Hebreyo 7:11 - Marahay na Bareta Biblia

¹¹ Kun an kapanoan kan Katogonan nakamtan sa paagi kan pagkapadi ni Levi (huli ta sa lindong kaini, inako kan mga Israelita an Katogonan), tano ta kaipuhan pa an sarong padi na gikan sa orden ni Melkisedek embes na sarong padi na gikan sa orden ni Aaron?

Hebreyo 7:11 ပူးပေါင်းရင်းမြစ်များ

Galacia 2:21

Dai ko isinisikwal an biyaya nin Dios. Huli ta kun an tawo nagigin matanos sa Dios sa paagi kan Katogonan, mayong halaga an pagkagadan ni Cristo.

Galacia 4:3

Siring man kita kaiyan kan aki pa kita sa pagtubod, nasa irarom pa kita kan mga espiritung nagsasakop kan kinaban.

Galacia 4:9

Ngunyan na midbid na nindo an Dios—o an dapat kong sabihon, ngunyan midbid na kamo nin Dios—tadaw ta boot nindong magbalik sa mga maluluya saka makaheherak na mga espiritu? Nganing kamo magin oripon giraray ninda?

Hebreyo 5:10

Ibinugtak siya nin Dios na magin halangkaw na padi, sosog sa orden ni Melkisedek.

Hebreyo 5:6

Sinabi man nin Dios sa ibang kabtang kan kasuratan, “Ika padi sagkod pa man, sosog sa orden ni Melkisedek.”

Hebreyo 6:20

Huli sato linaog ni Jesus an kabanal-banaleng lugar sa pangenot sato, asin siya nagin halangkaw na padi sagkod pa man, sosog sa orden ni Melkisedek.

Hebreyo 7:10

Huli ta si Levi dai pa kaidto namundag; idtoon pa siya sa habayan ni Abraham kan sabaton ini ni Melkisedek.

Hebreyo 7:12

Kun liniliwat an pagkapadi, kaipuhan na liwaton man an katogonan.

Hebreyo 7:13

An satong Kagurangnan, na iyo an pinapanongdan kan mga sinasabing ini, gikan sa ibang tribu, asin dai nin siisay man sa saiyang tribu an nagin padi.

Hebreyo 7:15

An bagay na ini nagin mas malinaw kan mag-abot an sarong padi na arog ki Melkisedek.

Hebreyo 7:21

Alagad si Jesus nagin padi huli sa sarong sumpa kan magsabi an Dios saiya, “An Kagurangnan nagsumpa asin dai niya ini babaweon: ‘Ika padi sagkod pa man.’”

Hebreyo 8:7

Kun mayo nin kakulangan an enot na tipan, dai na kutana kaipuhan an ikaduwang tipan.

Hebreyo 9:6

Arog kaiyan an pagkakahusay kan mga bagay na nasambit. Aroaldaw, an mga padi minalaog sa enot na kabtang kan tolda sa pag-otob kan saindang mga katongdan.