Habakkuk 2:6 - Marahay na Bareta Biblia

⁶ Oolog-ologon kan mga nasakop na banwaan an mga nagsakop sainda asin papahilingan kan saindang pagkauyam. Masabi sinda, “Nangungua kamo kan bako saindo, alagad herak man saindo! Sagkod nuarin kamo magpapayaman huli sa pagpirit kan mga nagkautang saindo na magbayad na?”

Habakkuk 2:6 ပူးပေါင်းရင်းမြစ်များ

Salmo 94:3

Sagkod nuarin mag-oogma an mga maraot? Sagkod nuarin Kagurangnan?

Mga Talinhaga 22:16

An nagreregalo sa mayaman, o an nag-aapi sa dukha tanganing magyaman magigin dukha man.

Isaias 10:13

Huli ta nagsasabi an emperador nin Asiria, “Nagibo ko iyan huli ta ako makosog, madonong asin tuso. Hinale ko an mga pagdolonan nin mga nasyon asin kinua ko an mga pagkakan na saindang sinaray. Arog sa sarong toro, tinimaktimakan ko an mga tawong nag-eerok duman.

Isaias 44:20

Garo man sana siya nagkakan nin abo. Linagalag siya kan saiyang lolong na isip; dai na siya matatabangan. Dai niya aakoon na an ladawan na saiyang kapot bako man talaga dios.

Isaias 5:8

Herak man sa mga tawong nagsusugpon nin harong sa dati na nindang harong, mga tawong nagdadagdag nin oma sa saindang oma sagkod na dai na nin ibang nag-eerok sa daga kundi sinda na sana.

Isaias 55:2

Tadaw ta inuubos nindo an saindong kwarta para sa dai nakakabasog? Tadaw ta inuubos nindo an saindong tandan asin padagos pa kamong nagugutom? Dangoga nindo ako asin giboha an sasabihon ko, dangan mananamitan nindo an pinakamarahay sa gabos na kakanon.

Jeremias 17:11

An tawong nagpapayaman sa paagi nin pandadaya, garo gamgam na naghihilomlom kan bako niyang sogok. Sa panahon nin saiyang kakosogan mawawara an saiyang kayamanan, asin sa saiyang kataposan magigin lolong siya.

Jeremias 29:22

Kun boot kan mga itinapok sa Babilonia hale sa Jerusalem na maldisyonon an sarong tawo, masabi sinda, ‘Iarog ka logod nin Kagurangnan ki Zedekias saka ki Ahab, na buhay na isinugba sa kalayo kan hade nin Babilonia!’

Jeremias 50:13

Huli sa sakong kaanggotan mayo nin mag-eerok sa Babilon; papabayaan iyan na raot, asin an mag-aaragi diyan magkakamorongnan saka magngangaralas.

Ezekiel 32:21

Sasabaton sinda sa kinaban kan mga gadan kan dakulang mga pamayo na nag-apil sainda sa gera. Makurahaw an mga ini: ‘Nag-abot na digdi an bakong diosnon na mga tawong nagkagaradan sa gera, asin uya sinda digdi naghihigda!’

Mikas 2:4

Pag-abot kan panahon na iyan, gagamiton nin mga tawo an istorya dapit saindo bilang sarong arogan nin kapahamakan, dangan aawiton ninda ining awit nin mayong paglaom dapit sa nangyari saindo: Buminagsak na nanggad kita! Kinua nin Kagurangnan an satong daga Asin itinao sa mga nagbihag sa sato.”

Habakkuk 1:15

Dinadakop kan mga taga Babilonia an mga tawo sa paagi nin mga banwit, na garo mga sira, asin ginuguyod ninda an mga tawo na nasa laog nin mga hikot. Pakatapos, nagkukurahaw sinda sa kaogmahan huli kan saindang mga nadakop!

Habakkuk 2:12

Herak man saindo na nagmukna nin sarong syudad sa paagi nin krimen asin nagpatindog kaiyan huli sa panggagadan!

Habakkuk 2:13

Nagparagal sa mayong kamugtakan na trabaho an mga nasyon na sinakop nindo; an gabos nindang pinatindog nagkakasurulo man sana. An Kagurangnan nin mga hukbo iyo an kaggibo kaini.

Mga Bilang 23:18

asin sinabi ni Balaam an propesiyang ini: “Madya Balak, aking lalaki ni Zippor, Asin hinanyoga an sakong sasabihon.

Mga Bilang 23:7

Sinabi ni Balaam an propesiyang ini: “Ipinaapod ako ni Balak na hade nin Moab Hale sa Siria, hale sa kabukidan sa sirangan. An sabi niya sako, ‘Madya, maldisyonon mo si Jacob. Madya, isikwal mo an banwaan nin Israel!’

Lukas 12:20

Alagad sinabihan siya nin Dios, ‘Lolong! Ngunyan man sanang banggi magagadan ka. Sa kiisay mapapaduman an mga tinipon mo?’”

1 Pedro 4:7

Harani na an kataposan kan gabos na bagay. Kaya dapat magkaigwa kamo nin malinaw na isip asin pagpupugol sa sadiri, tanganing makapamibi kamo.