Hebreyo 4:11 - Marahay na Bareta Biblia

¹¹ Kaya magmaigot kitang makalaog sa kapahingaloan na iyan, tanganing mayo nin makaarog kaidtong mga dai nagtubod.

Hebreyo 4:11 ပူးပေါင်းရင်းမြစ်များ

Mateo 11:12

Poon na maghulit si Juan sagkod ngunyan, an Kahadean nin langit nagtitios nin kadahasan; hinihingowa ining laglagon kan mga madahas;

Mateo 7:13

“Lumaog kamo sa hayakpit na pintoan, huli ta halakbang an pintoan saka mahiwas an dalan pasiring sa karatan, asin dakul an minalaog diyan.

Lukas 13:24

“Maghingowa kamong makalaog sa hayakpit na pintoan; huli ta sinasabihan ko kamo na dakul an maghihingowang maglaog diyan alagad dai makakalaog.

Lukas 16:16

“An Katogonan ni Moises saka an mga kasuratan kan mga propeta nagdanay sagkod sa panahon ni Juan Bautista. Magpoon kaiyan, ipinaghuhulit na an Marahay na Bareta dapit sa Kahadean nin Dios, asin an gabos nagpipirit na makalaog diyan.

Juan 6:27

Dai kamo magpagal para sa kakanon na nalalapa, kundi para sa kakanon na nagdadanay sagkod sa buhay na daing kataposan, na itatao saindo kan Aki nin Tawo; huli ta sa saiya ibinugtak kan Dios Ama an saiyang tanda.”

Mga Gibo 26:19

“Kaya, O Hadeng Agripa, dai ako nagsuhay sa langitnon na bisyon na sakong nahiling.

Efeso 2:2

An sinunod nindo kaidto iyo an maraot na gawe kan kinaban na ini; sinunod nindo an prinsipe kan kapangyarihan sa kahiwasan, an espiritu na nagsasakop kan mga aking masombikal sa Dios.

Efeso 5:6

Dai kamo magpadaya sa kiisay man na nagsasabi kan mga bagay na mayo nin kahulogan; an mga bagay na iyan an dahelan kan pag-abot kan kaanggotan nin Dios sa mga dai nagkukuyog saiya.

Filipos 2:12

Kaya, namomotan kong mga tugang, kun kaidtong kaiba nindo ako, danay nindo akong kinukuyog, orog nang magkuyog kamo sako ngunyan na harayo ako saindo. Magtrabaho kamo na may pagkatakot saka pagtakig sagkod na makamtan nindo an saindong kaligtasan,

Colosas 3:6

Huli kan mga bagay na ini maabot an makuring padusa nin Dios (sa mga dai nagkukuyog saiya).

Tito 1:16

Nagsasabi sindang midbid ninda an Dios, alagad salungat sa sinasabi ninda an saindang gibo. Makauuyam sinda saka mga masombikal; dai nanggad makakagibo nin anoman na marahay.

Tito 3:3

Huli ta kaidto mga lolong kita, mga masombikal, mga lagalag asin mga oripon kan manlaen-laen na kinabanon na kamawotan asin kawilihan. Namuhay kita kaidto na may maraot na boot asin pagkaara; ikinaongis kita kan ibang mga tawo saka ikinaongis ta man sinda.

Hebreyo 3:12

Mag-ingat kamo, mga tugang, ta tibaad igwa nin saro saindo na maraot asin mayo nin pagtubod na magdagka saindo sa pagtalikod sa Dios na buhay.

Hebreyo 3:18

Siisay idtong sinumpa nin Dios na dai nanggad makakalaog sa daga na itinagama niyang pahingaloan ninda? Bako idtong mga nagsombikal?

Hebreyo 4:6

An mga enot na nakadangog kan Marahay na Bareta dai nakalaog sa pahingaloan huli ta dai sinda nagtubod. Alagad may mga ibang makakalaog diyan.

Hebreyo 6:11

Minamawot nyamo na ipadagos kan lambang saro saindo an dati niyang pagmaigot sagkod sa kataposan, tanganing makamtan nindo an mga bagay na saindong pinaglalaom.

Josue 7:3

nagbalik sinda ki Josue asin nag-osip, “Dai kaipuhan an gabos na tawo sa pagsalakay kan Ai. Magpadara ka sana nin mga duwa o tolong ribong lalaki. Dai mo ipagpadara an bilog na hukbo tanganing makilaban huli ta bako man dakula an syudad.”

2 Pedro 2:6

Pinadusahan man nin Dios na magin abo an mga syudad nin Sodoma saka Gomorra nganing ipahiling an mangyayari ngapit sa mga tawong maraot.