Hageo 1:5 - Marahay na Bareta Biblia

⁵ Dai nindo nahihiling kun ano an nangyayari saindo?

Hageo 1:5 ပူးပေါင်းရင်းမြစ်များ

Salmo 48:13

hilinga nin marahay an mga kudal asin siyasata an mga bantayan, tanganing ikaosip mo sa masunod na henerasyon:

Exodo 7:23

Binayaan niya sinda dangan nagpuli sa saiyang palasyo na garo mayong nangyari.

Exodo 9:21

Alagad an iba dai natakot sa patanid nin Kagurangnan kaya pinabayaan sa kaomahan an saindang mga oripon asin mga hayop.

Mga Panambitan 3:40

Siyasaton ta an satong mga gawe asin magbalik kita sa Kagurangnan.

Ezekiel 18:28

Pinaghorophorop niya an saiyang gibo dangan nagtalikod siya sa gabos na kasalan na naginibo niya, kaya dai siya magagadan kundi mabubuhay.

Ezekiel 40:4

Sinabihan niya ako, “Aki nin tawo, maghinanyog ka asin maanan mo nin marahay an gabos na ipapahiling ko saimo, huli ta iyan an dahelan kun tadaw ta ipinag-iba taka digdi. Ipapahayag mo sa banwaan nin Israel an gabos mong mahihiling.”

Daniel 10:12

Dangan nagsabi an anghel, “Daniel, dai ka matakot. Dinangog nin Dios an saimong mga pamibi poon pa kan enot na aldaw na nagpakumbaba ka tanganing makakua nin pakasabot. Napadigdi ako bilang kasimbagan sa saimong pamibi.

Daniel 6:14

Kan madangog ini kan hade, napurisaw siya asin ginibo an gabos na paagi tanganing iligtas si Daniel; dai siya nag-ontok sagkod na magsolnop an aldaw.

Hageo 1:4

“Banwaan ko, tano ta nag-eerok kamo sa marahay na pagkatugdok na mga harong mantang raot an sakong Templo?

Hageo 1:6

Dakul na trigo an saindong itinanom, alagad dikit sana an saindong inani. May pagkakan kamo, alagad kulang pa tanganing mabasog kamo. May arak kamong inomon, alagad kulang man tanganing maburat kamo! Igwa kamo nin gubing, alagad kulang man giraray tanganing mahimbongan kamo. An trabahador kulang man an inaakong tandan tanganing mabuhay.

Hageo 1:7

Dai nanggad nindo nahihiling kun tano ta nangyari ini?

Lukas 15:17

Kan makapag-isip-isip siya, nagsabi siya, ‘Sobra an kakanon kan gabos na tinatandanan na trabahador duman sa harong kan ama ko, mantang ako magagadan digdi sa gutom!

2 Corinto 13:5

Siyasaton nindo saka hukoman an sadiri nindo, tanganing maaraman nindo kun talagang nabubuhay kamo sa pagtubod. Bakong aram nindo na si Cristo Jesus nasa saindo?—pwera sana kun dai kamo nakapasar sa pagbalo!

Galacia 6:4

An lambang saro dapat na magsiyasat kan sadiri niyang gawe. Kun iyan marahay, pwede niyang ipag-orgulyo an ginibo niya; dai na kaipuhan ipagbaing pa iyan sa ginibo nin iba.