Habakkuk 3:8 - Marahay na Bareta Biblia

⁸ An mga salog daw an dahelan kan pagkaanggot mo, Kagurangnan? An dagat daw an dahelan kan saimong labi-labing kaanggotan? Naglunad ka sa mga panganoron; an panganoron nin bagyo an saimong karwahe, kan darahan mo nin kapangganahan an saimong banwaan.

Habakkuk 3:8 ပူးပေါင်းရင်းမြစ်များ

Salmo 104:3

Itinugdok mo an saimong harong sa ibabaw kan katubigan sa itaas. Ginamit mo an mga panganoron bilang karwahe, asin naglulunad ka sa mga pakpak kan doros.

Salmo 114:3

Huminiling an Dagat na Pula asin duminulag; an Salog nin Jordan suminibog.

Salmo 114:5

Ano an nangyari saimo, O Dagat, ta ika duminulag? Asin ika, O Jordan, ta ika suminibog?

Salmo 18:10

Nagsakay siya sa kerubin asin naglayog; marikas siyang naglayog sakay sa mga pakpak kan doros.

Salmo 45:4

Sa saimong kamurawayan lumuwas kang mapanggana sa pagsurog sa katotoohan asin sa katanosan! Mga dakulang panggana makakamtan mo huli kan saimong kosog!

Salmo 68:17

Kaiba an ribo-ribong matitibay niyang karwahe, nag-abot sa banal na lugar an Kagurangnan hale sa Sinai.

Salmo 68:4

Mag-awit sa Dios, mag-awit nin pag-omaw sa saiyang ngaran. Andamon an dalan para sa naglulunad sa mga panganoron. Kagurangnan an saiyang ngaran, mag-ogma sa saiyang atubang!

Salmo 77:16

Kan nahiling ka kan mga tubig, O Dios, sinda nagkatarakot, asin an mga kairaroman nagtarakig.

Exodo 14:16

Iitaas mo an saimong sugkod asin unaton mo an saimong kamot sa tangod kan dagat. An tubig mababanga tanganing makalakaw sa mamarang daga an mga Israelita pasiring sa ibong kan dagat.

Exodo 7:19

Nagtaram an Kagurangnan ki Moises, “Sabihan mo si Aaron na kuahon an saiyang sugkod asin unaton an saiyang kamot sa tangod kan katubigan kan Egipto, sa ibabaw kan saindang mga salog, kanal asin sapa. An tubig magigin dugo; magkakaigwa nin dugo sa bilog na daga sagkod sa mga tapayan asin batya.”

Exodo 7:20

Ginibo ni Moises asin ni Aaron an ipinagboot nin Kagurangnan. Sa atubang kan hade dangan kan saiyang mga opisyal, itinaas ni Aaron an saiyang sugkod saka pinakol an tubig kan Nilo, kaya an bilog na salog nagin dugo.

Isaias 19:1

Iyo ini an mensahe dapit sa Egipto. Madatong sa Egipto an Kagurangnan lunad sa sarong marikas na panganoron; tatarakigan an mga ladawan nin Egipto asin mawawaraan nin kosog nin boot an mga Egipcio.

Isaias 50:2

“Tadaw ta dai nakakasimbag an sakong banwaan kan dumanon ko sinda tanganing iligtas? Tadaw ta dai sinda nagsimbag kan ako nag-apod? Maluya daw ako kaya dai ko sinda kayang iligtas? Sa sarong pagboot mapapaalang ko an dagat. Magigibo kong desyerto an mga salog, tanganing an mga sira na yaon duman magadan sa paha.

Isaias 66:15

Madatong an Kagurangnan na may darang kalayo, asin malunad siya sa mga pakpak nin sarong bagyo, tanganing padusahan an mga tawong naanggotan niya.

Nahum 1:4

Pinagbobotan niya an dagat, asin minamara iyan! Pinapamara niya an mga salog. Naluluyos an kaomahan nin Basan, an Bukid nin Carmelo siring man, asin nawawara an mga burak nin Lebanon.

Habakkuk 3:15

Tinimaktimakan mo an dagat sa paagi kan saimong mga kabayo, asin an makosog na katubigan nagsurubo.

Markos 4:39

Nagbangon si Jesus, sinaway an doros dangan sinabihan an dagat, “Magtoninong ka! Ontok!” Nagtoninong an doros saka nagkalma.

Kapahayagan 16:12

Dangan inula kan ikaanom na anghel an nasa saiyang mangko duman sa dakulang Salog nin Eufrates. Nahubas an salog, tanganing may agihan an mga hadeng hale sa sirangan.

Kapahayagan 19:11

Dangan nahiling kong nagbukas an langit, asin nahiling ko duman an sarong puting kabayo. An nangangabayo kaiyan inaapod na Maimbod saka Totoo, huli ta matanos an saiyang paghukom saka pakipaglaban.

Kapahayagan 19:14

Nagsunod saiya an mga hukbo nin langit, nakalunad sa mga puting kabayo saka nakagubing nin puti asin malinig na lino.

Kapahayagan 6:2

Nahiling ko an sarong kabayong puti. An nangangabayo may kapot na pana, asin tinawan siya nin korona. Dangan nagluwas siya bilang sarong mapanggana tanganing padagos pang manggana.