Habakkuk 2:15 - Marahay na Bareta Biblia

¹⁵ Herak man saindo na nagsopog kan saindong mga kapwa sa saindong kaanggotan; pinapasayasay nindo sinda na garo mga burat.

Habakkuk 2:15 ပူးပေါင်းရင်းမြစ်များ

Genesis 9:22

Nahiling ni Ham, an ama ni Canaan, na huba an saiyang ama asin binaretaan an duwa niyang tugang na nasa luwas.

2 Samuel 11:13

Inalok ni David si Urias na magkakan sa kaibahan niya dangan binurat niya. Alagad kan bangging idto, dai man giraray nagpuli sa saiyang harong si Urias; nagkatorog siya sa saiyang higdaan sa kwarto kan mga bantay sa palasyo.

Exodo 32:25

Kan mahiling ni Moises an makasosopog na gibo kan mga tawo huli ta pinabayaan sinda ni Aaron na magin ngingisihan kan saindang mga kaiwal,

Isaias 28:7

Burat an mga propeta saka mga padi, kaya nagsasayasay sinda. Nagkakadarasmag sinda sa karibongan huli ta dakul an nainom nindang arak. Sobra an kaburatan kan mga propeta tanganing masabotan ninda an ipinadarang mga bisyon nin Dios. Siring man an mga padi; dai na sinda nakakahatol kan mga kaso na dinadara sainda.

Isaias 28:8

An mga lamesa na saindang ginagamit pano nin suka, asin mayo nang natadang lugar na malinig.

Isaias 5:22

Herak man sa mga bayani sa pag-inom nin arak, asin sa mga mayong takot sa paghalo nin maiisog na inomon!

Jeremias 25:15

An Kagurangnan, an Dios nin Israel, nagtaram sako, “Uya an kalis na pano kan sakong kaanggotan. Darahon mo ini sa gabos na nasyon na papadumanan ko saimo saka painomon mo sinda.

Jeremias 51:7

An Babilonia nagin arog sa bulawan na kalis sa kamot ko, tanganing buraton an bilog na kinaban. Nag-inom kan saiyang arak an mga nasyon, kaya narungaw sinda.

Oseas 7:5

An hade saka an mga opisyal kaini binurat ninda asin pinangagin mga lolong huli sa arak kan magselebrar an hade kan saiyang kaaldawan.

Habakkuk 2:14

Alagad mapapano an daga kan pakaaram kan kamurawayan nin Kagurangnan siring na pano nin tubig an mga dagat.

Habakkuk 2:16

Sosopogon man kamo embes na oomawon. Mainom man kamo asin magsasayasay. Papainomon kamo nin Kagurangnan sa sadiri nindong kalis nin padusa, asin magigin kasosopgan an saindong kaomawan.

Kapahayagan 17:2

An mga hade sa kinaban nakipagdorogan saiya. Naburat an mga nag-eerok sa kinaban huli kan saiyang arak nin karigsokan.”

Kapahayagan 17:6

Nahiling ko na an babae naburat kan dugo kan mga banal asin kan dugo kan mga ginadan huli ta nagdanay sindang maimbod ki Jesus. Kan mahiling ko siya, napangalas ako nin marahay.

Kapahayagan 18:3

Huli ta an gabos na nasyon nag-inom kan arak nin saiyang karigsokan. An mga hade sa kinaban nakipagdorogan saiya asin an mga negosyante sa daga nagyaman huli kan sobra niyang kapasloan sa laman.”