Hebreyo 3:1 - Marahay na Bareta Biblia

¹ Mga tugang kong Cristiano na inapod man nin Dios, giromdomon nindo si Jesus, na sinugo nin Dios na magin Halangkaw na Padi kan satong pagtubod.

Hebreyo 3:1 ပူးပေါင်းရင်းမြစ်များ

Salmo 110:4

An Kagurangnan nagsumpa asin dai niya ini babawion: “Ika padi sagkod pa man sosog sa orden ni Melkizedek.”

Isaias 1:3

Midbid kan baka an kagurangnan niya, asin aram kan asno an lugar na pinagbabahogan saiya, alagad an Israel dai nakakaaram; dai nakakasabot an sakong banwaan.”

Isaias 41:20

Mahihiling ini kan mga tawo asin maaaraman ninda na ako, an Kagurangnan, an naggibo kaiyan. Dangan masasabotan ninda na an banal na Dios nin Israel an nagboot na mangyari iyan.”

Isaias 5:12

Igwa sindang lira saka arpa, tamborin, plawta, asin arak sa saindang mga pyesta; alagad dai ninda nasasabotan an mga ginigibo nin Kagurangnan.

Ezekiel 12:3

“Kaya ngunyan, aki nin tawo, mag-andam ka nin kagamitan nin sarong itinapok asin maghale ka bago magdiklom. Kaipuhan mahiling kan gabos an saimong paghale pasiring sa ibang lugar. Tibaad pa masabotan ninda na sinda mga rebelde.

Ezekiel 18:28

Pinaghorophorop niya an saiyang gibo dangan nagtalikod siya sa gabos na kasalan na naginibo niya, kaya dai siya magagadan kundi mabubuhay.

Hageo 1:5

Dai nindo nahihiling kun ano an nangyayari saindo?

Hageo 2:15

An Kagurangnan nagtataram, “Horophoropa an nangyari saindo. Bago nindo pinonan an paghirahay kan Templo,

Juan 17:3

An buhay na daing kataposan iyo ini: na mamidbidan ka ninda, an iyo sanang tunay na Dios, saka si Jesu-Cristo na sinugo mo.

Juan 20:21

Nagsabi giraray sainda si Jesus, “Mapasaindo an katoninongan. Siring na ako sinugo kan Ama, sinusugo ko man kamo.”

Juan 20:27

Dangan sinabihan niya si Tomas, “Hilinga an sakong mga kamot asin bugtakan digdi an saimong muro; dangan laogan an kamot mo sa sakong hirog. Dai ka magduwa-duwa kundi magtubod!”

Mga Gibo 1:15

Pakalihis nin nagkapirang aldaw, nagtiripon an mga syento beynteng paratubod. Nagtindog si Pedro saka nagtaram,

Roma 11:17

Pinurutol an ibang sanga kan tunay na oliba, dangan an sarong sanga kan olibang layas isinugpon sa hawak kan tunay na oliba. Ngunyan an sangang isinugpon nabubuhay sa tagok na hale sa mga gamot kan tunay na oliba. Kamong mga pagano arog kan olibang layas; ngunyan kahiras kamo sa tagok kan mga Judio.

Roma 15:27

Maogma sindang nagtao. An totoo dapat sindang magtabang sa mga Judio huli ta hinirasan man sinda kaini nin mga espiritwal na bendisyon. Kaya dapat na hirasan man ninda an mga Judio kan saindang mga materyal na bendisyon.

Roma 15:8

Huli ta sinasabihan ko kamo, na si Cristo nagin sarong sorogoon kan mga Judio tanganing ipahiling na maimbod an Dios sa pag-otob kan panugang itinao niya sa mga ginikanan ninda,

Roma 9:24

Kita an mga inapod nin Dios, bako sana an gikan sa mga Judio kundi an gikan man sa mga pagano.

1 Corinto 1:2

Para sa simbahan nin Dios sa Corinto, sa gabos na kinonsagra ki Cristo Jesus, inapod na magin banal kaiba kan gabos na tawo saen man na lugar na nagsasamba sa satong Kagurangnan na Jesu-Cristo, an Kagurangnan ninda asin Kagurangnan man nyato:

1 Corinto 10:17

Huli ta saro an tinapay, kita gabos maski dakul, saro an hawak, huli ta gabos kita naghiras sa parehong tinapay.

1 Corinto 9:23

An gabos na ini ginigibo ko dahel sa Marahay na Bareta, tanganing matawan man ako kan mga bendisyon kaiyan.

2 Corinto 1:7

Kaya masarig an paglaom mi saindo, huli ta aram mi na siring na kahiras nyamo kamo sa samong mga pagtios, kahiras man nyamo kamo sa samong karangahan.

