Hebreyo 3:16 - Marahay na Bareta Biblia

¹⁶ Siisay idtong nakadangog kan tingog nin Dios alagad nagsombikal? Bakong idto gabos na ilinuwas ni Moises sa Egipto?

Hebreyo 3:16 ပူးပေါင်းရင်းမြစ်များ

Salmo 78:17

Alagad nagpadagos sinda sa pagkasala sa Dios; duman sa desyerto nagtumang sinda sa Kahorohalangkawe.

Salmo 78:40

Pirang beses sindang nagrebelde tumang saiya sa desyerto; pirang beses ninda siyang pinamondo!

Jeremias 32:29

saka susuloon. Susuloon ninda ini kaiba an mga harong saen pinaanggot ako kan mga tawo huli kan pagtutong ninda nin insenso para ki Baal sa saindang mga atop, saka pag-ula nin arak na dolot sa mga dios-dios.

Jeremias 44:3

huli ta naggibo nin karatan an mga nag-eerok duman saka pinaanggot ninda ako. Nagdolot sinda nin insenso saka naglingkod sa mga dios-dios na dai ninda midbid, dangan dai man nindo midbid ni kan saindong mga ginikanan.

Jeremias 44:8

Tadaw ta pinapaanggot nindo ako sa pagsamba nindo sa mga ladawan asin pagsakripisyo sa mga dios-dios digdi sa Egipto, na saindong pinag-eerokan? Ginigibo daw nindo ini sa pagraot kan saindong mga sadiri, tanganing magin subahan kamo kan gabos na nasyon saka gamiton ninda an saindong ngaran bilang sarong maldisyon?

Mga Bilang 14:11

Tinaraman nin Kagurangnan si Moises, “Sagkod nuarin ako isisikwal kan mga tawong ini? Sagkod nuarin sinda dai matubod sako minsan pinahilingan ko na sinda nin mga milagro?

Mga Bilang 14:2

Nagreklamo sinda ki Moises asin ki Aaron; olay ninda, “Marahay pang nagadan na kami duman sa Egipto o minsan digdi sa kalangtadan!

Mga Bilang 14:24

Alagad nalalaen sainda an sorogoon kong si Caleb; nagin maimbod siya sako. Huli kaini, dadarahon ko siya sa dagang siniyasat niya asin masasadirihan iyan kan saiyang mga kapagarakian.

Mga Bilang 14:30

an makakalaog sa daga na ipinanuga kong paeerokan saindo, pwera ki Caleb saka ki Josue.

Mga Bilang 14:38

An dai sana nagadan sa doseng espiya iyo si Josue saka si Caleb.

Mga Bilang 14:4

Kaya nag-orolay sinda na magpili nin sarong lider na mangengenot sa saindang pagbalik sa Egipto.

Mga Bilang 26:65

Nagtaram an Kagurangnan na sinda gabos magagadan sa kalangtadan, asin nagadan mananggad sinda pwera ki Caleb na aking lalaki ni Jefunne, asin ki Josue na aking lalaki ni Nun.

Deuteronomio 1:38

Alagad pakosoga an boot kan saimong katabang na si Josue na aki ni Nun. Siya an mangengenot sa Israel sa pagsakop kan daga.’

Judas 1:5

Maski aram na nindo an gabos na ini, boot kong ipagiromdom saindo kun paanong ilinigtas kan Kagurangnan an mga Israelita sa daga nin Egipto, dangan ginaradan an mga dai nagtubod saiya.