Habakkuk 3:17 - Marahay na Bareta Biblia

¹⁷ Maski dai namumurak an mga poon nin higera asin an mga ubas mayo nin bunga, maski dai makakua nin lana nin oliba asin an kaomahan dai mamunga, maski magkagaradan an gabos na karnero asin mawaraan nin laog an mga laoman nin hayop,

Habakkuk 3:17 ပူးပေါင်းရင်းမြစ်များ

Jeremias 12:4

Sagkod nuarin magigin mamara an daga saka magigin alang an mga doot sa kabukidan? Naghihingagdan an mga hayop saka gamgam huli kan karatan kan samong banwaan, banwaan na nagsasabing, ‘Dai nahihiling nin Dios an satong mga ginigibo.’”

Jeremias 5:17

Uuboson ninda an mga inani asin pagkakan nindo. Gagadanon ninda an saindong mga aki. Uuboson ninda an saindong mga karnero saka mga baka, dangan raraoton an saindong mga ubasan saka mga kahoy na higera. An mga pinapusog na syudad na sinasarigan nindo rurumpagon kan saindang mga soldados.

Mikas 6:15

Magtatanom ka, alagad dai ka mag-aani. Magpupuga ka nin mga oliba tanganing makakua nin lana, alagad dai mo man iyan magagamit. Magibo ka nin arak, alagad dai mo man iyan maiinom.

Malakias 3:11

Dai ko itutugot na raoton kan mga insekto an saindong mga oma; mamumunga nin dakul an saindong mga balagon nin ubas.

2 Corinto 4:8

Pinapasakitan kami sa gabos na paagi, alagad dai kami nadadaog; napupurisaw kami, alagad dai kami nawawaraan nin paglaom.

2 Corinto 4:9

Pinepersegir kami alagad dai kami pinababayaan; natutumba kami, alagad dai nagagadan.