Habakkuk 2:14 - Marahay na Bareta Biblia

¹⁴ Alagad mapapano an daga kan pakaaram kan kamurawayan nin Kagurangnan siring na pano nin tubig an mga dagat.

Habakkuk 2:14 ပူးပေါင်းရင်းမြစ်များ

Salmo 22:27

An mga poro kan daga makakagiromdom asin mabalik sa Kagurangnan; an gabos na pamilya kan mga nasyon magsasamba sa saiyang atubang.

Salmo 72:19

Omawon sagkod lamang an saiyang mamurawayon na ngaran! An bilog na daga mapano logod kan saiyang kamurawayan. Amen! Amen!

Salmo 86:9

Madatong an gabos na nasyon na saimong linalang; mataong galang sa saimong atubang; asin mapamuraway kan saimong ngaran.

Isaias 11:9

Mayo nin anoman na maraot na mangyayari sa sainda sa Sion, sa banal na bulod nin Dios, huli ta an kinaban magigin pano kan pakaaram nin Kagurangnan, siring na an kadagatan pano nin katubigan.

Isaias 33:6

asin papakosogon niya an nasyon. Danay niyang sinusurog an saiyang banwaan asin tinatawan niya sinda nin kadonongan saka pakasabot. An pagkatakot sa Kagurangnan iyo an pinakamahalaga nindang kayamanan.

Isaias 40:5

Dangan mahahayag an kamurawayan nin Kagurangnan, asin mahihiling iyan kan gabos na katawohan. An Kagurangnan mismo an nagtaram kaini.

Isaias 6:3

Nag-iinapodan sinda nin makusog: “Banal, banal, banal an Kagurangnan nin mga hukbo; an bilog na daga pano kan saiyang kamurawayan.”

Jeremias 31:34

Dai na ninda kaipuhan na tukdoan an lambang saro tanganing mamidbidan an Kagurangnan, huli ta gabos sinda, magpoon sa kasaradayan sagkod sa haralangkaw na tawo, makakamidbid sako. Papatawadon ko an saindang mga kasalan asin dai ko na gigiromdomon an mga gibo nindang maraot. Ako, an Kagurangnan, an nagtaram.”

Ezekiel 47:5

Nagsukol pa siya nin kinyentos metros, asin hararom na nin marahay an tubig kaya dai ko na madakit. Tanganing makabalyo, kaipuhan nang maglangoy.

Mikas 2:9

Inaalaw nindo paluwas kan mga harong na saindang namomotan an mga babae sa sakong banwaan, asin inaagawan nindo an saindang kaakian kan itinatao kong daing tapos na bendisyon.

Habakkuk 2:15

Herak man saindo na nagsopog kan saindong mga kapwa sa saindong kaanggotan; pinapasayasay nindo sinda na garo mga burat.

Habakkuk 3:3

Hale sa Edom madigdi giraray an Dios; hale sa kabubuldan nin Paran maabot an banal na Dios. Tinatahoban kan saiyang kamurawayan an kalangitan, asin an daga pano kan saiyang kaomawan.

Sofonias 3:9

“Dangan babagohon ko an mga namamanwaan kan mga nasyon, asin sako sana sinda mamimibi asin bako sa ibang mga dios. Gabos sinda makuyog sako.

Mga Bilang 14:21

Alagad siring na ako buhay, asin siring na nakakalakop sa kinaban an sakong kamurawayan,

Kapahayagan 11:15

Dangan pinatanog kan ikapitong anghel an saiyang trompeta, asin may mga makosog na tingog sa langit na nagsabi, “An kahadean kan kinaban nagin kahadean kan satong Kagurangnan asin kan saiyang Cristo; maghahade siya sagkod pa man!”

Kapahayagan 15:4

Siisay an dai matatakot saimo, Kagurangnan? Siisay an dai maomaw kan saimong ngaran? Huli ta ika sana an banal. Gabos na nasyon madolok saka masamba saimo, huli ta an mga matanos mong gibo nahihiling kan gabos.”