Habakkuk 2:19 - Marahay na Bareta Biblia

¹⁹ Herak man saindo na nagsasabi sa sarong pedaso nin kahoy, “Pagmata!” o sa sarong dakulang gapo, “Tindog!” Igwa daw nin ikakapahayag saindo an sarong dios-dios? Pwedeng patoson iyan nin plata o bulawan, alagad mayo iyan nin buhay.

Habakkuk 2:19 ပူးပေါင်းရင်းမြစ်များ

Salmo 135:15

An mga dios-dios kan mga nasyon gibo sa plata asin bulawan, gibo kan mga kamot nin katawohan.

Salmo 135:17

Igwang mga talinga, alagad dai nakakadangog; mayo nin hinangos sa saindang mga ngoso.

Salmo 97:7

Sinosopog an gabos na nagsasamba sa mga ladawan, na naghahambog kan saindang mga dios na mayo nin halaga; gabos na dios minaduko sa atubang niya.

Isaias 26:14

Garadan na sinda ngunyan asin dai na mabubuhay giraray; dai na mabangon an saindang mga kalag, huli ta pinadusahan mo sinda asin saimong ginadan. Mayo nang nakakagiromdom sa sainda ngunyan.

Isaias 40:19

Bako siya arog sa dios-dios na ginigibo nin mga tawo, na pinapatos nin bulawan kan mga panday asin ibinababaw sa patungtongan na plata.

Isaias 41:26

Siisay saindo an nagsabi na mangyayari ini, tanganing masabi mi na tama siya? Mayo ni saro saindo na nagtaram dapit kaini; mayo man lamang nin nakadangog na kamo nagtaram!

Isaias 44:17

An natada na kahoy ginigibo niyang sarong ladawan, dangan minaluhod dangan minasamba kaiyan. Pinapamibian niya iyan asin minasabi, “Ika an sakong dios—ligtasan ako!”

Isaias 46:6

Binubukasan kan mga tawo an saindang mga supot dangan inuula an bulawan; minatimbang sinda nin plata sa mga timbangan. Minatandan sinda nin alahero tanganing maggibo nin sarong dios; dangan minaluhod sinda asin sinasamba iyan.

Isaias 57:6

Minakua kamo nin malinig na mga gapo dangan sinasamba nindo an mga iyan bilang mga dios. Minaula kamo nin arak bilang dolot sainda saka minadara man kamo sainda nin mga dolot na pagkakan. Sa paghona nindo, naoogma ako sa mga ginigibo nindong iyan?

Jeremias 10:14

Sa paghiling kaiyan, namamatean nin mga tawo na sinda mangmang saka mayo nin pakaaram. Napapasopog an lambang panday na naggigibo nin mga dios-dios huli ta an mga dios ninda bakong totoo asin mayo nin buhay.

Jeremias 10:3

An sinasamba kan mga tawong ini mayo nin halaga. Kahoy iyan na pinalod sa kadlagan; inukitan kan kasangkapan kan paraukit

Jeremias 10:4

dangan sinamnohan nin plata saka bulawan. Ipinako ninda iyan tanganing dai matumba.

Jeremias 10:9

An saindang mga dios napapatos nin plata na hale sa Espanya asin nin bulawan na hale sa Ufaz, an gabos ginibo kan mga paraukit asin kan mga panday; nagugubingan an mga iyan nin telang kolor lila saka purpura na hinabol nin mga ekspertong parahabol.

Jeremias 2:27

Sosopogon kamo gabos—kamong nagsasabi na sarong kahoy an saindong ama saka sarong gapo an saindong ina. Mangyayari ini huli ta nagtalikod kamo sako embes na magdolok. Alagad kun kamo nasa kasakitan, pinapakiolayan nindo akong magdiyan saka iligtas kamo.

Jeremias 2:28

“Haen an saindong mga dios-dios na ginibo nindo? Sa saindong kasakitan magpatabang kamo sainda—kun kaya ninda! Juda, an saimong mga dios-dios arog kadakul kan saimong mga syudad.

Jeremias 51:17

Sa atubang kaini, mamamatean nin tawo na siya sarong mangmang saka mayo nin pakaaram; mapapasopog an lambang panday na naggigibo nin mga ladawan, huli ta an mga dios-dios niyang ini bakong totoo saka mayo nin buhay.

Jeremias 51:47

Kaya maabot an panahon na papadusahan ko an mga dios-dios nin Babilonia. Mapapasopog an bilog na nasyon saka magagadan an gabos na namamanwaan niya.

Daniel 3:1

Nagpagibo si Hadeng Nebukadnezzar nin sarong estatwang bulawan, na beynte y syete metros an langkaw asin maabot sa tolong metros an lakbang. Ipinabugtak niya ini sa kapatagan nin Dura sa probinsya nin Babilon.

Daniel 3:18

Alagad maski dai niya kami iligtas, Mahal na Hade, dai man giraray kami masamba sa saimong dios, asin dai man kami maduko sa atubang kan estatwang bulawan na pinatindog mo.”

Daniel 3:29

“Kaya ipinagboboot ko ngunyan na an siisay man sa arin man na nasyon, rasa, o lengwahe na magtaram tumang sa Dios ni Sadrak, Mesak, asin ni Abednego, pepedasohon, asin gagabaon an saiyang harong; huli ta mayo nin ibang dios na pwedeng magligtas sa siring kaining paagi.”

Daniel 3:7

Kaya kan madangog ninda an tanog kan trompeta, plawta, lira, gimbal, arpa, asin kan iba pang mga instrumento, nagduruko dangan nagsaramba sinda sa estatwang bulawan na ipinagibo ni Hadeng Nebukadnezzar.

Daniel 5:23

kundi ilinangkaw mo an saimong sadiri tumang sa Kagurangnan nin langit. Ipinakua mo an mga bulawan na kagamitan na sinamsam sa Templo tanganing pag-inoman mo, kan mga iginagalang na lalaki sa palasyo, kan saimong mga agom asin kan saimong mga kasaroan patin inomaw mo an mga dios na gibo sa bulawan, plata, bronse, lansang, kahoy, saka gapo—mga dios na dai nakakahiling o nakakadangog asin dai nakakaaram nin anoman. Dai mo ginalangan an Dios na nagkakapot kan saimong buhay asin nakakaaram kan gabos mong ginigibo.

Daniel 5:4

Nag-irinom sinda nin arak, asin nag-oromaw sa mga dios-dios na gibo sa bulawan, plata, bronse, lansang, kahoy, saka gapo.

Jonas 1:5

Nagkatarakot an mga tripulante, kaya an lambang saro nagkurahaw sa pag-apod nin tabang sa saiyang dios. Dangan, tanganing mainaan an gabat kan barko, itinapok ninda sa dagat an mga kargamento. Mantang nangyayari ini, nagduman si Jonas sa ibabang kabtang kan barko dangan nagkatorog.

Mga Gibo 17:29

Huli ta kita mga aki nin Dios, dai kita mag-isip na garo siya sarong ladawan na bulawan o plata o gapo, na ginibo nin tawo sosog sa saiyang kakayahan saka kadonongan.

Kapahayagan 17:4

An babae nakagubing nin purpura saka pula; nasasamnohan siya nin mga bulawan, mga mahalagang bato, asin mga perlas. Igwa siyang kapot na bulawan na kopa na pano nin kadustaan saka mga maaating bagay, na iyo an bunga kan saiyang karigsokan.