Hageo 2:22 - Marahay na Bareta Biblia

²² rurumpagon ko na an mga kahadean dangan tataposon an saindang kapangyarihan. Papabalintokon ko an mga karwahe asin an mga lunad kaiyan; magagadan an mga kabayo asin maggagaradanan an mga lunad diyan.

Hageo 2:22 ပူးပေါင်းရင်းမြစ်များ

2 Mga Cronica 15:6

Sarong nasyon an minaapi sa sarong nasyon asin sarong syudad an minaapi sa sarong syudad, huli ta an Dios nagpadara sainda nin gabos na kasakitan.

2 Mga Cronica 20:22

Kan nagpoon na sindang mag-awit, ginibo nin Kagurangnan na magkariribong an mga hukbo nin Ammon, Moab saka Edom.

2 Mga Cronica 20:23

Sinalakay kan mga Ammonita saka mga Moabita an mga Edomita sagkod na magkagaradan an mga ini. Dangan naghampangan an mga Ammonita saka an mga Moabita asin maringis sindang naglaban.

Salmo 46:9

Pinapaontok niya an mga gera sa bilog na kinaban; binabari niya an mga pana, pinuputol an mga garod, asin sinusulo niya an mga kalasag.

Salmo 76:6

Sa saimong pagtuyaw, O Dios ni Jacob, an lunad asin an kabayo parehong nagadan.

Exodo 14:17

Orog na papatagason ko an puso kan mga Egipcio kaya lalamagon ninda an mga Israelita, asin makakakua ako nin kaomawan huli kan sakong kapangganahan laban sa hade, sa saiyang mga hukbo asin sa saiyang mga nakakabayo saka mga nakakarwaheng soldados.

Exodo 14:28

Nagbalik an tubig asin natahoban an gabos na karwahe, an mga nagpapadalagan kaiyan, sagkod an gabos na hukbo nin Egipto na naglamag kan mga Israelita sa dagat; mayong natada maski saro.

Exodo 15:19

An mga Israelita nagbalyo sa dagat na an linakawan iyo an mamarang daga. Alagad kan lamagon sinda sagkod sa dagat kan mga nakakabayo asin mga nakakarwaheng Egipcio, ibinalik nin Kagurangnan sa dating rarom an tubig asin natahoban sinda.

Exodo 15:4

“Mga karwahe asin hukbo nin Egipto sa dagat saiyang itinapok; mga piling opisyal gabos, sa Dagat na Pula nagkaralamos.

Isaias 19:2

Nagtataram an Kagurangnan, “Papag-iriwalon ko an mga Egipcio; maglalaban sinda, an lambang lalaki laban sa saiyang tugang na lalaki asin sa saiyang kataed; syudad laban sa syudad, kahadean laban sa kahadean.

Isaias 60:12

Alagad rurumpagon an mga nasyon na dai naglilingkod saimo.

Isaias 9:19

Huli ta anggot an Kagurangnan nin mga hukbo, an padusa niya maglalaad siring sa kalayo na matutong kan daga asin magadan sa mga tawo; kaya an lambang saro dai maheherak maski sa saiyang tugang.

Ezekiel 21:27

Pagkarumpag, pagkarumpag! Iyo, ipaparumpag ko an syudad. Alagad dai ini mangyayari sagkod na dumatong an saro na pinili ko na igwa nin deretso sa pagpadusa sa syudad. Sa saiya itatao ko an deretsong ini.

Ezekiel 26:16

An gabos na hade kan mga nasyon na nasa tampi kan dagat mababa sa saindang mga trono. Huhubaon ninda an saindang mga gubing, asin hahaleon an mga binurdahan nindang mga gubing, dangan nagtatakig na matukaw sa daga. Matatakot nanggad sinda sa nangyayari saindo, kaya dai maontok an saindang pagtakig.

Ezekiel 38:21

Tatakoton ko si Gog sa paagi nin gabos na klase nin katatakotan. Ako, an Kagurangnan Dios, an nagtaram. Ibibikyaw kan saiyang mga soldados an saindang espada, asin sinda man sana an maggagaradanan.

Ezekiel 39:20

Sa sakuyang lamesa, kakakanon ninda an mga kabayo asin an mga lunad kaini, sagkod an mga soldados saka mga paralaban. Ako, an Kagurangnan Dios, an nagtaram.”

Daniel 8:25

Huli sa saiyang katusohan, magigibo niya an anoman na pandadaya. Magigin mahambog siya asin dakul an gagadanon niya na mayo nin patanid. Tutumangan niya an Hade nin mga hade, alagad maroronot siya bakong huli sa kapangyarihan nin tawo.

