Hebreyo 11:9 - Marahay na Bareta Biblia

⁹ Huli sa pagtubod, nag-erok siya bilang sarong dayuhan sa daga na ipinanuga saiya nin Dios. Nag-erok siya sa mga tolda arog ki Isaac asin ki Jacob, na nag-ako man kan parehong panuga nin Dios.

Hebreyo 11:9 ပူးပေါင်းရင်းမြစ်များ

Genesis 12:8

Dangan nagpasiring siya sa mabulod na lugar sa sirangan kan Betel asin itinugdok an saiyang tolda sa pagultanan kan Betel na nasa solnopan asin kan Ai na nasa sirangan. Guminibo siya duman nin altar asin nagsamba sa Kagurangnan.

Genesis 13:18

Kaya naghale duman si Abram asin nag-erok harani sa sagradong mga kahoy ni Mamre sa Hebron. Nagpatindog siya nin altar duman para sa Kagurangnan.

Genesis 13:3

Hale sa duman, nagpadagos siyang maglakaw sagkod na makaabot sa pagultanan kan Betel asin Ai, sa lugar na tinugdokan niya kaidto kan saiyang tolda,

Genesis 17:8

Itatao ko saimo asin sa saimong mga kapagarakian an dagang ini, saen saro kang dayuhan ngunyan. An bilog na Canaan masasadirihan kan saimong mga kapagarakian sagkod pa man, asin ako an magigin Dios ninda.”

Genesis 18:6

Dali-daling naglaog si Abraham sa tolda asin sinabihan si Sara, “Dali, kuaha an pinakamarahay mong arina asin gumibo ka nin dakul na tinapay.”

Genesis 18:9

Dangan hinapot siya ninda, “Haen an agom mong si Sara?” “Nasa laog kan tolda,” an simbag ni Abraham.

Genesis 21:34

Nag-erok si Abraham sa daga kan mga Filistio sa haloy na panahon.

Genesis 23:4

“Dayuhan ako digdi na nakikihimanwa sa saindo; pabakalan nindo ako nin daga tanganing ikalubong ko an sakong agom.”

Genesis 25:27

Kan magdakula an kambal, si Esau, na mas gusto an buhay sa luwas nagin sarong marahay na paraayam; alagad si Jacob bakong paragirong asin mas gusto sa harong.

Genesis 28:4

Itao logod saimo asin sa saimong mga kapagarakian an bendisyon ni Abraham tanganing masadirihan mo ining daga na pinag-eerokan mo, na itinao nin Dios ki Abraham.”

Genesis 31:25

Kan maabotan ni Laban si Jacob, nakapatindog na ini kan saiyang tolda sa sarong bukid, kaya duman si Laban nagkampo sa mabulod na daga nin Gilead.

Genesis 35:27

Dinalaw ni Jacob si Isaac na saiyang ama duman sa Mamre, harani sa Hebron, saen nakihimanwa si Abraham asin si Isaac.

Genesis 36:7

Naghale siya huli ta an daga dai na nagkanigo sa saindang magtugang; dakul nang marahay an saindang mga hayop kaya dai na sinda pwedeng mag-erok sa parehong lugar.

Genesis 47:9

Nagsimbag si Jacob, “An mga taon nin sakong pakikihimanwa uminabot na sa syento treynta. Kadikit asin masakit an mga taon na iyan, bakong arog kan halawig na panahon nin pakikihimanwa kan sakong mga ginikanan.”

Salmo 105:12

An banwaan nin Dios dikit pa sana kaidto sa bilang, sinda mga dayuhan sa daga nin Canaan.

Jeremias 35:7

Sinabihan man niya kami na dai magtugdok nin mga harong, mag-oma asin dai magtanom sa ubasan o magbakal kaini. Pinagbotan niya kami na danay kaming mag-erok sa mga tolda, tanganing magpadagos kami sa pag-erok sa dagang ini saen nag-eerok kami arog sa mga dayuhan.

Hebreyo 6:17

Inibahan nin Dios nin sumpa an saiyang panuga, huli ta boot niyang ipahiling nin malinaw sa mga maako kan pamana na ipinanuga sainda, na andam siyang mag-otob nanggad kan panugang iyan.