Hebreyo 3:9 - Marahay na Bareta Biblia

⁹ Duman sa kalangtadan pinagbalo ako ninda, an sabi nin Dios, maski sa laog nin kwarentang taon nahiling ninda an sakong mga ginibo.

Hebreyo 3:9 ပူးပေါင်းရင်းမြစ်များ

Salmo 95:9

kan ako binalo kan saindong mga ginikanan, asin pinagprobaran, maski nahiling ninda an sakuyang mga gibo.

Exodo 19:4

Nahiling nindo kun ano an ginibo ko sa mga Egipcio asin kun paano ko kamo dinara sa sakuya siring sa pagdara kan agila sa saiyang siwo sa ibabaw nin saiyang pakpak.

Exodo 20:22

Nagboot an Kagurangnan ki Moises na taraman an mga Israelita, “Nahiling nindo kun paano ako, an Kagurangnan, nagtaram sa saindo hale sa langit.

Amos 2:10

Ilinuwas ko kamo hale sa Egipto, pinangenotan sa desyerto sa laog nin kwarentang taon, dangan tinawan kan daga na pagsadiri kan mga Amoreo.

Mga Bilang 14:33

An saindong mga aki maglalagalag sa kalangtadan sa laog nin kwarentang taon asin magtitios sinda huli kan saindong mga kasalan sagkod na magadan an natatada saindo.

Lukas 7:22

Nagsimbag si Jesus, “Magbalik na kamo asin sabihan nindo si Juan kan nahiling saka nadangog nindo: nakakahiling an mga buta, nakakalakaw an mga pilay, nalilinigan an mga daoton, nakakadangog an mga bongog, binubuhay an mga gadan, asin an Marahay na Bareta ipinaghuhulit sa mga dukha.

Mga Gibo 13:8

Alagad kinalaban sinda kan salamangkero na si Elimas (ini an ngaran ni Bar-Jesus sa Griyego), tanganing dai magtubod an gobernador.

Mga Gibo 7:36

Pinangenotan niya an mga Israelita paluwas sa Egipto; naggibo siya nin mga milagro saka mga ngangalasan duman sa Egipto, sa Pulang Dagat asin duman sa kalangtadan sa laog nin kwarentang taon.

Deuteronomio 11:7

Kamo an nakahiling kaining mga darakulang bagay na ginibo nin Kagurangnan.

Deuteronomio 29:2

Inapod ni Moises an bilog na banwaan nin Israel asin sinabihan, “Nahiling nindo an gabos na ginibo nin Kagurangnan sa hade, sa saiyang mga opisyal asin sa bilog na daga nin Egipto.

Deuteronomio 4:3

Nahiling nindo an ginibo nin Kagurangnan sa Bukid nin Peor. Ginadan niya an gabos na nagsamba ki Baal duman,

Deuteronomio 4:9

Magmaan kamo. Dai nanggad nindo paglingawan, sa bilog nindong pagkabuhay, an mga bagay na saindong nahiling. Iosip nindo sa saindong mga aki asin mga makoapo,

Deuteronomio 8:2

Giromdoma nindo kun paano kamo pinangenotan nin Kagurangnan, na saindong Dios, sa pagbaklay nindo sa desyerto sa laog nin kwarentang taon. Pinasakitan niya kamo sa pagbalo saindo, tanganing aramon an nasa puso nindo, kun makuyog kamo kan saiyang mga togon o dai.

Deuteronomio 8:4

Sa laog nin kwarentang taon, dai nagdaan an saindong gubing asin dai naggatok an saindong mga bitis.

Josue 23:3

Nahiling nindo an gabos na ginibo nin Kagurangnan na saindong Dios sa gabos na banwaan huli sa saindo. Siya an nakipaglaban para sa saindo.

Josue 24:7

naghagad sinda sako nin tabang asin binugtakan ko nin kadikloman sa pagultanan ninda saka kan mga Egipcio. Tinahoban ko kan dagat an mga Egipcio dangan linamos ko sinda. Aram nindo kun ano an ginibo ko sa Egipto. “‘Haloy kamong nag-erok sa kalangtadan.