Hageo 2:2 - Marahay na Bareta Biblia

² Tinaraman niya si Hageo na sabihan si Zerubabel na gobernador nin Juda, si Josue na Halangkaw na Padi, asin an mga tawo, saka sabihan sindang,

Hageo 2:2 ပူးပေါင်းရင်းမြစ်များ

Esdras 1:8

An mga kagamitan itinao ni Ciro ki Mitredat, an tesorero na nagbilang kan mga ini para ki Sesbazzar, an gobernador nin Juda.

Esdras 2:63

Sinabihan sinda kan gobernador na Judio na dai sinda pwedeng magkakan kan idinolot sa Dios sagkod na mayo nin padi na pwedeng maggamit kan Urim asin Tummim.

Esdras 3:2

Nagtindog si Josue na aking lalaki ni Jehozadak, kaiba an kapwa niya mga padi, si Zerubabel na aking lalaki ni Sealtiel, kaiba an saiyang mga kadugo, dangan itinugdok ninda giraray an altar nin Dios nin Israel, tanganing magdolot sinda duman nin mga tinutong na atang, sosog sa nasusurat sa Katogonan ni Moises, an sorogoon nin Dios.

Nehemias 8:9

Kan madangog kan mga tawo an hinahagad kan Katogonan, natanyog an saindang boot asin huminibi sinda. Kaya sinabihan sinda ni Nehemias, na iyo an gobernador, ni Esdras na padi saka paratukdo kan Katogonan, asin kan mga Levita na nagtukdo sa mga tawo, “An aldaw na ini banal sa Kagurangnan na saindong Dios, kaya dai kamo magmondo o maghibi.

Hageo 1:1

Kan ikaduwang taon kan pagigin emperador sa Persia ni Dario, kan enot na aldaw kan ikaanom na bulan, nagtaram an Kagurangnan sa paagi ni propeta Hageo. An mensahe ipinapanongod niya sa gobernador nin Juda, ki Zerubabel na aking lalaki ni Sealtiel, asin para sa Halangkaw na Padi, ki Josue na aking lalaki ni Jehozadak.

Hageo 1:12

Dangan si Zerubabel asin si Josue patin an gabos na tawo na nagbalik hale sa pagkatapokan sa Babilonia nagkuyog kan tataramon nin Kagurangnan na saindang Dios. Natakot sinda asin sinunod si propeta Hageo, an sinugo nin Kagurangnan.

Hageo 1:14

Pinasabongan nin Kagurangnan an lambang saro na magtrabaho sa Templo: si Zerubabel na gobernador nin Juda; si Josue na Halangkaw na Padi, asin an gabos na tawong nagbalik hale sa pagkatapokan. Nagpoon sindang magtrabaho sa Templo kan Kagurangnan nin mga hukbo, na saindang Dios,