Habakkuk 1:8 - Marahay na Bareta Biblia

⁸ “An saindang mga kabayo orog pang marikas ki sa mga leopardo, mas maringis pa ki sa gutom na mga lobo. An saindang mga parakabayo nag-aarabot hale sa harayong mga lugar; sa rikas kan saindang pangangabayo, garo sinda mga agilang naglalayog pasiring sa saindang biktima.

Habakkuk 1:8 ပူးပေါင်းရင်းမြစ်များ

An Libro ni Job 9:26

An sakong buhay minaagi na garong marikas na sakayan, garo sarong agila na minabulusok sa pagsaklot kan kuneho.

Isaias 11:14

Kundi magkaiba sindang masalakay sa mga Filisteo sa solnopan asin sasamsaman an mga banwaan sa sirangan. Sasakopon ninda an banwaan nin Edom saka Moab, asin kukuyogon sinda kan banwaan nin Ammon.

Jeremias 4:13

Hilinga nindo, nagdadangadang na garo mga panganoron an kaiwal. Garo aripuros an saiyang karwaheng panggera, asin marikas pa sa mga agila an saiyang mga kabayo. Herak man sato, huli ta iyo na ini an kataposan ta.

Jeremias 48:40

Nanuga an Kagurangnan na maabot an sarong nasyon na arog karikas sa agila asin uunaton niya an saiyang mga pakpak laban sa Moab;

Jeremias 5:6

Kaya gagadanon sinda kan mga leon na hale sa kadlagan; roronoton sinda kan mga lobo na hale sa desyerto, saka maglilibot sa mga banwa ninda an mga leopardo. Kun magluwas an mga tawong idto, roronoton sinda, huli ta kadakul na kan saindang kasalan asin kadakul nang beses na tinalikodan ninda an Dios.

Jeremias 50:42

May dara sindang mga pana saka mga espada; mga makuri sinda asin mayo nin pagkaherak. Garo sinda dagat na naghahagubohob mantang nagpapadalagan kan saindang mga kabayo. Andam sinda sa pakigera laban sa Babilonia.

Mga Panambitan 4:19

An mga naglamag samo mas marikas pa ki sa mga agila sa kaitaasan; linamag ninda kami sa kabubuldan, hinipaan ninda kami sa kalangtadan.

Ezekiel 17:12

“Hapota an mga rebeldeng iyan kun aram ninda an kahulogan kan parabola. Taraman mo sinda na an hade nin Babilonia nagduman sa Jerusalem, binihag an hade asin an mga opisyal kaini dangan dinara pagbalik niya sa Babilonia.

Ezekiel 17:3

tanganing maaraman ninda an itinataram ko sainda, ako an Kagurangnan Dios: Igwa kaidto nin sarong dakulang agila na may magayon na mga balukag saka dakulang mga pakpak. Naglayog ini pasiring sa kabukidan nin Lebanon asin binari an poro kan sarong kahoy na sedro,

Ezekiel 26:11

An saindang nakakabayong mga soldados garo mga bagyong maaragi sa saimong mga tinampo sa paggadan kan saimong mga namamanwaan. Marurumpag an mga darakula mong harigi.

Oseas 8:1

Nagsasabi an Kagurangnan, “Huyopa an trompeta huli ta nagdadangadang na sa sakong daga an mga kaiwal siring sa mga agila! Linapas kan sakong banwaan an sakong tipan, asin nagrebelde sinda tumang sa sakong katukdoan.

Nahum 2:5

Ipinaapod na an mga opisyal; nagkakaturumba sinda mantang nagpapaenotan. Nagdadalagan pasiring sa kudal an mga parasalakay asin inaandam na ninda an kagamitan na panggaba kan kudal.

Sofonias 3:3

An mga opisyal niya arog sa nag-uungal na mga leon; an saiyang mga hukom arog sa paslong mga lobo, na minaubos sagkod kan tolang bago mag-abot an aga.

Mateo 24:28

“Kun saen an bangkay, diyan man magkakatiripon an mga uwak.

Lukas 17:37

Naghapot an mga disipulo, “Saen ini mangyayari, Kagurangnan?” Nagsimbag si Jesus, “Kun saen an bangkay, duman man matipon an mga uwak.”

Deuteronomio 28:49

Hale sa poro kan kinaban, ipapadara nin Kagurangnan laban saindo an sarong nasyon, na an lengwahe dai nindo masasabotan. Siring sa sarong agila, sasakloton kamo kan saindong mga kaiwal.