Habakkuk 3:3 - Marahay na Bareta Biblia

³ Hale sa Edom madigdi giraray an Dios; hale sa kabubuldan nin Paran maabot an banal na Dios. Tinatahoban kan saiyang kamurawayan an kalangitan, asin an daga pano kan saiyang kaomawan.

Habakkuk 3:3 ပူးပေါင်းရင်းမြစ်များ

Genesis 21:21

Ikinua siya kan saiyang ina nin sarong babaeng taga Egipto na magin saiyang agom.

Genesis 36:11

An mga aki ni Elifaz iyo si Teman, Omar, Zefo, Gatam asin Kenaz.

1 Mga Hade 11:18

Hale sa Midian nagpasiring sinda sa Paran saen may nagkapirang lalaki na nag-apil sainda. Dangan nagpasiring na sinda sa Egipto, nagduman sa hade asin tinawan kan hade si Hadad nin daga, harong, saka pagkakan.

Salmo 113:4

Halangkaw sa gabos na nasyon an Kagurangnan; halangkaw sa kalangitan an saiyang kamurawayan.

Salmo 148:13

Omawon nindo an ngaran nin Kagurangnan, huli ta an ngaran niya iyo sana an dakula; an kamurawayan niya halangkaw pa sa langit asin sa daga.

Salmo 3:2

Dakul an minasabi manongod sako: “Dai siya tatabangan nin Dios.”

Salmo 3:4

Minaagrangay ako nin makosog sa Kagurangnan; minasimbag siya hale sa saiyang banal na bulod.

Salmo 4:4

Matakot kamo saiya asin dai magkasala; sa katoninongan maghorophorop kamo sa saindong mga higdaan.

Salmo 48:10

Inoomaw ka kan mga tawo saen man, nakakalakop sa bilog na daga an saimong ngaran. Naghahade ka na may katanosan;

Salmo 68:17

Kaiba an ribo-ribong matitibay niyang karwahe, nag-abot sa banal na lugar an Kagurangnan hale sa Sinai.

Salmo 9:16

Nagpamidbid an Kagurangnan huli kan saiyang mga matanos na hatol; an mga maraot nagkasiriod kan sadiri nindang gibo.

Salmo 9:20

Gibohang matakot sinda, Kagurangnan; pasabota sinda na sinda tawo lamang.

Exodo 20:18

Kan madangog kan mga tawo an daguldol saka an tanog kan trompeta asin kan mahiling ninda an kikilat sagkod an nag-aasong bukid, nagtarakig sinda sa takot; kaya nagtirindog sinda sa harayo.

Isaias 31:1

Herak man sa mga nagduduman sa Egipto nganing magpatabang! Nagsasarig sinda sa kosog kan hukbo nin Egipto—mga kabayo, mga karwahe, saka mga soldados. Alagad dai sinda nagsasarig sa Kagurangnan, an banal na Dios nin Israel, ni naghahagad saiya nin tabang.

Isaias 6:3

Nag-iinapodan sinda nin makusog: “Banal, banal, banal an Kagurangnan nin mga hukbo; an bilog na daga pano kan saiyang kamurawayan.”

Isaias 64:3

Kaidto, nagdatong ka asin naggibo nin makatakot na mga bagay na dai mi pinaglalaoman; nahiling ka kan kabukidan asin pinagtarakigan sinda.

Jeremias 49:7

Iyo ini an itinaram kan Kagurangnan nin mga hukbo manongod sa Edom: “Mayo na daw nin sarong may marahay na kaisipan sa Edom? Dai na daw naghuhulit an mga parahatol duman? Napara na daw an saindang kadonongan?

Ezekiel 43:2

Dangan nahiling kong nagdadangadang hale sa sirangan an kamurawayan kan Dios nin Israel. An tingog nin Dios nakakaarog sa hagubohob kan dagat, asin an daga nagliwanag huli kan saiyang kamurawayan.

Amos 1:12

Kaya papadarahan ko nin kalayo an syudad nin Teman asin susuloon ko an mga bantayan nin Bozra.”

Obadias 1:9

An makokosog na lalaki nin Teman magkakatarakot, asin an lambang soldados nin Edom magagadan.

Habakkuk 2:14

Alagad mapapano an daga kan pakaaram kan kamurawayan nin Kagurangnan siring na pano nin tubig an mga dagat.

Mga Bilang 10:12

Kaya naghale sa Sinai an mga Israelita asin nagpadagos sa pagbaklay. An panganoron nag-ontok sa kalangtadan nin Paran.

Deuteronomio 33:2

Naghilig hale sa Bukid nin Sinai an Kagurangnan; siring sa aldaw, nagsirang siya sa Edom asin nagliwanag hale sa Bukid nin Paran, kaiba an sampolong ribong mga anghel, na may naglalaad na kalayo sa too niyang kamot.

Deuteronomio 5:24

dangan nagsabi, ‘Ipinahiling sato nin Kagurangnan na satuyang Dios an saiyang kadakulaan asin kamurawayan kan nadangog ta siyang magtaram hale sa kalayo! Satuyang nahiling ngunyan na aldaw na an Dios nagtaram sa tawo asin an tawo padagos na nabuhay.

1 Samuel 25:1

Nagadan si Samuel asin nagtiripon an bilog na Israel; ipinagmondo ninda an saiyang pagkagadan. Dangan ilinubong siya sa saiyang harong sa Rama. Pakatapos kaini, nagpasiring si David sa kalangtadan nin Paran.