Amos 2:15

An mga parapana dai makakatagal, an mga marikas dumalagan dai makakadulag, asin an mga nangangabayo dai makakaligtas.

Mikas 5:10

An Kagurangnan nagtataram, “Sa panahon na iyan, kukuahon ko an saindong mga kabayo asin raraoton ko an saindong mga karwahe.

Mikas 5:15

Dangan sa labi-labi kong kaanggotan mabalos ako sa mga nasyon na dai nagkuyog sa sako.”

Mikas 5:8

An mga matada sa tahaw nin mga nasyon makakaagid sa sarong leon na naghahanap nin pagkakan sa sarong kadlagan o pasabsaban; maduman siya sa tahaw kan mga karnero dangan masalakay. Rinoronot niya an saiyang madakop asin mayo nin paglaom na ikaligtas an saiyang biktima.

Mikas 5:9

Madadaog kan Israel an saiyang mga kaiwal asin roronoton niya sinda.

Mikas 7:16

Mahihiling ini kan mga nasyon asin masosopog sinda, huli ta makokosog sinda. Sa katakotan, titikomon ninda an saindang mga ngoso asin tatahoban an saindang mga talinga.

Sofonias 3:8

Nagtataram an Kagurangnan, “Halaton nindo ako.” Halaton nindo an aldaw nin pagtindog ko tanganing iakusar an mga nasyon. Huli ta nagdesisyon na akong tiponon an mga nasyon asin mga kahadean tanganing ipamate sainda an init kan sakuyang kaanggotan. An bilog na daga tutunawon kan kalayo nin labi-labi kong kaanggotan.

Zacarias 10:11

Kun mag-agi na sinda sa saindang dagat nin kasakitan, hahampason ko an mga alon, asin mamarara an kairaroman kan Salog nin Nilo. An mapaabaw-abaw na Asiria mapapasopog, asin an mapangyaring Egipto mawawaraan nin kosog.

Zacarias 10:5

Magigin mapanggana an banwaan nin Juda arog sa mga soldados na nagtitimaktimak kan saindang mga kaiwal sa laboy kan mga tinampo. Makikilaban sinda huli ta kaiba ninda an Kagurangnan, asin dadaogon ninda maski an mga kaiwal nindang parakabayo.

Zacarias 12:9

Sa panahon na iyan, roronoton ko an arin man na nasyon na maghingowang salakayon an Jerusalem.

Zacarias 14:3

Dangan maluwas an Kagurangnan asin makikilaban sa mga nasyon, arog kan pakilaban niya kaidtong panahon.

Zacarias 4:6

Tinaraman ako kan anghel na itao ki Zerubabel an mensaheng ini na hale sa Kagurangnan: “Magigin mauswag ka, bakong huli sa kosog nin hukbo o huli sa sadiri mong kosog, kundi huli sa sakong espiritu.

Zacarias 9:10

Nagtataram an Kagurangnan, “Hahaleon ko an mga panggerang karwahe sa Israel asin an mga kabayo sa Jerusalem; an mga pana na ginagamit sa gera magkakararaot. An saindong hade makikipagtipan nin katoninongan sa mga nasyon; an pagdolonan kan saiyang kahadean mapoon sa dagat sagkod sa saro pang dagat, mapoon sa Salog nin Eufrates sagkod sa mga poro kan kinaban.”

Mateo 24:7

Huli ta an sarong nasyon malaban sa kapwa nasyon; an sarong kahadean malaban sa kapwa kahadean. Magkakaigwa nin gutom asin paglinog saen man na lugar.

Kapahayagan 11:15

Dangan pinatanog kan ikapitong anghel an saiyang trompeta, asin may mga makosog na tingog sa langit na nagsabi, “An kahadean kan kinaban nagin kahadean kan satong Kagurangnan asin kan saiyang Cristo; maghahade siya sagkod pa man!”

Hukom 7:22

Mantang nagtatanog an mga trompeta kan mga tawohan ni Gideon, ginibo nin Kagurangnan na magralaban sinda-sinda man sana an mga kaiwal. Dangan, nagdurulag sinda pasiring sa Zaretan sagkod sa Bet-Citta asin sa harayong banwaan kan Abel-mehola na harani sa Tabbat.

1 Samuel 14:16

Nahiling kan mga tawohan ni Saul na nagbabantay sa Gibea sa teritoryo ni Benjamin an mayong direksyon na pagdalagan kan mga Filisteo.