Hageo 2:17 - Marahay na Bareta Biblia

¹⁷ Nagpadara ako nin mainit na doros asin uran nin yelo tanganing raoton an bunga kan saindong kapagalan, alagad dai kamo nagsolsol.

Hageo 2:17 ပူးပေါင်းရင်းမြစ်များ

Genesis 42:23

Nasabotan ni Jose an gabos nindang sinabi alagad, dai ninda ini aram huli ta nakiolay sinda saiya sa paagi nin interprete.

Genesis 42:27

Sa lugar na pinagpahingaloan ninda, binukasan kan saro sa sainda an saiyang sako tanganing pakakanon an saiyang asno, asin nahiling niya an saiyang kwarta sa ibabaw kan mais.

Genesis 42:6

Bilang gobernador, nagpabakal si Jose nin pagkakan sa mga tawong hale sa manlaen-laen na lugar kan kinaban. Pag-abot sa Egipto kan mga tugang ni Jose, nagdapa sinda sa atubang niya.

1 Mga Hade 8:37

“Kun magkaigwa sa daga nin gutom o peste, o maraot an mga tanom huli sa doros, sa sobrang uran, sa mga doron, o kun salakayon kan mga kaiwal an saimong banwaan, o kun may mga helang na mag-abot sainda,

2 Mga Cronica 28:22

Kan nagin grabe an kasakitan ni Hadeng Ahaz, orog man logod siyang nagkasala sa Kagurangnan.

2 Mga Cronica 6:28

“Kun magkaigwa sa daga nin gutom o peste, o kun maraot an mga tinanom huli sa mainit na doros, sa mga doron, o kun salakayon kan mga kaiwal an saimong banwaan, asin kun may mga helang na mag-abot sainda,

An Libro ni Job 36:13

“An mga bakong diosnon nagpapadagos sa pagigin anggot, asin dai minahagad nin tabang maski pinapadusahan.

Salmo 128:2

Kakakanon mo an bunga kan saimong kapagalan; magigin maogma ka asin magkakaigwa nin kauswagan.

Salmo 78:46

Nagpadara siya nin mga ulod tanganing kakanon an saindang mga tinanom; mga doron tanganing raoton an bunga kan saindang kapagalan.

Isaias 28:2

An Kagurangnan igwa nin sarong tawong makosog asin mapangyari na andam sa pagsalakay sainda. Madatong siya siring sa bagyo, siring sa makosog na uran; madatong siya siring sa makosog na baha, asin dadaogon niya an daga.

Isaias 37:27

Mayong naginibo an mga nag-erok duman; natakot sinda asin namongnan. Nakaagid sinda sa mga tinanom sa oma o mga doot na nagtatalubo sa atop na naaalang kun minahuyop an mainit na doros hale sa sirangan.

Isaias 42:25

Kaya ipinamate niya sato an saiyang makuring kaanggotan, asin pinatios kan kadahasan nin gera. Arog sa kalayo, an saiyang kaanggotan naglaad sa bilog na Israel, alagad an nangyari dai ta nanggad aram; mayo kitang nanodan hale diyan.

Isaias 62:8

An Kagurangnan naggibo nin banal na panuga, asin gigibohon niya iyan huli kan saiyang kapangyarihan: “An saimong inani dai na nanggad magigin pagkakan kan saimong mga kaiwal, asin an saimong arak dai na nanggad iinomon kan mga dayuhan.

Isaias 9:13

Dai nagbakle an banwaan nin Israel; maski pinadusahan na sinda kan Kagurangnan nin mga hukbo, dai sinda nagbalik saiya.

Jeremias 3:24

Alagad an pagsamba nyamo ki Baal, an dios nin kasosopgan, iyo an nagin dahelan kan pagkaubos kan samong mga hayop, mga aking lalaki saka babae, patin kan gabos na pinagalan kan samong mga ginikanan.

Jeremias 5:3

An kaimbodan iyo an hinahanap nin Kagurangnan. Hinampak niya kamo, alagad dai nindo namatean an kulog kaiyan; rinonot niya kamo, alagad dai nanggad kamo nakanood. Nagin matagas an saindong mga payo, asin habo nanggad nindong talikodan an saindong mga kasalan.

Amos 4:6

“Ako an nagdara nin makuring gutom sa gabos nindong syudad alagad dai kamo nagbalik sa sako.

Hageo 1:11

Nagpadara ako nin labi-labing init sa daga—sa kabubuldan, sa mga oma nin trigo, sa mga ubasan saka olibahan—sa lambang tinanom, sa mga tawo saka mga hayop, asin sa gabos na pinagpapagalan nindo.”

Hageo 1:6

Dakul na trigo an saindong itinanom, alagad dikit sana an saindong inani. May pagkakan kamo, alagad kulang pa tanganing mabasog kamo. May arak kamong inomon, alagad kulang man tanganing maburat kamo! Igwa kamo nin gubing, alagad kulang man giraray tanganing mahimbongan kamo. An trabahador kulang man an inaakong tandan tanganing mabuhay.

Hageo 1:9

“Naglaom kamo nin dakul na aanihon, alagad dikit sana an nakua nindo. Dangan kan darahon na nindo iyan sa saindong harong, hinuyop ko iyan. Tano ta ginibo ko ini? Huli ta raot pa an sakong Templo mantang an lambang saro saindo nasisibot sa pagtrabaho kan saiyang harong.

Hageo 2:16

nagduman kamo sa tinambak na trigo sa paghona na makakakua kamo nin beynteng takad, alagad sampolo sana an idtoon duman. Nagduman kamo sa laogan nin arak sa pagharok nin singkwentang galon, alagad beynte sana an idtoon duman.

Malakias 3:11

Dai ko itutugot na raoton kan mga insekto an saindong mga oma; mamumunga nin dakul an saindong mga balagon nin ubas.

Deuteronomio 28:22

Hahampakon niya kamo nin mga nakakaolakit na helang, kalentura, paggatok kan hawak; mapadara siya nin labi-labing init sagkod bagyo na maraot kan saindong mga tinanom. Dai kamo oontokan kan mga iyan sagkod na dai kamo magadan.

Kapahayagan 2:21

Tinawan ko na siya nin panahon na makapagbakle, alagad habo siyang magbakle sa saiyang karigsokan.