Habakkuk 2:10 - Marahay na Bareta Biblia

¹⁰ alagad kasosopgan an dinara sa saindong pamilya kan saindong mga plano; sa panraraot nin mga nasyon, kamo man sana an nagdara nin pagkaraot sa saindong sadiri.

Habakkuk 2:10 ပူးပေါင်းရင်းမြစ်များ

1 Mga Hade 2:23

Dangan nagsumpa si Hadeng Solomon sa ngaran nin Kagurangnan, “Padusahan logod ako nin Dios sagkod na magadan kun dai ko gadanon si Adonias huli kan kahagadan niyang ini!

2 Mga Hade 10:7

Pakabasa ninda kan surat, ginadan ninda an setentang aking lalaki ni Ahab, ibinugtak an mga payo sa mga basket, asin ipinadara ki Jehu sa Jezreel.

2 Mga Hade 9:26

‘Nahiling ko kasuodma an paggadana ki Nabot asin sa saiyang mga aking lalaki. Nanunuga ako na papadusahan taka digdi sa lugar na ini.’ Kaya buhaton mo an saiyang bangkay asin itapok mo sa daga ni Nabot, tanganing maotob an tataramon nin Kagurangnan.”

Mga Talinhaga 1:18

Alagad an mga tawong ini minabugtak nin litag para sa sadiri man sana ninda, litag na magagadanan ninda.

Mga Talinhaga 20:2

An kaanggotan nin hade garo ungal kan leon; an minapaanggot saiya nawawaraan kan sadiring buhay.

Mga Talinhaga 8:36

An dai nakakakua sako, nagkukulog sa sadiri; an naoongis sako, namomoot sa kagadanan.”

Isaias 33:11

Mayong halaga an ginigibo nindong mga plano asin mayo nin kamugtakan an gabos nindong ginigibo. An sakong espiritu makakaarog sa kalayong matutong saindo.

Jeremias 22:30

“An tawong ini kinondenar tanganing mawaraan nin mga aki, tanganing magin sarong tawo na dai nanggad mag-uuswag. Dai siya magkakaigwa nin mga kapagarakian na maghahade sa Juda bilang mga kasalihid ni David. Ako, an Kagurangnan an nagtaram.”

Jeremias 26:19

Dai ginadan ni Hadeng Ezekias asin kan mga taga Juda si Mikas. Embes kaiyan, natakot sa Kagurangnan si Ezekias saka hiningowa niyang mawilihan siya nin Kagurangnan. Binago nin Kagurangnan an saiyang desisyon manongod sa kasakitan na sinabi niyang dadarahon niya sainda. Ngunyan, kita man sana an naghahagad nin kasakitan para sa satong mga sadiri.” (

Jeremias 36:31

Papadusahan taka, an saimong mga kapagarakian, asin an saimong mga opisyal huli kan mga kasalan na ginibo nindo gabos. Dai mo pinahalagahan an sakong patanid, siring man an mga taga Jerusalem saka mga taga Juda, kaya dadarahon ko saindo gabos an kasakitan na ipinapatakot ko.”

Jeremias 44:7

“Kaya ako, an Kagurangnan nin mga hukbo, an Dios nin Israel, minahapot ngunyan saindo kun tadaw ta ginigibo nindo an siring na karatan sa saindong mga sadiri. Boot nindong darahan nin kapahamakan an mga lalaki saka an mga babae, an mga aki saka an mga omboy, tanganing mayo nin matada sa saindong banwaan?

Nahum 1:14

Iyo ini an ipinagboot nin Kagurangnan dapit sa mga taga Asiria: “Dai sinda magkakaigwa nin kapagarakian na madara kan saindang ngaran. Raraoton ko an mga ladawan na nasa mga templo kan saindang mga dios. Nag-aandam ako nin lulubngan para sa mga taga Asiria—dai sinda maninigong mabuhay!”

Habakkuk 2:16

Sosopogon man kamo embes na oomawon. Mainom man kamo asin magsasayasay. Papainomon kamo nin Kagurangnan sa sadiri nindong kalis nin padusa, asin magigin kasosopgan an saindong kaomawan.

Mga Bilang 16:38

Nagin banal an mga ini kan idolot sa altar nin Kagurangnan. An mga insensaryo kan mga lalaking ini na ginadan huli ta nagkasala, pulpogon mo asin gibohon na mga mahimpis na pantahob sa altar. Ini magigin sarong tanda para sa mga Israelita.”

Mateo 27:25

An gabos na tawo nagsimbag, “Kargo mi asin kan mga aki mi an saiyang kagadanan!”