Hageo 2:19 - Marahay na Bareta Biblia

¹⁹ Maski mayo nang natadang trigo, asin dai nagbunga an mga ubas, an mga kahoy na higera, granada asin oliba, alagad poon ngunyan bebendisyonan ko kamo.”

Hageo 2:19 ပူးပေါင်းရင်းမြစ်များ

Genesis 26:12

Nag-oma duman si Isaac, asin sa taon na idto, nag-ani siya nin sanggatos na beses kan itinanom niya, huli ta benendisyonan siya nin Kagurangnan.

An Libro ni Job 39:12

Minatubod ka daw saiya na mabalik siya, asin na dadarahon niya hale sa saimong ginikan an saimong trigo?

Salmo 133:3

Kabaing iyan sa ambon sa ibabaw kan bukid nin Hermon, na minahugpa sa kabukidan nin Sion. Duman nanuga an Kagurangnan kan saiyang bendisyon— buhay na daing kataposan.

Salmo 84:12

Kagurangnan, Dios nin mga hukbo, paladan an tawo na minasarig saimo!

Jeremias 31:12

Maabot sinda dangan maawit nin makosog sa ibabaw kan Bukid nin Sion; mag-oogma sinda huli kan sakong mga regalo— mga regalong trigo, arak, saka lana nin oliba, mga regalong karnero saka baka. Makakaarog sinda sa tatamnan na may patubig; dai na nanggad sinda magtitios.

Jeremias 31:14

Babasogon ko nin masiram na kakanon an mga padi, asin makokontento an sakong banwaan kan sakong karahayan. Ako, an Kagurangnan, an nagtaram.”

Joel 1:12

Nagkaruluyos na an mga poon nin ubas saka an mga kahoy na higera; nagkaruluyos dangan nagkagaradan an gabos na kahoy na namumunga. An kaogmahan kan mga tawo nawara man.

Joel 2:14

Tibaad magliwat nin isip an Kagurangnan na saindong Dios asin bendisyonan kamo nin dakulang ani. Dangan madodolotan nindo siya nin trigo saka arak.

Hageo 1:11

Nagpadara ako nin labi-labing init sa daga—sa kabubuldan, sa mga oma nin trigo, sa mga ubasan saka olibahan—sa lambang tinanom, sa mga tawo saka mga hayop, asin sa gabos na pinagpapagalan nindo.”

Malakias 3:10

Daraha nindo an bilog na halaga kan saindong mga himoloan sa Templo, tanganing magkaigwa nin dakul na pagkakan duman. Baloa nindo ako asin mahihiling nindo na bubukasan ko an mga bintana nin kalangitan dangan iuula ko sa saindo an nagsusupay na mga marahay na bagay.

Mateo 6:33

Alagad hanapa ngona nindong enot sa gabos an Kahadean nin Dios saka an saiyang katanosan, asin mapapasaindo man an mga bagay na ini.

Deuteronomio 15:10

Magmatinao kamo nin tudok sa puso asin bebendisyonan kamo nin Kagurangnan sa gabos nindong ginigibo.

Deuteronomio 28:22

Hahampakon niya kamo nin mga nakakaolakit na helang, kalentura, paggatok kan hawak; mapadara siya nin labi-labing init sagkod bagyo na maraot kan saindong mga tinanom. Dai kamo oontokan kan mga iyan sagkod na dai kamo magadan.