Hebreyo 11:8 - Marahay na Bareta Biblia

⁸ Huli sa pagtubod, nagkuyog si Abraham kan apodon siya nin Dios; nagduman siya sa daga na ipinanuga nin Dios saiya bilang pamana. Binayaan niya an sadiri niyang daga maski dai niya aram kun saen siya maduman.

Hebreyo 11:8 ပူးပေါင်းရင်းမြစ်များ

Genesis 11:31

Kan maghale si Tera sa Ur kan Babilonia tanganing magduman sa Canaan, ipinag-iba niya si Abram na saiyang aki, an makoapo niyang si Lot na aki ni Haran asin an manugang niyang si Sarai; alagad kan makaabot sinda sa Haran, duman na sinda nag-erok.

Genesis 12:5

Ipinag-iba ni Abram si Sarai na saiyang agom, asin an sobrino niyang si Lot patin an mga oripon na napasainda sa Haran; dara man ninda an gabos nindang pagsadiri. Dangan naglakaw sinda pasiring sa daga nin Canaan. Pag-abot ninda duman,

Genesis 12:7

Nagpahiling an Kagurangnan ki Abram asin nagtaram saiya, “Iyo ini an daga na itatao ko sa saimong mga kapagarakian.” Kaya naggibo siya duman nin altar para sa Kagurangnan na nagpahiling saiya.

Genesis 15:5

Dangan dinara nin Kagurangnan si Abram sa luwas asin tinaraman, “Hilinga an kalangitan asin bilanga an mga bitoon kun kaya mo; siring kaiyan kadakul an magigin mga kapagarakian mo.”

Genesis 17:8

Itatao ko saimo asin sa saimong mga kapagarakian an dagang ini, saen saro kang dayuhan ngunyan. An bilog na Canaan masasadirihan kan saimong mga kapagarakian sagkod pa man, asin ako an magigin Dios ninda.”

Genesis 20:13

Kaya kan pahaleon ako nin Dios sa harong kan sakong ama, sinabihan ko siyang, ‘Saen man kita makaabot ikakapahiling mo an saimong pagkamaimbod sako sa pagsabi sa kiisay man na tugang mo ako.’”

Genesis 22:18

asin sa paagi kan saimong mga kapagarakian, bebendisyonan ko man an gabos na nasyon, huli ta sinunod mo an pagboot ko.”

Genesis 26:3

Mag-erok ka sa dagang ini; iibahan asin bebendisyonan taka. Itatao ko saimo asin sa mga kapagarakian mo an bilog na dagang ini, asin ootobon ko an sakong panuga sa saimong ama na si Abraham.

Isaias 41:2

“Siisay an nagdara kan parasakop hale sa sirangan, asin nagtataong kapangganahan saiya saen man siya magduman? Siisay an nagtatao saiya nin kapangganahan laban sa mga hade saka sa mga nasyon? Sa wasiwas kan saiyang espada, nagkakawararak sindang garo alpog, asin huli kan saiyang mga bosog, nagkakawararak sindang arog sa dagaming ipinapalid kan doros.

Isaias 51:2

Isipa nindo an saindong ginikanan na si Abraham, saka si Sara, na saindong hinalean. Kan apodon ko si Abraham, mayo siya nin aki, alagad kan bendisyonan ko siya, nagdakul an saiyang aki saka mga kapagarakian.

Ezekiel 36:24

Hahaleon ko kamo sa lambang nasyon asin daga dangan ibabalik ko kamo sa sadiri nindong daga.

Mga Bilang 10:30

Nagsimbag si Hobab, “Dai ako maiba saindo; mapuli ako sa sadiri kong banwaan.”

Mateo 2:21

Kaya ipinag-iba ni Jose an mag-ina papuli sa daga nin Israel.

Roma 1:5

Sa paagi niya, tinawan ako nin Dios kan balaog nin pagkaapostol tanganing huli ki Cristo madara ko an gabos na nasyon sa pagtubod asin sa pagkuyog ki Cristo.

Roma 10:16

Alagad bakong gabos na tawo minaako kan Marahay na Bareta. Si Isaias nagsabi, “Kagurangnan, siisay an nagtubod kan samong bareta?”

Roma 6:17

Totoo na kamo mga oripon kaidto kan kasalan, alagad salamat sa Dios ta ngunyan nagkukuyog na kamo nin tudok sa puso kan mga katukdoan na inako nindo.

2 Corinto 10:5

Rinurumpag mi an mga putik na argumento; ginagaba mi an lambang kapaabaw-abawan na nakakaolang sa pakamidbid sa Dios; binibihag mi an gabos na pag-isip tanganing magkuyog ki Cristo.

Deuteronomio 9:5

Itatao niya saindo an daga ninda bakong huli ta mga marahay kamo asin tama an ginigibo nindo. Papahaleon sinda nin Kagurangnan huli ta mga maraot sinda asin huli ta boot niyang otobon an saiyang panuga sa saindong mga ginikanan, ki Abraham, ki Isaac saka ki Jacob.

Hebreyo 11:33

Huli sa pagtubod sinakop ninda an mga kahadean, ginibo an matanos asin inako an ipinanuga nin Dios. Tinakpan ninda an ngoso kan mga leon;

Hebreyo 5:9

Kan maotob na niya ini, siya nagin burabod nin kaligtasan na daing kataposan para sa gabos na nagkukuyog saiya.

Josue 24:3

Dangan kinua ko si Abraham na saindong ginikanan, hale sa dagang idto sa ibong kan Eufrates, asin pinangenotan ko siya pasiring sa bilog na daga nin Canaan. Tinawan ko siya nin dakul na kapagarakian. Nagin aki niya si Isaac,

1 Pedro 1:22

Ngunyan na malinig na an saindong buhay huli sa pagkuyog kan katotoohan, dangan igwa na kamo nin tunay na pagkamoot sa kapwa nindo mga paratubod, magkaminorootan kamo nin tudok sa puso.

1 Pedro 3:1

Siring man, kamong mga babae dapat na magpasakop sa saindong agom, tanganing kun igwa sainda nin dai minatubod sa tataramon nin Dios, madara sinda sa pagtubod huli kan saindong marahay na gawe. Dai na kaipuhan na magtaram pa kamo nin anoman,

1 Pedro 4:17

Nagdatong na an panahon kan pagpoon kan Paghukom nin Dios; huhukoman niyang enot an mga tawong sadiri niya. Kun sato siya magpoon, ano daw an kataposan kan mga tawong dai nagtutubod sa Marahay na Bareta nin Dios?