gabos na bagay, tanganing siya magin maheherakon saka maimbod na Halangkaw na Padi sa saiyang paglingkod sa Dios, tanganing mapatawad an mga kasalan kan mga tawo.

Hebreyo 3:1

Mga tugang kong Cristiano na inapod man nin Dios, giromdomon nindo si Jesus, na sinugo nin Dios na magin Halangkaw na Padi kan satong pagtubod.

Hebreyo 4:14

Kaya magdanay kitang pusog sa pagtubod na satong ipinapahayag, huli ta igwa kita nin sarong Halangkaw na Padi na naglaog sa kalangitan sa atubang nin Dios—si Jesus, na Aki nin Dios.

Kapahayagan 3:21

An mga manggagana kataed kong patutukawon sa sakong trono, arog sako na nanggana, kaya ngunyan nagtutukaw ako kataed kan sakong Ama sa saiyang trono.