2 Corinto 9:13

Oomawon ninda an Dios huli ta an tabang na itinao nindo nagpapahiling na kamo talagang nag-ootob kan Marahay na Bareta ni Cristo. Oomawon man ninda an Dios huli kan dakulang ambag nindo sainda saka sa gabos.

Efeso 3:6

An misteryo iyo ini: huli kan Marahay na Bareta, an mga pagano paramana man kan mga bendisyon nin Dios; mga kabtang man kan parehong hawak, asin kahiras kan ipinanuga nin Dios diyan ki Cristo Jesus.

Efeso 4:1

Kaya ako, na sarong bilanggo dahel sa Kagurangnan, nakikiolay saindo na mamuhay kamo na maninigo sa buhay na inapodan saindo nin Dios.

Efeso 4:4

Igwa nin sarong hawak asin sarong Espiritu, siring na igwa nin sarong paglaom na inapodan saindo nin Dios.

Filipos 3:14

Kaya nagdadalagan ako pasiring sa kataposan tanganing makamtan ko an premyo kan pag-apod sako nin Dios pasiring sa buhay na mayong kataposan duman sa langit, sa paagi ni Cristo Jesus.

Colosas 1:22

Alagad ngunyan, huli kan pagkagadan kan saiyang Aki, ginibo kamo nin Dios na mga katood niya, tanganing magin kamong banal, malinig, saka daing digta sa atubang niya.

Colosas 3:12

Mga pinili kamo nin Dios; saiyang mga banal asin namomotan. Kaya magin kamong maheherakon, maboot, mapakumbaba, mahuyo, saka matinios.

1 Tesalonica 2:12

Pinakosog mi an boot nindo, rinanga mi kamo saka sinadol na mamuhay na maninigo sa Dios na nag-aapod saindo pasiring sa saiyang Kahadean asin kamurawayan.

1 Tesalonica 5:27

Sinasadol ko kamo, sa ngaran nin Kagurangnan, na basahon nindo an surat na ini sa gabos na tugang.

2 Tesalonica 1:11

Ini an dahelan kun tadaw ta danay mi kamong ipinapamibi, tanganing gibohon nin Dios na magin maninigo kamo sa saiyang pag-apod. Papangyarihon logod nin Dios an gabos nindong marahay na mawot sa paagi kan saiyang kapangyarihan, asin mahaman an mga trabaho na ginigibo nindo dahel sa pagtubod.

2 Tesalonica 2:14

Inapod kamo nin Dios para sa bagay na ini sa paagi kan Marahay na Bareta na ipinaghulit mi saindo; inapod niya kamo tanganing magkaigwa kamo nin kabtang kan kamurawayan ni Jesu-Cristo na satong Kagurangnan.

1 Timoteo 6:12

Makilaban ka sa marahay na laban nin pagtubod nganing makamtan mo an premyo nin buhay na mayong kataposan, huli ta diyan ka inapod nin Dios kan ipahayag mo an saimong pagtubod sa atubangan nin dakul na saksi.

1 Timoteo 6:2

Dai dapat magtumang an mga oripon sa saindang mga Cristianong kagurangnan sa dahelan na magtugang sinda; kundi orog logod sindang maglingkod sainda, huli ta an nakikinabang kan saindang trabaho mga paratubod na namomotan ninda. Itukdo mo saka ihulit an mga bagay na ini.

2 Timoteo 1:9

Ilinigtas niya kita saka inapod tanganing magin sadiri niya, bakong huli kan ginibo ta, kundi huli sa sadiri niyang katuyohan asin biyaya. An biyayang ini itinao niya sato ki Cristo Jesus bago magpoon an panahon,

2 Timoteo 2:7

Pag-isip-isipa an sakong mga sinasabi, huli ta tatabangan ka nin Kagurangnan na makasabot kan gabos na bagay.

Hebreyo 10:19

Kun siring, mga tugang, may pagsarig kitang maglaog sa Kabanal-banaleng Lugar huli sa dugo ni Jesus.

Hebreyo 10:21

Igwa kita nin dakulang padi na namamahala kan harong nin Dios.

Hebreyo 10:23

Magdanay kitang masarig sa paglaom na ipinapahayag ta, huli ta mapapaniwalaan nyato an Dios na maotob kan saiyang panuga.

Hebreyo 13:22

Nakikimaherak ako saindo, mga tugang ko, na maghinanyog kamo nin maigot sa mga tataramon na ini nin pagsadol; huli ta halipot sana an surat kong ini saindo.

