Habakkuk 3:16 - Marahay na Bareta Biblia

¹⁶ Nadadangog ko an gabos na ini, asin tinatakigan ako; an sakong ngabil nagkikimigkimig sa takot. Nanluluya an sakong hawak, asin nagkakasiringkog an sakong mga bitis. Daing girong na hahalaton ko an pag-abot kan panahon na papadusahan nin Dios an nagsasalakay sato.

Habakkuk 3:16 ပူးပေါင်းရင်းမြစ်များ

An Libro ni Job 30:17

Pagkabanggi, nagkukulog an gabos kong tolang; an kulog na nagpapasakit sako dai nag-oontok.

An Libro ni Job 30:30

Malalata na an sakong kublit; halangkaw nin marahay an sakong kalentura.

Salmo 119:120

Nagtatakig an sakong laman sa takot saimo; natatakot ako sa saimong paghukom.

Salmo 91:15

Kun apodon niya ako, sisimbagon ko siya; iibahan ko siya sa kasakitan. Ililigtas ko siya asin oomawon.

Mga Talinhaga 12:4

An marahay na babae orgulyo asin kaogmahan kan saiyang agom, alagad an babaeng minadara nin kasosopgan sa saiyang agom garo helang na kanser sa saiyang mga tolang.

Mga Talinhaga 14:30

An isip na matoninong minatao nin marahay na hawak, alagad an pag-imon nakakaagid sa helang na kanser.

Isaias 21:3

An nahiling saka nadangog ko sa bisyon nagdara sako nin kamondoan asin kulog, kulog na arog kan namamatean nin sarong babaeng nangangaki.

Jeremias 23:9

Ronot na an sakong puso, saka nagtatakig ako. Huli sa Kagurangnan, huli kan banal niyang mga tataramon, garo ako sarong burat, sarong tawo na sobra an ininom na arak.

Jeremias 30:7

Makatatakot an aldaw na iyan. Mayo iyan nin kaarog; panahon iyan nin kahaditan para sa sakong banwaan, alagad makakaligtas sinda diyan.”

Jeremias 4:19

Makulog! Dai ko matatagalan an kulog! Makosog na nagkukutab-kutab an sakong puso! Dai ako pwedeng mag-alo; nadadangog ko an mga trompeta asin an mga kurahaw nin gera.

Jeremias 5:15

Banwaan nin Israel, ipapadara nin Kagurangnan an sarong nasyon hale sa harayo tanganing salakayon kamo. Saro iyan na makosog saka gurang nang nasyon na an lengwahe dai nindo aram.

Mga Panambitan 1:13

“Hale sa itaas nagpadara siya nin kalayo, na nag-irarom sagkod sa mga tolang ko. Nagbugtak siya nin siod para sa sakong mga bitis, dangan binayaan niya ako; binayaan na namumungnan, nakukulogan sa bilog na aldaw.

Mga Panambitan 1:20

“Hilinga, Kagurangnan, an sakuyang kasakitan; an kalag ko nasa kahorasaan. Ronot na an sakuyang puso huli kan sakong mga kasalan. Igwa nin garadanan sa mga tinampo; minsan sa laog nin harong an kagadanan yaon man.

Ezekiel 3:14

Makosog na nag-abot sakuya an kapangyarihan nin Kagurangnan asin dinara ako kan saiyang espiritu. Mantang dinadara ako, namatean ko an kapaitan nin boot asin kaaanggotan.

Daniel 10:8

Kaya ako sana an nawalat asin nakahiling kan bisyon. Nawaraan ako nin kosog, asin naliwat nin marahay an sakong lalawogon kaya mayo nin siisay man na pwedeng makamidbid sako.

Daniel 10:9

Kan madangog ko an saiyang tingog, mayong pakaising natumba akong padapa sa daga.

Daniel 8:27

Nanluya an sakong boot asin naghelang ako sa laog nin nagkapirang aldaw. Dangan nagbangon ako asin nagbalik sa trabahong itinalaan sako kan hade, alagad naribong ako kan bisyon asin dai ko ini nasabotan.

Habakkuk 3:2

Kagurangnan, nadangog ko an manongod sa saimong ginibo, asin natakot ako. Giboha giraray sa samong panahon an mga ngangalasan na ginibo mo kaidto. Magin maheherakon ka maski sa panahon na naaanggot ka.

Lukas 21:19

Kun makatagal kamo, makakamtan nindo an buhay.