Hebreyo 13:4 - Marahay na Bareta Biblia

⁴ An matrimonyo dapat galangan nin gabos, saka dai nindo pagdigtaan an saindong pagkainagoman; huli ta huhukoman nin Dios an mga marigsok saka mga parasambay.

Hebreyo 13:4 ပူးပေါင်းရင်းမြစ်များ

Genesis 2:21

Kaya pinatorog nin Kagurangnan Dios an tawo asin mantang torog pa ini, kuminua siya nin sarong gusok dangan isinara niya an laman.

Genesis 2:24

Kaya babayaan nin lalaki an saiyang ama saka ina dangan masaro sa saiyang agom na babae, asin sindang duwa magigin saro.

2 Mga Hade 22:14

Si Hilkias, Ahikam, Akbor, Safan, asin si Asaias nagduman ki Hulda na sarong babaeng propeta na nag-erok sa bagong kabtang kan Jerusalem. (An agom ni Hulda na si Sallum, na aking lalaki ni Tikva asin makoapo ni Harhas, iyo an namamahala kan mga gubing sa Templo.) Isinaysay ninda ki Hulda an nangyari.

An Libro ni Job 31:12

iyan garo kalayong nanghahalon sagkod sa Abaddon, na masulo kan gabos kong nasasadirihan.

Isaias 8:3

Dai nahaloy, nagbados an sakong agom. Kan mamundag an samong aking lalaki, tinaraman ako nin Kagurangnan, “Ngarani siyang ‘Maher-salal-has-baz’;

Levitico 15:18

Pakatapos na magdorog an sarong lalaki asin an sarong babae, kaipuhan na magkarigos sindang duwa, asin sinda magigin maati sagkod magbanggi.

Levitico 18:20

Dai nindo pagdorogan an agom kan ibang lalaki; makakapaati iyan saindo.

Malakias 3:5

Nagsasabi an Kagurangnan nin mga hukbo, “Madatong ako sa tahaw nindo sa paghukom, asin ako an masaksi laban sa mga parakulam, sa parasambay, sa mga nagsasaksi nin putik, sa mga nagdadaya kan bayad kan mga parapatandan, asin sa mga nang-aapi sa mga babaeng balo, mga ilo, asin mga dayuhan—sa gabos na dai minagalang sako.

1 Corinto 6:18

Likayan nindo an paggibo nin karigsokan. An gabos na klase nin kasalan na nagigibo nin tawo dai nakakaraot sa saiyang hawak, alagad an nakikidorog sa bakong agom kasalan tumang sa sadiri niyang hawak.

1 Corinto 6:9

Dai nindo naaaraman na an mga maraot dai magmamana sa Kahadean nin Dios? Dai nindo paglokohon an sadiri nindo. An mga nakikidorog sa bakong agom, nagsasamba sa mga dios-dios, nagsasambay, nagdodorog sa magkasi lalaki o magkasi babae,

1 Corinto 7:38

Kaya an lalaking minapakasal sa saiyang namomotan, marahay an gibo; alagad an dai nag-aagom, mas marahay.

1 Corinto 9:5

Mayo daw ako nin deretsong mag-iba nin agom na Cristiano, arog kan gibo kan ibang mga apostol asin kan mga tugang nin Kagurangnan patin ni Pedro?

2 Corinto 5:10

Huli ta kita gabos maatubang ki Cristo tanganing hukoman niya. An lambang saro maako kan maninigo saiya, sosog sa saiyang mga marahay o maraot na gibo, kan nabubuhay pa siya sa kinaban na ini.

Galacia 5:19

Madaling mahiling an mga gibo kan laman; nahihiling iyan sa gibong karigsokan, kausmakan, karompotan;

Galacia 5:21

pag-ori, pagburat, dororogan, asin iba pang bagay na arog kaiyan. Pinapatanidan ko kamo siring sa ginibo ko kaidto: an mga naggigibo kan mga bagay na ini dai magmamana kan Kahadean nin Dios.

Efeso 5:5

Aram nindo na an tawong marigsok o dusta o paslo (an kapasloan sarong pagsamba sa dios-dios) dai magkakaigwa nin pamana sa Kahadean ni Cristo asin nin Dios.

Deuteronomio 22:22

“Kun madakop an sarong lalaki na nakikidorog sa agom nin iba, gagadanon sindang duwa. Sa siring na paagi, mahahale saindo an karatan na ini.

1 Tesalonica 4:6

Sa bagay na ini mayo nin siisay man na magdigta o magraot sa saiyang tugang, huli ta makuri an padusa nin Kagurangnan sa gabos na maggibo kan mga bagay na ini, siring sa ipinatanid mi na saindo kaidto.

1 Timoteo 3:12

An mga diakono dapat saro sana an agom, saka marahay magpasunod sa saiyang mga aki, asin marahay magpadalagan kan saiyang pamilya.

1 Timoteo 3:2

An lider dapat sarong tawo na mayong digta an pamumuhay. Dapat saro sana an agom niya, tataong magpugol sa sadiri, toltol sa isip, may dignidad, bukas an harong sa pagpadagos sa kapwa, marahay magtukdo.

1 Timoteo 3:4

Dapat marahay siyang magpadalagan kan sadiri niyang pamilya, tataong magdisiplina kan saiyang mga aki nganing magin mga makinuyog-kuyog saka magalang.

1 Timoteo 4:3

Ipinapangalad ninda an pag-agom asin itinutukdo ninda an pag-ayuno sa mga kakanon, na linalang nin Dios tanganing kakanon na may pasalamat kan mga nagtutubod asin nakakaaram kan katotoohan.

1 Timoteo 5:14

Kaya boot ko pa na an mga hoben na babaeng balo magpaagom giraray, magkaigwa nin mga aki, saka mangataman kan saindang mga harong, tanganing dai matawan nin oportunidad an satong mga kaiwal sa pagpakaraot sato.

Tito 1:6

An sarong lider dapat na mayo nin katuyawan, saro sana an agom; an saiyang mga aki dapat mga paratubod asin mayong maraot na dangog bilang mga sarawayon o masombikal.

Hebreyo 12:16

Hingowahon nanggad nindo na mayo nin siisay man na magin marigsok o mayong paggalang sa mga bagay na espiritwal, arog ki Esau na nagpabakal kan saiyang deretso bilang panganay huli sana sa sarong pagkakan.

Kapahayagan 22:15

Alagad mawawalat sa luwas kan syudad an mga maati an gibo, an mga salamangkero, mga marigsok, mga paragadan, mga parasamba sa dios-dios saka mga putikon sa tataramon sagkod sa gibo.