Hebreyo 2:11

Huli ta siya an naglilinig sa mga tawo kan saindang kasalan saka an mga nalinigan na igwa nin sarong Ama. Kaya dai nasosopog si Jesus na apodon sindang tugang.

Hebreyo 2:17

Nangangahulogan na dapat siyang magin arog kan saiyang mga tugang sa gabos na bagay, tanganing siya magin maheherakon saka maimbod na Halangkaw na Padi sa saiyang paglingkod sa Dios, tanganing mapatawad an mga kasalan kan mga tawo.

Hebreyo 3:12

Mag-ingat kamo, mga tugang, ta tibaad igwa nin saro saindo na maraot asin mayo nin pagtubod na magdagka saindo sa pagtalikod sa Dios na buhay.

Hebreyo 3:14

Huli ta kita magigin kahiras ni Cristo, kun papagdanayon tang pusog sagkod sa kataposan an pagsarig na dating yaon sato.

Hebreyo 6:20

Huli sato linaog ni Jesus an kabanal-banaleng lugar sa pangenot sato, asin siya nagin halangkaw na padi sagkod pa man, sosog sa orden ni Melkisedek.

Hebreyo 7:26

Kaya si Jesus iyo an Halangkaw na Padi na makakasimbag kan satong mga pangangaipo. Banal siya, mayo nin digta o karatan; dai kabilang sa mga parakasala, ilinangkaw siya sa itaas pa kan kalangitan.

Hebreyo 7:28

An pinipili kan Katogonan ni Moises na magin halangkaw na padi iyo an mga tawong igwa nin kaluyahan, alagad an panuga na sinumpaan nin Dios, na nangyari pakatapos niyang itao an Katogonan, iyo an nagpili sa Aki na ginibong banal sagkod lamang.

Hebreyo 9:11

Alagad nagdigdi na si Cristo bilang Halangkaw na Padi kan marahay na mga bagay na nagdatong na. An tolda na pinaglilingkodan niya mas kadakula saka mas marahay; iyan bakong gibo nin tawo, na an boot sabihon, mayo digdi sa kinaban.

Hebreyo 9:15

Kaya si Cristo iyo an tagapagultanan nin bagong tipan, tanganing an mga inapod nin Dios mag-ako nin mayong kataposan na pamana na ipinanuga nin Dios. Nangyayari ini huli kan pagkagadan ni Cristo na nagtubos sa mga tawo kan mga kasalan na naginibo ninda sa irarom kan enot na tipan.

1 Pedro 2:9

Alagad kamo an piniling rasa, mga padi kan Hade, sarong nasyon na banal, saka mga tawong sadiri nin Dios. Pinili kamo tanganing magbareta kan mga makangangalas na gibo nin Dios na iyo an nag-apod saindo hale sa kadikloman pasiring sa saiyang makangangalas na liwanag.

1 Pedro 3:5

Arog kaini an ginibo kan mga banal na babae kan mga nakaaging panahon. Ibinugtak ninda sa Dios an saindang paglaom asin nagpagayon sinda sa paagi nin pagkuyog sa mga agom ninda.

1 Pedro 5:1

Bilang saro man na kamagurangan, igwa akong ipapakiolay saindo, mga kamagurangan kan simbahan. Nasaksihan ko an mga kasakitan na inagihan ni Cristo, asin magigin kahiras man ako kan kamurawayan na madali nang ihayag.

1 Pedro 5:10

Alagad pakatios nindo sa halipot na panahon, an Dios nin gabos na biyaya, na nag-apod saindo para sa saiyang mayong kataposan na kamurawayan diyan ki Cristo, iyo an matao saindo kan kapanoan nin buhay, kosog asin pagsarig.

1 Juan 1:3

Kun ano an nahiling mi saka nadangog sinasabi mi saindo, tanganing kamo man magin kasaro mi sa pakisumaro sa Ama saka sa Aki niyang si Jesu-Cristo.

Judas 1:1

Surat na hale ki Judas na sorogoon ni Jesu-Cristo, asin tugang ni Santiago. Para sa mga tawong inapod, namomotan nin Dios Ama asin iniingatan ni Jesu-Cristo:

Kapahayagan 17:14

Lalabanan ninda an Kordero, alagad dadaogon sinda kan Kordero saka kan saiyang mga inapod, pinili, saka maimbod na mga parasunod, huli ta siya an Kagurangnan nin mga kagurangnan asin Hade nin mga hade.”

Kapahayagan 18:20

Mag-ogma ka, O kalangitan, huli kan saiyang pagkarumpag! Mag-ogma kamo, mga banal, mga apostol asin mga propeta, huli ta hinukoman na siya nin Dios dahel kan ginibo niya saindo!