Hageo 1:9 - Marahay na Bareta Biblia

⁹ “Naglaom kamo nin dakul na aanihon, alagad dikit sana an nakua nindo. Dangan kan darahon na nindo iyan sa saindong harong, hinuyop ko iyan. Tano ta ginibo ko ini? Huli ta raot pa an sakong Templo mantang an lambang saro saindo nasisibot sa pagtrabaho kan saiyang harong.

Hageo 1:9 ပူးပေါင်းရင်းမြစ်များ

2 Samuel 21:1

Kan naghahade na si David, nagkaigwa nin makuring gutom sa laog nin tolong taon. Kaya hinapot ni David an Kagurangnan manongod sa bagay na ini. Nagtaram an Kagurangnan, “Nagkasala nin panggagadan si Saul asin an saiyang pamilya; ginadan niya an mga taga Gibeon.”

2 Samuel 22:16

Dangan nahiling an kairaroman nin kadagatan, asin nahayag an mga pundasyon kan kinaban, kan tuyawon nin Kagurangnan an saiyang mga kaiwal, asin kurahawan sinda sa kaanggotan.

2 Mga Hade 19:7

Gigibohon nin Kagurangnan na makadangog an hade nin Asiria nin sarong huringhuding tanganing magbalik siya sa saiyang banwaan, asin duman magadan.”

An Libro ni Job 10:2

Dai mo ako pagkondenaron, O Dios. Sabihi ako! Anong kaso an isinasangat mo laban sako.

Mga Talinhaga 11:24

May mga tawo na matinao, alagad orog na nagyayaman. An iba maimot nin marahay, alagad orog na nagigin dukha.

Mga Talinhaga 27:20

An kinaban kan mga gadan dai nanggad nakokontento; siring man kaiyan an mga kamawotan nin tawo.

Parahulit 1:8

An gabos na bagay pano nin kapagalan; anoman an itaram nin tawo dai iyan nanggad ikapaliwanag. An mata dai nakokontento sa paghiling; siring man an talinga sa pagdangog.

Isaias 40:7

Naluluyos an mga doot asin nawawara an mga burak, kun sinusubol nin Kagurangnan an doros na naghuhuyop sa sainda. An tawo nakakaarog sa mga doot.

Isaias 5:10

An sampolong ektaryang ubasan makukuahan sana nin walong letro nin arak, asin an syento otsentang litrong banhi mabunga sana nin dyes y otsong litrong mais.”

Jeremias 12:13

An sakong banwaan nagtanom nin trigo, alagad doot an inani; nagpagal sinda nin marahay, alagad dai sinda nagkinabang. Huli kan sakong labi-labing kaanggotan mayo sinda nin inani sa saindang mga tinanom.”

Ezekiel 21:31

Mamamatean nindo an sakong kaanggotan kun butasan ko na iyan siring sa naglalaad na kalayo. Itatao ko kamo sa kamot nin maringis na mga tawo, na mga tood sa panggagadan.

Levitico 19:25

Alagad sa ikalimang taon, an ibubunga kaiyan pwede na nindong kakanon. Kun gibohon nindo ini, orog na mamumunga an mga kahoy nindo. Ako an Kagurangnan na saindong Dios.

Hageo 1:4

“Banwaan ko, tano ta nag-eerok kamo sa marahay na pagkatugdok na mga harong mantang raot an sakong Templo?

Hageo 1:6

Dakul na trigo an saindong itinanom, alagad dikit sana an saindong inani. May pagkakan kamo, alagad kulang pa tanganing mabasog kamo. May arak kamong inomon, alagad kulang man tanganing maburat kamo! Igwa kamo nin gubing, alagad kulang man giraray tanganing mahimbongan kamo. An trabahador kulang man an inaakong tandan tanganing mabuhay.

Malakias 2:2

Kaipuhan na omawon nindo ako sa paagi kan saindong ginigibo. Kun dai kamo magdangog sa sakong sinasabi, dadarahan ko kamo nin maldisyon. Mamaldisyonon ko man an mga biyaya na inaako nindo. Sa katunayan, minaldisyon ko na an mga iyan, huli ta dai nindo pinahalagahan an sakong pagboot.

Deuteronomio 28:38

“Dakul na banhi an itatanom nindo alagad kadikit sana an saindong aanihon, huli ta kakakanon kan mga doron an saindong mga tinanom.

Kapahayagan 2:4

Alagad igwa ako nin masasabi tumang saimo: dai mo na ako namomotan ngunyan arog kan dati.

Kapahayagan 3:19

Sinasagwe ko saka dinidisiplina an gabos kong namomotan. Kaya magmaigot asin magbakle ka.