Habakkuk 1:10 - Marahay na Bareta Biblia

¹⁰ Tinutuyatuya ninda an mga hade asin sinusubahan sana ninda an haralangkaw na opisyal. Pinagngingisihan sana ninda an mga bantayan huli ta tinatambakan ninda iyan nin daga dangan sinasakop iyan.

Habakkuk 1:10 ပူးပေါင်းရင်းမြစ်များ

2 Mga Hade 24:12

Kaya nagsuko saiya si Hadeng Jehoiakin, an ina niya, an mga aki niyang lalaki, an mga pamayo kan hukbo asin an mga opisyal sa palasyo. Kan ikawalong taon kan paghahade ni Nebukadnezzar, binihag niya si Jehoiakin,

2 Mga Cronica 36:10

Kan magpoon na an tig-init, binihag ni Hadeng Nebukadnezzar si Jehoiakin asin dinara sa Babilonia, kaiba an mga kayamanan sa Templo nin Kagurangnan. Dangan si Zedekias, na tiyo ni Jehoiakin, iyo an ginibo ni Nebukadnezzar na hade nin Juda saka Jerusalem.

2 Mga Cronica 36:6

Sinalakay ni Hadeng Nebukadnezzar nin Babilonia an Juda, binihag si Jehoiakim, dangan nakakadenang dinara sa Babilonia.

Isaias 10:9

Sinakop ko an mga syudad nin Calno asin Carkemis, an Hamat saka an Arpad. Sinakop ko an Samaria asin an Damasco.

Isaias 14:16

Hihilingon ka kan mga gadan asin mamaanan. Mahapot sinda, “Bakong iyo ini an nagyugyog kan kinaban asin nagpatakig sa mga kahadean?

Isaias 37:13

Haen na an mga hade kan mga syudad nin Hamat, Arpad, Sefarvaim, Hena, asin Ivva?”

Jeremias 30:5

“Nadangog ko an kurahaw nin pagkataranta, an kurahaw nin pagkatakot asin bakong katoninongan.

Jeremias 32:24

“An mga taga Babilonia nagtambak na nin daga sa palibot kan syudad tanganing masakop ini, asin nagsasalakay na sinda. An syudad mahuhulog sa saindang kamot huli kan gera, gutom, asin peste. Nagkakatotoo na an gabos mong itinaram.

Jeremias 33:4

Ako, an Kagurangnan, an Dios nin Israel, nagsasabi na magagaba an mga harong sa Jerusalem saka an palasyo sa Juda bilang bunga kan pagpalibot saka pagsalakay kan mga kaiwal.

Ezekiel 21:31

Mamamatean nindo an sakong kaanggotan kun butasan ko na iyan siring sa naglalaad na kalayo. Itatao ko kamo sa kamot nin maringis na mga tawo, na mga tood sa panggagadan.

Ezekiel 26:8

Magagadan sa espada an gabos na nag-eerok sa pinakadakulang kabtang na daga kan nasyon. An mga kaiwal makalot nin mga trinsera, matambak nin daga sa palibot, asin magibo nin sarong kudal nin mga kalasag laban saimo.

Sofonias 1:8

Nagsasabi an Kagurangnan, “Sa aldaw na idto nin panggagadan, papadusahan ko an mga opisyal, an mga aki kan hade, asin an gabos na nagsusunod sa mga dayuhan na kaugalean.