Hebreyo 13:8 - Marahay na Bareta Biblia

⁸ Si Jesu-Cristo iyo man giraray; kaidto, ngunyan asin sagkod pa man.

Hebreyo 13:8 ပူးပေါင်းရင်းမြစ်များ

Genesis 21:33

Nagtanom si Abraham nin kahoy na sampalok sa Beer-sheba asin nag-omaw sa Kagurangnan, an Daing Kataposan na Dios.

Salmo 103:17

Alagad an danay na pagkamoot nin Kagurangnan sagkod lamang para sa mga tawong may pagkatakot saiya; an saiyang katanosan magdadanay sa gabos na henerasyon;

Salmo 90:2

Bago lalangon an kabukidan, bago mahaman an daga asin an kinaban, ika Dios na mayong kapinonan asin mayong kataposan.

Salmo 90:4

Sa saimong atubang, an sangribong taon garo sana sarong aldaw na nag-agi, o apat na oras nin pagpuka sa banggi.

Exodo 3:14

Nagtaram an Dios, “AKO IYO AKO. Sabihan mo sinda: ‘An inaapod na IYO AKO an nagsugo sako sa saindo.’

Isaias 41:4

Siisay an nagboot na mangyari an siring? Siisay an nagplano kan kasaysayan nin mga henerasyon? Ako, an Kagurangnan, yaon duman sa kapinonan, asin ako, an Kagurangnan, magigin yaon duman sa kataposan.

Isaias 44:6

An Kagurangnan, na naghahade asin nagsusurog sa Israel, an Kagurangnan nin mga hukbo, nasasabi kaini: “Ako an enot, an huri, an iyo sanang Dios; pwera sako mayo na nin ibang Dios.

Malakias 3:6

“Ako an Kagurangnan, asin dai ako nagliliwat. Kaya kamo, an mga kapagarakian ni Jacob, dai pa napupuho.

2 Corinto 1:19

Huli ta si Jesu-Cristo, an Aki nin Dios, na ipinaghulit ko saindo, ni Silas saka ni Timoteo, bakong “Iyo” o “Dai” kundi siya an “Iyo” nin Dios.

2 Corinto 1:20

Si Cristo an “Iyo” kan gabos na panuga nin Dios. Kaya, sa paagi niya minasabi kitang “Amen” bilang pag-omaw sa Dios.

Hebreyo 1:12

garo alikboy na titipigon mo iyan; siring sa gubing, sasanglean iyan. Alagad ika mayong pagbabago, mayo nin kataposan an saimong buhay.”

Santiago 1:17

An lambang balaog na marahay asin an lambang tunay na regalo gikan sa langit, hale sa Ama na Kaglalang kan gabos na liwanag sa langit. Sa saiya mayo nin pagliwat o anino nin pagbabago.

Judas 1:25

sa iyo sanang Dios na satong Paraligtas huli ki Jesu-Cristo na satong Kagurangnan, mapasaiya an kamurawayan, kamahalan, kapangyarihan saka an awtoridad, bago an gabos na panahon, ngunyan asin sagkod pa man! Amen.

Kapahayagan 1:11

na nagsabi sako, “Isurat mo sa sarong libro an nahihiling mo, pakatapos ipadara mo iyan sa pitong simbahan sa syudad nin Efeso, Esmirna, Pergamo, Tiatira, Sardis, Filadelfia saka Laodicea.”

Kapahayagan 1:4

Ako, si Juan, nagsusurat sa pitong simbahan na yaon sa Asia: Mapasaindo an biyaya asin an katoninongan hale sa Dios—Dios ngunyan, kaidto, asin sa madatong pang panahon—hale man sa pitong espiritu na nasa atubangan kan saiyang trono,

Kapahayagan 1:8

“Ako an Alfa asin an Omega,” an sabi kan Mapangyaring Kagurangnan Dios—an Dios ngunyan, kaidto, asin sa madatong pang panahon.