Habakkuk 1:6 - Marahay na Bareta Biblia

⁶ Gigibohon kong magin mapangyari an mga taga Babilonia, an maringis saka dai napapamugtak na banwaan. Naglalakaw sinda sa kahiwasan kan daga tanganing sakopon an ibang nasyon.

Habakkuk 1:6 ပူးပေါင်းရင်းမြစ်များ

2 Mga Hade 24:1

Kan panahon kan paghahade ni Jehoiakim, sinalakay ni Hadeng Nebukadnezzar nin Babilonia an Juda. Tolong taon na nagin sakop ni Nebukadnezzar si Jehoiakim, dangan nagrebelde siya.

2 Mga Hade 24:2

An Kagurangnan nagpadara laban ki Jehoiakim nin mga grupo kan mga taga Babilonia, mga taga Siria, mga taga Moab, asin mga taga Ammon tanganing rumpagon an Juda, siring kan saiyang itinaram sa paagi kan saiyang mga sorogoon na mga propeta.

2 Mga Cronica 36:17

Kaya dinara nin Kagurangnan an hade nin Babilonia tanganing salakayon sinda. Ginadan kan hade an gabos na hoben na lalaki nin Juda maski an mga yaon duman sa Templo. Dai siya naherak sa kiisay man, aki man o gurang, lalaki man o babae; an gabos itinao nin Dios sa saiyang mga kamot.

2 Mga Cronica 36:6

Sinalakay ni Hadeng Nebukadnezzar nin Babilonia an Juda, binihag si Jehoiakim, dangan nakakadenang dinara sa Babilonia.

Isaias 23:13

An mga taga Babilonia, asin bako an mga taga Asiria, an nagbugtak nin mga lalaw na hayop sa Tiro. An mga taga Babilonia iyo an nagpatindog nin mga tore sa pagsalakay, naggaba kan mga bantayan nin Tiro, asin an naggaba kan syudad bago sinda naghale.)

Jeremias 13:20

Hilinga, Jerusalem! Nagdadangadang na an saimong mga kaiwal hale sa amihan! Haen na an mga tawong ipinapaniwala saimo, an banwaan na ipinag-orgulyo mo?

Jeremias 21:4

na sabihan ninda si Zedekias na an Kagurangnan, an Dios nin Israel, nagtaram nin siring, “Zedekias, dadaogon ko an saimong hukbo na nakikilaban sa hade nin Babilonia asin sa saiyang hukbo. An mga armas kan saimong mga soldados tatambakon ko sa tahaw kan syudad.

Jeremias 21:7

Alagad ika, an saimong mga opisyal saka an mga tawong nakaligtas sa gera, sa gutom, asin sa peste, mabibihag ni Hadeng Nebukadnezzar asin nin saimong mga kaiwal, na boot gumadan saimo. Gagadanon ka ni Nebukadnezzar. Dai niya ililigtas ni maheherakan an siisay man saindo. Ako, an Kagurangnan, an nagtaram.”

Jeremias 25:9

‘Papasugoan ko an gabos na tawo sa amihan saka si Hadeng Nebukadnezzar nin Babilonia. Dadarahon ko sinda tanganing labanan an Juda, an mga nag-eerok digdi asin an gabos na kataraed na nasyon. Raraoton ko an nasyon na ini asin an saiyang mga kataraed dangan babayaan ko sindang raot sagkod lamang, sarong nakakabigla saka nakakatakot na tanawon. Ako, an Kagurangnan, an nagtaram.

Jeremias 30:5

“Nadangog ko an kurahaw nin pagkataranta, an kurahaw nin pagkatakot asin bakong katoninongan.

Jeremias 4:11

Maabot an panahon na an mga taga Jerusalem sasabihan na may mainit na doros na mahoyop sainda hale sa desyerto. Bako iyan maluyang doros na mapalid sana kan ata,

Jeremias 4:6

Tukdoan an dalan pasiring sa Sion! Magdurulag kamo! Dai na kamo mag-abala! Hale sa amihan may dara an Kagurangnan na karatan saka dakulang pagraot.

Jeremias 4:8

Kaya magsulot kamo nin sako, magtangis kamo saka maghaya huli ta an mabangis na kaanggotan nin Kagurangnan sa Juda dai nahahale.

Jeremias 5:15

Banwaan nin Israel, ipapadara nin Kagurangnan an sarong nasyon hale sa harayo tanganing salakayon kamo. Saro iyan na makosog saka gurang nang nasyon na an lengwahe dai nindo aram.

Jeremias 8:10

Kaya itatao ko sa ibang lalaki an saindang mga agom, siring man an saindang mga oma. An lambang saro, poon sa kasaradayan sagkod sa haralangkaw na tawo, nandadaya tanganing yumaman; nandadaya maski an mga propeta saka mga padi.

Ezekiel 16:40

“Madara sinda nin sarong hukbo na magapo saimo, asin pepedasohon ka ninda kan saindang mga espada.

Ezekiel 21:31

Mamamatean nindo an sakong kaanggotan kun butasan ko na iyan siring sa naglalaad na kalayo. Itatao ko kamo sa kamot nin maringis na mga tawo, na mga tood sa panggagadan.

Ezekiel 28:7

madara ako nin mariringis na mga kaiwal tanganing salakayon ka. Raraoton ninda sa espada an gabos na magagayon na mga bagay na nakamtan mo huli kan saimong kadonongan asin pakaaram.

Ezekiel 31:12

Papalodon iyan dangan babayaan kan mariringis na mga dayuhan. Mababari an mga sanga kaiyan dangan mahugpa sa gabos na bukid saka kapantayan kan daga. Maharale an gabos na nasyon na nag-erok sa lindong kaiyan.

Joel 2:3

Arog sa kalayo, kinakakan ninda an mga tinanom. An daga sa atubang ninda nakakaagid sa Tatamnan nin Eden, alagad saindang binabayaan na garo mayong tanom na kalangtadan. Mayo nin nakakadulag sa sainda.