Genesis 9:6 - Marahay na Bareta Biblia

⁶ An tawo ginibo sa ladawan nin Dios, kaya an siisay man na gumadan sa kapwa niya tawo, gagadanon man kan saiyang kapwa.

Genesis 9:6 ပူးပေါင်းရင်းမြစ်များ

Genesis 4:14

Pinapahale mo na ako sa dagang ini asin sa atubang mo. Magigin paradulag pa ako asin lagalag sa kinaban; gagadanon ako kan siisay man na makanumpong sako.”

Genesis 42:22

Nagsabi si Ruben, “Sinabihan ko na kamong dai nindo pagkulogon an aki, alagad habo kamong magdangog. Kaya nagbabayad kita ngunyan kan pagkagadan niya.”

Genesis 5:1

Iyo ini an mga kapagarakian ni Adan. (Kan lalangon nin Dios an katawohan, ginibo niya sindang arog sa saiya.

2 Samuel 4:11

Gurano pa daw karaot an sakong gigibohon sa mga maraot na tawo na guminadan nin sarong matanos, na nagkakatorog sa sadiri niyang harong? Bako daw na hahagadon ko sa saindo an saiyang dugo asin paparaon ko kamo sa ibabaw nin daga?”

1 Mga Hade 2:9

Alagad dai mo siya pabayaan na dai mapadusahan. Aram mo na kun ano an dapat gibohon; dai ka magtugot na magadan siya sa natural na paagi.”

2 Mga Hade 11:1

Kan maaraman ni Atalia, na ina ni Hadeng Ahazias, na gadan na an saiyang aki, nagboot siya na gadanon an gabos na kaayon sa pamilya kan hade.

2 Mga Hade 11:16

Dinakop ninda siya, dinara sa palasyo dangan ginadan duman sa may Trangkahan nin Kabayo.

2 Mga Hade 11:20

Nag-ogma an gabos na tawo; nagin matoninong an syudad pakagadan ni Atalia duman sa palasyo.

2 Mga Cronica 33:24

Pinasaluiban si Amon kan saiyang mga opisyal asin ginadan duman sa palasyo.

Salmo 51:4

Tumang saimo, sa saimo sana, nagkasala ako. Ginibo ko an maraot sa atubang mo. Kaya matanos ka sa paghukom sako; dai nasasala sa pagpadusa sako.

Exodo 20:13

“Dai kamo maggadan.

Mga Talinhaga 28:17

Pabayaan nindong maglagalag sagkod na magadan an tawong nagkasala nin panggadan; dai nindo siya pagtabangan.

Parahulit 3:3

panahon nin paggadan, saka panahon nin pagpaomay; panahon nin pagrumpag, saka panahon nin pagtugdok;

Levitico 24:17

“An siisay man na maggadan sa saiyang kapwa, gagadanon man.

Mga Bilang 35:16

“Alagad kun an sarong tawo maggamit nin armas na lansang o gapo o kahoy tanganing gadanon an kapwa, nagkasala siya nin paggadan asin dapat gadanon.

Mga Bilang 35:25

An nakagadan ililigtas kan komunidad sa kadugo kan nagadan. Ibabalik ninda an nakagadan sa syudad na pinagpailihan niya. Kaipuhan duman siya mag-erok sagkod na buhay pa an Halangkaw na Padi sa panahon na iyan.

Mga Bilang 35:33

Kun gibohon nindo iyan, didigtaan nindo an dagang pinag-eerokan nindo; huli ta an paggadan nakakadigta sa daga. Kaya pwera kan paggadan sa kriminal mayo na nin ibang paagi tanganing matubos an daga na nabulosan nin dugo kan biktima.

Mateo 26:52

Sinabihan siya ni Jesus, “Sarongan an espada mo, huli ta an minagamit nin espada, magagadan sa espada.

Roma 13:4

Huli ta siya sorogoon nin Dios na naglilingkod para sa ikakarahay mo. Alagad kun maraot an gibo mo, dapat kang matakot saiya huli ta may kapangyarihan siya sa pagpadusa saimo. Sorogoon siya nin Dios asin dara niya an padusa nin Dios sa mga tawong maraot an gibo.

1 Corinto 11:7

An lalaki dai dapat magsuklob, huli ta siya an ladawan asin kamurawayan nin Dios; alagad an babae iyo an kamurawayan nin lalaki;

Deuteronomio 19:11

“Alagad kun tuyong gadanon kan sarong tawo an saiyang kaiwal, dangan magdulag siya pasiring sa saro kan mga syudad na pailihan,

Deuteronomio 5:17

“‘Dai kamo maggadan.

Santiago 3:9

Ginagamit ta iyan sa pag-omaw sa satong Kagurangnan asin Ama, siring man sa pagmuda kan satong kapwa, na linalang na kabaing nin Dios.

Kapahayagan 13:10

An para sa pagkabihag, mabibihag mananggad; an para sa espada, magagadan sa espada. Kaya an mga banal dapat na magkaigwa nin pakatagal saka pagtubod.”

Hukom 9:56

Sa paaging ini, pinabayad nin Dios si Abimelec kan krimen na ginibo niya laban sa saiyang ama, kan gadanon niya an setenta niyang mga tugang na lalaki.

1 Samuel 15:33

Nagsabi si Samuel, “Huli kan saimong espada, nawaraan nin aki an kadakul na ina; sa siring na paagi, mawawaraan man nin aki an saimong ina.” Dangan pineredaso ni Samuel si Agag sa atubangan nin Kagurangnan duman sa Gilgal.