Habakkuk 2:8 - Marahay na Bareta Biblia

⁸ Sinamsaman nindo an mga taga ibang nasyon, alagad sasamsaman kamo kan mga matatadang buhay huli kan mga panggagadan na ginibo nindo asin huli kan saindong kadahasan laban sa mga banwaan kan kinaban saka kan mga syudad kaiyan.

Habakkuk 2:8 ပူးပေါင်းရင်းမြစ်များ

Salmo 137:8

O Babilonia, pararumpag! Paladan an mabalos saimo kan ginibo mo samo.

Mga Talinhaga 22:23

Susurogon sinda nin Kagurangnan, asin hohomaan niya an buhay nin siisay man na naghohoma kan buhay ninda.

Isaias 33:1

Herak man sa samong mga kaiwal! Nanghabon saka nagpasaluib sinda, maski mayo nin nanghabon asin nagpasaluib sainda. Alagad matatapos na an panahon kan saindang panghahabon asin pagpapasaluib; sinda mismo an magigin biktima nin panghabon asin pagpasaluib.

Isaias 33:4

asin an saindang mga pagsadiri tinitipon dangan sinasamsam.

Isaias 47:6

Naanggot ako sa sakong banwaan; dai ko na sinda ibinilang na sadiri ko. Itinao ko sinda sa saimong kamot, asin dai mo sinda naherakan; maski an mga gurang saimong sinakalan.

Jeremias 27:7

An gabos na nasyon maglilingkod saiya, sa saiyang aking lalaki asin sa saiyang makoapo sagkod na mag-abot an panahon kan pagbagsak kan sadiri niyang nasyon. Dangan maglilingkod an saiyang nasyon sa mapangyaring mga nasyon saka sa darakulang hade.

Jeremias 30:16

Alagad ngunyan, hahalonon an gabos na naghahalon saindo, asin an gabos nindong kaiwal dadarahon bilang mga bihag. An gabos na nag-aapi saindo aapihon asin an gabos na nananamsam saindo sasamsaman.

Jeremias 50:14

“Mga parapana, maglinya na kamo para sa gera laban sa Babilon saka palibotan nindo iyan. Panaon nindo an Babilon kan gabos nindong bosog, huli ta nagkasala siya tumang sako, an Kagurangnan.

Jeremias 50:28

May mga tawong nagdurulag hale sa Babilonia saka nakaabot sa Jerusalem, asin inosip ninda an pagbalos na ginibo nin Kagurangnan na satong Dios sa Babilonia huli kan ginibo kaini sa saiyang Templo.)

Jeremias 50:37

Kagadanan para sa saiyang mga kabayo asin pagkaraot para sa saiyang mga karwahe! Kagadanan para sa saiyang tinandanan na mga soldados— maluluya nanggad sinda! Pagkaraot para sa gabos niyang yaman tanganing masamsam an mga iyan.

Jeremias 51:13

An nasyon na idto igwa nin kadakul na salog saka kayamanan, alagad nag-abot na an saindang kataposan; sagkod na sana diyan an saindang buhay.

Jeremias 51:24

Nagsasabi an Kagurangnan, “Papadusahan ko sa atubangan nindo an Babilonia saka an mga namamanwaan niya huli kan gabos na karatan na ginibo niya sa Sion.

Jeremias 51:44

Papadusahan ko si Bel, an dios-dios nin Babilonia, asin ipapabalik ko sa saiya an mga hinabon niya; dai na nanggad masamba saiya an mga nasyon. “Narumpag na an mga kudal kan Babilon.

Jeremias 51:48

Dangan an langit saka an daga, asin an gabos na yaon diyan, mag-aawit sa kaogmahan sa panahon na an Babilonia bumagsak sa kamot kan mga magaba saiya hale sa amihan.

Jeremias 51:8

Bigla an pagbagsak saka pagraot sa Babilonia! Magmondo kamo para saiya! Magkua kamo nin bolong para sa saiyang mga lugad, ta tibaad maomayan siya.

Ezekiel 28:16

An dakul mong negosyo iyo an nagdara saimo sa kadahasan asin sa kasalan. Kaya napiritan akong pahaleon ka sa sakong banal na bukid, asin pinahale ka kan bantay mong anghel sa tahaw kan nagkikintab na mga bato.

Ezekiel 39:10

Dai na sinda maduman sa kaomahan tanganing mangua nin igatong, asin dai na sinda mamamalod nin kahoy sa kadlagan, huli ta an nabayaan na mga armas iyo an gagamiton ninda. Hahabonan asin sasamsaman ninda an nanghabon saka nanamsam sainda.” An Kagurangnan Dios an nagtaram.

Amos 3:10

Nagtataram an Kagurangnan, “Pinapano kan mga tawong ini an saindang mga harong nin mga bagay na nakua ninda sa paagi nin panghahabon saka dahas. Dai ninda aram kun paano an paggibo nin tama.

Obadias 1:15

“Harani na an aldaw na ako, an Kagurangnan, mahukom sa mga nasyon. Edom, an ginibo mo iyo man an gigibohon saimo. Ibabalik saimo an itinao mo.

Habakkuk 2:10

alagad kasosopgan an dinara sa saindong pamilya kan saindong mga plano; sa panraraot nin mga nasyon, kamo man sana an nagdara nin pagkaraot sa saindong sadiri.

Habakkuk 2:17

Pinurotol nindo an kakahoyan nin Lebanon; ngunyan kamo an pupurotolon. Ginaradan nindo an mga hayop duman; ngunyan kamo an tatakoton kan mga hayop. Mangyayari ini huli kan mga panggagadan na ginibo nindo asin huli kan saindong kadahasan laban sa mga banwaan kan kinaban saka kan mga syudad kaiyan.

Zacarias 1:15

Anggot ako nin marahay sa mga nasyon na nakakamate ngunyan nin katoninongan. Huli ta mantang pinupugolan ko an sakong kaanggotan laban sa sakong banwaan, orog pang dinagdagan kan mga nasyon an kasakitan kan sakong banwaan.

Zacarias 14:12

An Kagurangnan madara nin makangirhat na mga peste sa gabos na nasyon na nakikilaban sa Jerusalem. Maglalapa an saindang kublit maski buhay pa sinda; sagkod an saindang mga mata saka dila maglalapa.

Kapahayagan 6:10

Nagkurahaw sinda, “Mapangyaring Kagurangnan, banal asin totoo! Nuarin mo huhukoman asin papadusahan an mga tawong guminadan samo?”