Habakkuk 2:7 - Marahay na Bareta Biblia

⁷ Alagad bago kamo makaaram, kamo na nagsakop sa iba makakalubong man sa utang asin pipiriton na magbayad sagkod kan tubo. Maabot an mga kaiwal nindo asin tatakigan man kamo. Dangan sasamsaman ninda kamo!

Habakkuk 2:7 ပူးပေါင်းရင်းမြစ်များ

Mga Talinhaga 29:1

An tawong habong magdangog kun sinasaway, mahuhulog asin dai na makakabangon pag-abot kan panahon.

Parahulit 10:8

Kun magkalot ka nin bubon, mahuhulog ka diyan; kun maglusot ka sa sarong kudal, pwedeng makagat ka nin halas.

Isaias 11:13

Dai na pag-iimonan kan kahadean nin Israel an Juda, asin dai na magigin kaiwal nin Israel an Juda.

Isaias 41:25

“Nagpili na ako nin sarong lalaki na nag-eerok sa sirangan; pinapasalakay ko siya hale sa amihan. Tinitimaktimakan niya an mga pamayo na garo sinda laboy, siring kan paragibo nin koron na nagtitimaktimak kan laboy.

Isaias 46:11

Inaapod ko an sarong lalaki na magdigdi hale sa sirangan; mananaklot siya siring sa sarong agila asin ootobon niya an sakong katuyohan. Ako an nagtaram, asin mangyayari iyan.

Isaias 47:11

Maabot saimo an kapahamakan, asin an saimong salamangka dai makakapugol kaiyan. Sa madali, maabot saimo an karatan— karatan na dai lamang nag-abot sa isip mo!

Jeremias 51:11

Sinutsutan nin Kagurangnan an mga hade nin Media huli ta boot niyang raoton an Babilonia. Iyan an gigibohon niyang pagbalos huli sa pagkarumpag kan saiyang Templo. Nagboboot an nagsasalakay na mga opisyal, “Pataromon nindo an saindong mga bosog! Andama an saindong mga kalasag!

Jeremias 51:57

Buburaton ko an saiyang mga pamayo— an madodonong na mga lalaki, an mga lider, asin an mga soldados. Makatorog sinda saka dai na nanggad magigimata. Ako, an hade, an nagtaram; Ako, an Kagurangnan nin mga hukbo.

Jeremias 8:17

“Magmaan kamo!” an sabi nin Kagurangnan. “Mapadara ako nin mga halas, mga rimoranon na dai mapapagaro, asin kakagaton ninda kamo.”

1 Tesalonica 5:3

Kun an mga tawo nagsasabi, “An gabos matoninong saka mayong pag-alaman,” dangan biglang maabot an kapahamakan sainda! Maabot iyan arog kan kulog na namamate kan babaeng madali nang mangaki; dai ninda iyan madudulagan.