Hageo 2:18 - Marahay na Bareta Biblia

¹⁸ Ngunyan iyo an ikabeynte y kwatrong aldaw kan ikasiyam na bulan poon kan ibugtak an pundasyon kan Templo. Horophoropa nindo an mangyayari poon ngunyan.

Hageo 2:18 ပူးပေါင်းရင်းမြစ်များ

Esdras 4:24

Naontok an trabaho sa Templo. Dai ini ipinadagos sagkod sa ikaduwang taon kan pamamayo ni Emperador Dario nin Persia.

Levitico 19:25

Alagad sa ikalimang taon, an ibubunga kaiyan pwede na nindong kakanon. Kun gibohon nindo ini, orog na mamumunga an mga kahoy nindo. Ako an Kagurangnan na saindong Dios.

Hageo 2:10

Kan ikabeynte y kwatrong aldaw kan ikasiyam na bulan kan ikaduwang taon kan pagigin emperador ni Dario, an Kagurangnan nin mga hukbo nagtaram giraray ki propeta Hageo.

Hageo 2:15

An Kagurangnan nagtataram, “Horophoropa an nangyari saindo. Bago nindo pinonan an paghirahay kan Templo,

Zacarias 4:9

Nagsabi siya, “Ibinugtak na ni Zerubabel an pundasyon kan Templo, asin tataposon niya iyan. Kun mangyari na iyan, maaaraman kan sakong banwaan na ako an nagsugo saimo sa sainda.

Zacarias 8:12

Matoninong sindang magtatanom. Mamumunga nin ubas an saindang mga balagon, mataralubo sa daga an saindang tinanom, asin magkakaigwa nin tamang uran. Itatao ko an gabos na biyayang ini sa mga natadang namamanwaan sa sakong nasyon.

Zacarias 8:9

“Magmakosog kamo! An parehong mga tataramon na itinaram kan mga propeta kan ibinubugtak an pundasyon para sa pagpatindog giraray kan sakong Templo, iyo an saindong nadadangog ngunyan.

Deuteronomio 32:29

Kun sinda madonong, masasabotan ninda kun tano ta sinda nadaog.