Habakkuk 2:2 - Marahay na Bareta Biblia

² Iyo ini an simbag sako nin Kagurangnan: “Isurat mo nin malinaw sa mga tabla an ipapahayag ko saimo, tanganing maski sa sarong hirilingan, mababasa iyan.

Habakkuk 2:2 ပူးပေါင်းရင်းမြစ်များ

Isaias 30:8

Tinaraman ako nin Dios na isurat sa sarong libro kun ano an kabaing kan banwaan, tanganing magkaigwa nin danay na talaan kun gurano sinda karaot.

Isaias 8:1

Dangan sinabihan ako nin Kagurangnan, “Magkua ka nin masusuratan asin isurat mo sa darakulang letra an, ‘Ki Maher-salal-has-baz.’

Jeremias 30:2

nagtaram sako, “Isurat mo sa sarong libro an gabos na sinabi ko saimo,

Daniel 12:4

Tinaraman niya ako, “Ngunyan, Daniel, serahan mo an libro dangan bugtakan mo nin selyo sagkod na mag-abot an kataposan nin kinaban. Mantang dai pa iyan nangyayari, dakul na tawo an magsasayang nin panahon sa pagsabot kan nangyayari.”

Daniel 7:1

Kan enot na taon kan paghahade ni Belsazzar nin Babilon, nagkaigwa ako nin pangatorogan asin nahiling ko an sarong bisyon sa pagkabanggi. Isinurat ko an pangatorogan, asin iyo ini an kasaysayan

Roma 15:4

An gabos na nasa mga Kasuratan, isinurat nganing tukdoan kitang magkaigwa nin paglaom sa paagi nin pakatagal saka karangahan na itinatao sato kan mga Kasuratan.

1 Corinto 14:19

Alagad sa simbahan, mas boot ko pang maggamit ako nin limang tataramon na nasasabotan tanganing makatukdo ako sa iba, ki sa maggamit ako nin rinibong tataramon sa manlaen-laen na lengwahe na dai nasasabotan.

2 Corinto 3:12

Kaya mga pusoan kami, huli ta igwa kami kan paglaom na iyan.

Deuteronomio 27:8

Sa mga gapo na sinemento, isurat nindo nin malinaw an gabos na togon nin Dios.”

Deuteronomio 31:19

“Ngunyan isurat mo an awit na ini, dangan itukdo mo sa banwaan nin Israel, tanganing iyo ini an magsaksi para sako laban sainda.

Deuteronomio 31:22

Kan aldaw man sanang iyan, isinurat ni Moises an awit dangan itinukdo iyan sa banwaan nin Israel.

Kapahayagan 14:13

Dangan nadangog ko an sarong tingog hale sa langit na nagsasabi, “Isurat mo ini: Poon ngunyan, paladan an mga magagadan na naglilingkod sa Kagurangnan!” Nagsimbag an Espiritu, “Totoong paladan! Makakapahingalo na sinda sa saindang mga pagpagal, huli ta magsusunod sainda an mga bunga kan saindang mga gibo.”

Kapahayagan 19:9

Nagsabi sako an anghel, “Isurat mo ini: Paladan an mga imbitado sa bangkete sa kasal kan Kordero.” Nagtaram pa an anghel, “Ini an mga totoong tataramon nin Dios.”