Habakkuk 2:1 - Marahay na Bareta Biblia

¹ Masakat ako sa sakong bantayan asin mahalat tanganing maaraman ko an itataram sako nin Kagurangnan—kun anong simbag an itatao niya sa sakong reklamo.

Habakkuk 2:1 ပူးပေါင်းရင်းမြစ်များ

2 Samuel 18:24

Kan panahon na iyan nagtutukaw si David sa pagultanan kan panlaog asin kan panluwas na trangkahan kan syudad. Nagsakat sa itaas kan kudal an bantay asin nagtindog sa atop kan trangkahan; nakahiling siya nin sarong lalaking solo-solong nagdadalagan.

2 Mga Hade 17:9

Hilom na ginibo kan mga Israelita an mga bagay na bakong matanos. Nagtugdok sinda nin paganong mga lugar na pagsasambahan sa gabos nindang banwa, magpoon sa pinakasadit na baryo sagkod sa pinakadakulang syudad.

2 Mga Hade 9:17

Nakatindog sa bantayan nin Jezreel an sarong bantay asin nahiling niya an nagdadangadang na grupo ni Jehu. “Nahihiling ko an sarong grupo nin mga lalaki,” an sabi kan bantay. Nagsabi si Joram, “Ipasabat mo sinda sa sarong nangangabayo asin ipahapot mo kun katoninongan an katuyohan ninda.”

An Libro ni Job 31:35

“Igwa man logod nin magdangog sako! Minasumpa ako na totoo gabos an itinaram ko. Simbagon logod ako kan Makakamhan na Dios! “Kun yaon kuta an sumbong laban sako na sinurat kan sakong kaiwal,

An Libro ni Job 31:37

Sasambiton ko sa Dios an gabos kong gibo, asin dai ako masosopog na mag-atubang saiya.

Salmo 5:3

pagkaaga dinadangog mo an sakong tingog. Pagkaaga dolot ko saimo an sarong atang, dangan minahalat kan saimong kasimbagan.

Salmo 85:8

Nagdadangog ako kan itinataram nin Dios na Kagurangnan, huli ta ipinapahayag niya an katoninongan sa saiyang banwaan, sa saiyang mga banal, na dai na mabalik sa saindang kasombikalan.

Salmo 85:9

Totoong harani na an kaligtasan para sa mga may pagkatakot saiya, nganing an kamurawayan mag-erok sa daga.

Isaias 21:5

Sa bisyon, nahiling ko an inandam na bangkete; an mga ibiniklad na alpombra na tutukawan kan mga bisita. Nagkakakan saka nag-iinom sinda. Dangan nadangog an pagboot: “Mga opisyal! Andama nindo an saindong mga kalasag!”

Isaias 21:6

Dangan sinabihan ako nin Kagurangnan, “Lakaw asin magbugtak ka nin bantay; sabihan mo siyang ipahayag an saiyang nahihiling.

Isaias 21:8

Dangan nag-apod an bantay, “Kagurangnan, aldaw-banggi akong nagbabantay sa sakong namumugtakan.”

Isaias 62:6

Sa ibabaw nin saimong mga kudal, O Jerusalem, nagbugtak ako nin mga bantay; kaipuhan na dai nanggad sinda mag-alo banggi man o aldaw. Kaipuhan ipagiromdom ninda sa Kagurangnan an saiyang ginibong mga panuga asin dai sinda magtugot na malingawan niya an mga iyan.

Jeremias 12:1

“Kagurangnan, kun minareklamo ako saimo, pinapatotoohan mo na matanos ka. Alagad hahapoton taka manongod sa hustisya. Tadaw ta nag-uuswag an mga maraot na tawo? Tadaw ta minayaman an mga madaya?

Jeremias 6:17

An Kagurangnan nagbugtak sa Israel nin mga bantay na saiyang tinaraman, “Dangogon nindo an tanog kan trompeta!” Alagad nagsabi sinda, “Dai mi iyan dadangogon.”

Ezekiel 3:17

“Aki nin tawo, ginigibo takang bantay kan nasyon nin Israel. Itataram mo sainda an anoman na patanid na madangog mo sako.

Ezekiel 33:7

“Kaya ngunyan, aki nin tawo, ginibo takang bantay kan nasyon nin Israel. Itataram mo sainda an ano man na patanid na madadangog mo sako.

Mikas 7:7

Alagad maghahalat ako sa Kagurangnan; padagos akong maglalaom sa Dios na maligtas sako. Dadangogon ako kan sakong Dios.

2 Corinto 13:3

Mahihiling nindo gabos an tanda na hinahanap nindo na si Cristo nagtataram sa paagi ko. Bakong maluya an pakikiiba ni Cristo saindo, kundi mapangyari siya sa saindo.

Galacia 1:16

ipahayag sako an saiyang Aki, tanganing ikapaghulit ko an Marahay na Bareta dapit ki Cristo sa mga pagano, dai ako nakihumatol sa kiisay man na tawo,