Habakkuk 1:7 - Marahay na Bareta Biblia

⁷ Pinapalakop ninda an takot saka kadahasan, asin sa saindang kapalangkawan, sinda mismo an naggigibo nin pagboot.

Habakkuk 1:7 ပူးပေါင်းရင်းမြစ်များ

Isaias 14:17

Bakong rinaot niya an mga syudad, asin ginibong kalangtadan an kinaban? Bakong iyo ini an dai nanggad nagpatalingkas nin mga bilanggo o nagpapuli sa sainda?”

Isaias 18:2

Hale sa dagang idto, may mga sugo na nagsasakay sa Salog nin Nilo, sa mga sakayan na gibo sa bariw. Magpuruli kamo, mga marikas na sugo! Sarong mensahe an daraha nindo pabalik sa saindong daga na nababanga nin mga salog; daraha nindo iyan sa saindong makosog saka mapangyaring nasyon, sa saindong haralangkaw saka malinig an kublit na mga kahimanwa, na kinakatakotan sa bilog na kinaban.

Isaias 18:7

Maabot an panahon na an Kagurangnan nin mga hukbo maako nin mga dolot hale sa dagang ini na nababanga nin mga salog, sa makosog saka mapangyaring nasyon na ini, sa haralangkaw saka malinig an kublit na namamanwaan na kinakatakotan sa bilog na daga. Maduman sinda sa Bukid nin Sion, an lugar na pinagsasambahan sa Kagurangnan nin mga hukbo.

Isaias 47:8

“Dangoga ini, ika na mamomoton sa kaogmahan, na naghohonang ligtas ka saka matoninong. Sinasabi mong arog ka kadakula sa Dios— na mayong makakaarog sa saimo. Naghona kang dai ka nanggad mababalo o magagadanan nin mga aki.

Daniel 2:31

“Mahal na Hade, nahiling mo sa saimong bisyon an sarong higanteng estatwa na nakatindog sa atubang mo, maliwanag saka nagkikinang, asin makangirhat paghilingon.

Sofonias 2:15

Iyo iyan an mangyayari sa syudad na nagpapaabaw-abaw kan saiyang kapangyarihan asin naghohona na ligtas siya. An mga namamanwaan duman naghohona na an saindang syudad iyo an pinakadakula sa bilog na kinaban. Magigin raot an lugar na iyan, sarong lugar na pagpapahingaloan kan mga lalaw na hayop! An lambang mag-agi duman masibog sa takot.

Deuteronomio 5:19

“‘Dai kamo maghabon.

Deuteronomio 5:27

Magduman ka, Moises, asin dangogon mo an gabos na itataram nin Kagurangnan na satuyang Dios; dangan magbalik ka asin iosip mo samo an saiyang itinaram. An gabos samuyang dadangogon asin kukuyogon.’