Hebreyo 10:5 - Marahay na Bareta Biblia

⁵ Kaya kan si Cristo magdigdi sa kinaban, nagsabi siya sa Dios, “Mga sakripisyo saka atang dai mo minamawot alagad inandam mo an sarong hawak para sako.

Hebreyo 10:5 ပူးပေါင်းရင်းမြစ်များ

Genesis 3:15

Papag-iwalon ko kamo asin an babae; an saimong banhi asin an saiyang banhi: roronoton kaini an saimong payo, asin hahampakon mo an saiyang bool.”

Isaias 1:11

“Anong halaga sako kan saimong mga sakripisyo?” an sabi nin Kagurangnan. “Uyam na ako sa mga tinutong na atang na mga karnero asin sa taba kan mga hayop; dai ako naoogma sa dugo nin mga baka o nin mga kordero, o nin mga lalaking kanding.

Isaias 40:16

An gabos na hayop sa kadlagan nin Lebanon kulang na isakripisyo sa satong Dios, asin an mga kahoy diyan kulang na igatong.

Isaias 7:14

Kaya an Kagurangnan mismo an matao saindo nin tanda: may sarong daraga na mangingidam asin mangangaki nin lalaki asin aapodon niyang Immanuel.

Jeremias 31:22

Sagkod nuarin ka magduduwa-duwa, banwaan na bakong maimbod? Naglalang ako nin bagong bagay sa ibabaw nin kinaban, siring kabago sa babae na iyo na an nag-iingat sa lalaki.”

Jeremias 6:20

Mayong halaga sako an insensong hale sa Sheba, ni an mga pahamot na hale pa sa harayong lugar na dinadara ninda sako. Dai ko maaako an saindang mga tinutong na atang asin dai ako mawiwili sa saindang mga sakripisyo.

Mateo 11:3

tanganing hapoton, “Ika na an pinagsasabi ni Juan na maabot, o mahalat pa kami nin iba?”

Lukas 1:35

Nagsimbag an anghel, “Mahilig saimo an Espiritu Santo asin lilindongan ka kan kapangyarihan kan Kahorohalangkaweng Dios. Kaya banal an ipapangaki mo na aapodon Aki nin Dios.

Lukas 7:19

Inapod niya an duwa sainda, dangan sinugo sa Kagurangnan tanganing hapoton, “Ika na an sinasabi ni Juan na maabot o mahalat pa kami nin iba?”

Juan 1:14

An Tataramon nagin tawo asin nag-erok sa kaibahan nyato, pano nin biyaya saka katotoohan. Nahiling mi an saiyang kamurawayan, an kamurawayan na itinao saiya kan saiyang Ama bilang bugtong niyang Aki.

Galacia 4:4

Alagad kan umabot na an tamang panahon, sinugo nin Dios an sadiri niyang Aki, ipinangaki nin sarong babae dangan nabuhay sa irarom kan Katogonan kan mga Judio.

1 Timoteo 3:16

Mayong makakanegar na totoong dakulang misteryo an satong relihiyon: Nagpahiling siya kan siya nagin tawo, pinatotoohan siya kan Espiritu Santo, asin nahiling kan mga anghel. Ipinaghulit siya sa mga nasyon, tinubod sa bilog na kinaban, dinara sa kamurawayan.

Hebreyo 1:6

Kan madali nang ipadara nin Dios sa kinaban an panganay niyang Aki, nagsabi siya, “Dapat siyang sambahon kan gabos na anghel nin Dios.”

Hebreyo 10:10

Huli kan kabotan na iyan, nalinigan kita kan satong mga kasalan kan idolot ni Cristo an sadiri niyang hawak makasarong beses para sa gabos na panahon.

Hebreyo 10:7

Kaya nagsabi ako, ‘Uya ako, O Dios, tanganing mag-otob kan saimong kabotan, siring sa nasusurat dapit sako sa libro kan Katogonan.’”

Hebreyo 10:8

Enot nagsabi si Cristo, “Habo ka asin dai mo ikinakaogma an mga sakripisyo saka mga dolot, o an mga tinutong na atang asin an mga dolot para sa mga kasalan.” Sinabi niya ini maski an mga sakripisyo idinolot sosog sa Katogonan.

Hebreyo 2:14

Siring na an nasambit na kaakian mga tawong may laman saka dugo, nagin tawo man si Jesus arog ninda, tanganing sa paagi kan saiyang kagadanan, madaog niya an Diablo na may kapangyarihan nin kagadanan.

Hebreyo 5:7

Kan nabubuhay pa si Jesus digdi sa kinaban, namibi siya sa makosog na tingog, nagtatangis asin nag-aagrangay sa Dios, na iyo an makakaligtas saiya sa kagadanan. Dinangog siya nin Dios huli ta siya mapakumbaba asin maimbod.

Hebreyo 8:3

An katongdan kan lambang halangkaw na padi iyo an pagdolot nin mga regalo saka mga atang na hayop sa Dios, kaya an satong Halangkaw na Padi dapat man na magkaigwa nin ikakadolot.

1 Pedro 2:24

Dinara ni Cristo an satong mga kasalan sa saiyang hawak duman sa krus tanganing magadan kita sa satong kasalan asin mabuhay sa katanosan. Naomayan kamo huli kan saiyang mga lugad.

2 Juan 1:7

Dakul nang paradaya an nakalakop sa kinaban, mga tawong dai nag-aako na si Jesu-Cristo nagin tawo. An siring na tawo paradaya saka Anti-Cristo.